اية الفرق بين الشاهين 1300 والشاهين1400

[A.samy]

نفسى اعرف من اهل الخبرة اية الفرق بين الشاهين 1300 والشاهين1400عشان فية ناس خوفتنى من الشاهين 1300 وهل ينفع اركب على الشاهين 1300 تكيف يابانى

[Xpert]

انا اللي اعرفه الشاهين 1300 و 1600
و المكنه الجديده و القديمه (القديمه موتور ال131 و الجديده موتور التمبرا)

[فادى]

الشاهين ال1300 أعتقد كلها موتور ال131,
الشاهين 1400 الجديد منها محرك تمبرا مقلوب عشان يناسب الدفع الخلفى,
و من أول 2005 بتنزل ال1400 انجيكشن,
و المحرك التمبرا الانجيكشن مميز جدا بفئتيه ال1400 و ال1600, و لا يختلف كثيرا عن محركات فيات الحالية,
يعنى محرك ال1400 تكنولوجيا أعلى قليلا و أقوى و ممتع فى القيادة,
و الانجيكشن بتاعها مميز و عن تجربة ملوش مشاكل.
أعتقد انك ممكن تركب تكييف على أى سيارة شاهين ده من حيث الاحتمال, و أعتقد ايضا انك مش هتواجه مشاكل كبيرة لأن معظم الشاهين مجهزة للتكييف حتى و لو لم تكن تحتوى عليه.

[sab3aawy]

الفرق بين الشاهين 1300 والشاهين 1440 ان دول جيلين مختلفين من المحركات

محرك الشاهين 1300 محرك 131 ،بنظام الصباب العلوى والكامة السفلية والتاكيهات(ohv) وهو الى حد ما نظام قديم ، وقدرة المحرك حوالى 68 حصان

اما الشاهين 1400 فالمحرك بنظام الكامة العلوية المفردة بدون تاكيهات ، وهو نظام لا يزال متبعا فى عدد من السيارات الصغيرة وبعض الموديلات المبنية بشكل كلاسيكى مثل الشاهين واللوجان وبعض موديلات فولكس فاجن ، وهذا المحرك يعتبر من اشهر محركات فيات، بدأ مع الفيات 128 وخدم فى الريتمو والريجاتا والتيبو والتمبرا والشاهين والدوجان والجيل الأول من السيينا ، والنسخة المستخدمة منه فىالشاهين الكود بتاعها 159.a2.000 ومقاساته كالتالى: قطر المكبس:80.5 مم ، المشوار 67.4 مم، السعة 1372 سم 3، القدرة 78 حصان

موديلات الشاهين من 1997 وحتى 2004 تشترك فى كثير من ادوات التغذية مع الشاهين القديمة ، نفس الكاربراتير الويبر ، نفس الدينامو ، نفس العمة وفلتر الهواء ، وبالطبع نفس آلات الجر والعفشة

اما الشاهين موديلات 2005 وما بعدها فقد تم استبدال نظام الكاربراتير بنظام حقن احادى (رشاش واحد) مع الحتفاظ بنفس المحرك ال1400

تتميز جميع موديلات الشاهين 1400 عن الشاهين 1300 بوجود عداد Rpm فى التابلوه ، ودرج التابلوه يفتح لأسفل وليس بالانزلاق

جميع موديلات الشاهين يمكن تركيب التكييف لها ، مع ملاحظة انه فى ال1300 سيؤثر التكييف بوضوح على سحب السيارة لكنه لن يحد من استعمالها
الفرق الوحيد بالنسبة لتكييف الشاهين 1300 هو ان الكباس يحتاج لتفصيل قاعدة مخصوصة للكباس، لكنه فى جميع الأحوال يمكن تركيبه ، اهم شئ بالنسبة للتكييف هو حالة المحرك وكون السيارة ليست مصابة بداء السخونة المفرطة

[aif]

نفسى اعرف من اهل الخبرة اية الفرق بين الشاهين 1300 والشاهين1400عشان فية ناس خوفتنى من الشاهين 1300 وهل ينفع اركب على الشاهين 1300 تكيف يابانى

مين قدك يا عم .... بيشو وفادي وسبعاوي ردو علي سؤالك ........ناقص ممدوح ....وتاخد شهادة معتمدة من هيئة خبراء المنتدى :)

[shamsman]

برجاء الايضاح هل الريجاتا بدون تاكيهات