Fiat/Seat 127-133

[Transhat]

السلام عليكم يا رجاله :)
كنت طالب طلب صغير ,
انا واحد في شبه حكم شاب صغير :)
كنت بفكر ابيع جهازي الكمبيوتر و اشتري ال 127 او السيات 133
بس في مشكله, انا عمتاً مبتدأ في السيارات ياعني لسه معرفش حاجه خالص , حتى هتعلم على العربيه الهشتريها بأذن الله
فامثلاً عايز اعرف , ال127 او ال 133 , طبعاً ميزانيتي فحدود ال 5000 جنيه مش هتزيد غير 500
فاممكن اقول 127 او 133 او بيتل
و بعدين انا هاخد العربيه مش عايز يكون مشاكلها مقرفه زى ما الناس بتقول على ال 133 انها بتسخن و كده , فانا استخدامي هيكون متقصر اوي مع العربيه لحد 17 سنه , و هتستخدم كل يوم
و كمان فتره كبيره شويه , هغير لتيوتا كرولا مودلات التسعينات , الفوانيسها عريضه.
الأستفسارات كالتي :-
- ممكن تركيب تكيف في ال 127 - السيات 133 كماثل؟
- سحب البنزين , و ال 92 ايه نظامه؟
- الكهربا كمثل , الغيارات و غيره
- سعر العربيه.
ياعني انا جهازي هيكون في حدود ال 2500 على المعايا ياعني 3000 جنيه
فأيه انسب حاجه ليه , و العربيه لها في الشهر ب 50 جنيه بنزين و ههشتكها و انضفها ب 50 جنيه
و لو عايز اغير لو العربيه للون زى الانسر الاكشن الفضي هيتكلف فلوس مثلاً
و بعدين السيات بتريح شويه في المصاريف ولا كل ما انزل هلاقي عيب ؟
و نفس السؤال لل 127
و اقدر اجري بالسيات على 100 ولا هتفتح بوقها ؟
و كمان ممكن اقدر اغير عداد السيات المنخمسينات ده؟
و اخر سؤال هو لو ركبت اسبويلار على العربيه هيكون في مشاكل؟ ياعني ممكن يعمل حاجه في العربيه مثلاً ؟
و شكراً

[hugan]

ربنا يعينك

[Transhat]

جدعان ياريت اعرف الفروق بس مش اكتر انما حكاية الشراء ممكن تتأجيل شويه لحد سنه و نص كده
بس عرفوني الفروق عشان ابقى جاهز بأذن الله

[hugan]

شوف اخي ا سعد
اولا علشان تمتلك عربيه لازم يكون عندك امكانيه تصرف عليها
لان العربيات هم لا يتلم
بيت تاني مفتوح
دي اول حاجه
كونك تبيع جهاز الكمبيوتر بتاعك علشان تشتري عربيه
مش ماشيه ماتجيش ولا الجهاز ها يجيب فلوس عربيه ولا حتي موتوسيكل ولا الفلوس اللي معاك تكمل
هاترمي القرشين اللي معاك في الارض
لان السيات حتي لو ب5000
لازم تصرف عليها وان كانت لاتستحق
ال 27 التوب افضل منها بمراحل
يعني 27 توب 2باب مش 27 فيورا
المبلغ اللي معاك ما يجيبش 27 توب تتركب وتمشي بيها خالص
الموضوع مغامره كبيره ليك
بدون داعي ها تحسر جهازك زهاتخسر القرشين اللي معاك
استني شويه لحد مايكون معاك 12000 مثلا تشتري توب ب9او10 وتظبطها بالباقي

[S O P H O S]

كراي اخوي
اصبر وحوش وزود المبلغ الي معاك
واشتري ساعتها 127 وتكون نظيفة وعلي فكرة مفيش 127 ب 5000 جنيه
لو جبت 133 هتكون كأنك جبت بودي عربية علشان تركنها تحت البيت فقط ليس الا
وعن تجربة اصبر لحد ما تجيب 127 ولازم يكون معاك فوق ال 10 علشان تشتري حاجة نظيفة وتعرف تسجل وترخص وكده
ولك الاختيار ..

[mona_881]

متابعة

[Transhat]

شوف اخي ا سعد
اولا علشان تمتلك عربيه لازم يكون عندك امكانيه تصرف عليها
لان العربيات هم لا يتلم
بيت تاني مفتوح
دي اول حاجه
كونك تبيع جهاز الكمبيوتر بتاعك علشان تشتري عربيه
مش ماشيه ماتجيش ولا الجهاز ها يجيب فلوس عربيه ولا حتي موتوسيكل ولا الفلوس اللي معاك تكمل
هاترمي القرشين اللي معاك في الارض
لان السيات حتي لو ب5000
لازم تصرف عليها وان كانت لاتستحق
ال 27 التوب افضل منها بمراحل
يعني 27 توب 2باب مش 27 فيورا
المبلغ اللي معاك ما يجيبش 27 توب تتركب وتمشي بيها خالص
الموضوع مغامره كبيره ليك
بدون داعي ها تحسر جهازك زهاتخسر القرشين اللي معاك
استني شويه لحد مايكون معاك 12000 مثلا تشتري توب ب9او10 وتظبطها بالباقي

طيب ههى ايه الفروق الجامده اوي بين التوب و الفيورا و العاديه
اص انا هجيب العربيه مش هجري بيها جامده , و هستخدمها في الأسبوع مرتين او تلاته (وقت المهم)

كراي اخوي
اصبر وحوش وزود المبلغ الي معاك
واشتري ساعتها 127 وتكون نظيفة وعلي فكرة مفيش 127 ب 5000 جنيه
لو جبت 133 هتكون كأنك جبت بودي عربية علشان تركنها تحت البيت فقط ليس الا
وعن تجربة اصبر لحد ما تجيب 127 ولازم يكون معاك فوق ال 10 علشان تشتري حاجة نظيفة وتعرف تسجل وترخص وكده
ولك الاختيار ..

ال127 كانت معروضه على على 5.5 , ماتورها كان سليم و من جوه ممتازه
طيب ايه الفروق بينها و بين ال 133
و ياريت تقولي تجربتك مع ال 133
و مين اسرعهم و بتوفر بنزين , و ممكن يتفيرلها ماتور
لأني شفت واحد ماشي بماتور سيانا على 133
و قطع غيار من الأرخص؟
و بردو محدش جاوبني على الأسئله الفوق (ياريت اهل الخبره و التجربه يفيدوني)
شكراً للاجابه و الافاده

[misoalex]

مبدأيا طالما معاك فى حدود ال 5000 يبقى متفكرش فى السيات دلوقتى خالص خالص وركز فى ال 127 توب

المشكله ان 5000 حيجبولك حاجه بحاله متوسطه او اقل من المتوسطه متبصش للشكل وخلاص العربيه مش شكل وموتور العربيه حجات تانيه كتيييييييييييييييييييييير
المشكله انت تقدر تصرف على العربيه ولالا
مفيش حاجه اسمها حصرف 50 جنيه بنزين و50جنيه اهشتكها بيهم
ال 50 جنيه دول ميجبوش طقم بوجيهات وابلاتين وكندسر وساعات ميكفوش اصلا مصنعيه مكانيكى او عفشجى او كهربائى
انا مش بعقدك بس الحق لازم يقال عشان متدبسش العربيات القديمه بلاعه مفتوحه وبتاخد مصاريف اكتر من الزيرو بكتييييير

[Transhat]

مبدأيا طالما معاك فى حدود ال 5000 يبقى متفكرش فى السيات دلوقتى خالص خالص وركز فى ال 127 توب

المشكله ان 5000 حيجبولك حاجه بحاله متوسطه او اقل من المتوسطه متبصش للشكل وخلاص العربيه مش شكل وموتور العربيه حجات تانيه كتيييييييييييييييييييييير
المشكله انت تقدر تصرف على العربيه ولالا
مفيش حاجه اسمها حصرف 50 جنيه بنزين و50جنيه اهشتكها بيهم
ال 50 جنيه دول ميجبوش طقم بوجيهات وابلاتين وكندسر وساعات ميكفوش اصلا مصنعيه مكانيكى او عفشجى او كهربائى
انا مش بعقدك بس الحق لازم يقال عشان متدبسش العربيات القديمه بلاعه مفتوحه وبتاخد مصاريف اكتر من الزيرو بكتييييير

اه ولله عندك الماروتي صنعتها 30 جنيه -_-
بس الماروتي ضيقه جداً عن ال 127 مش عارف اخد راحتي فيها , بس البنزين و الفتيس الحسنه الفيها
------
5000 جنيه و في 500 جنيه هنيل بيهم اي حاجه
,,,,,,,,
انا اقصد 50 جنيه بنزين و 50 جنيه تغير فوانيس و كده
اما في 120 جنيه تاني للعربيه و لو باظت جامد ياعني هتتكلف كتير نبقى نصلحها الشهر البعده او هتصرف المهم مش هتزنق جامد
-------
بس ياريت تقوليل غيارات ال127 بكام
و ايه لزمة البوجيهات و المقصات و الكبالن و البلاتين و الكندسر ؟؟
اما بقيت الحجات معروفه , زي العمره او الشسيه او الشكمان الريداتير الحجات ديه معروفه
بس هو ممكن اسقط ماتور في ال127 بتاع عربيه تاني مثلاً ؟ ولا ماتورها كويس؟
و قطع غيار الفوانيس و المرايات و السماعات سعرهم و لو عايز اغير لونها زى الفضي البيلمع او الأسود الدارك مش glass تتكلف كام ؟
و لو هفيم الفوانيس و اركب سبويلر و اغير لشكمان كبير و طقم جنوط تكون في حدود الكام مثلاً
ياعني الاتي
فوانيس متفيمه او شفافه او شكلها جميل و سماعات و شكمان واسع شويه و زجاج ممتاز لو زججها ضايع و سنتر لوك و باور للدركسيون و سبويلر و كمان هجيب كاسيت و هل ممكن تركيبلها تكيف
بس هو ده الأنا عايزه و سحبها معروف 3 او 4 لتر كل 100كيلو مش كتير خير :)

[mona_881]

هو انت بتتكلم بجد هاتعمل كل اللي بتقوله ده ب 5500 جنيه احنا داخلين علي سنة 2013 السعر ده كان ممكن ينفع في التسعينات
كل الزملاء اللي ردوا عليك كانو بيحاولو يقنعوك ان المبلغ قليل جدا من غير مايحرجوك بس الظاهر ان انت مصمم
علي العموم نصيحتي ليك ياإما تضاعف المبلغ (علي الأقل) أو تجيب حاجة تعبانة وتصرف عليها علي مهلك وماتستعجلش في ركوبها لأنها هاتبقي متتركبش لازم تصرف عليها كتييييييير علشان تنفع تتركب

والاهم انك ماتزعلش من صراحتي إعتبرني أختك الكبيرة وبنصحك نصيحة مخلصة والله ولا تيأس كلنا كنا عندنا نفس الطموح ده واحنا في سنك وكان نفسنا يبقي عندنا عربية ويااااااااااارب لما تكبر تركب مرسيدس

[mona_881]

معلش سوري يعني بالمرة كده واحنا صرحا مع بعض.......
تكييف ايه وباور ايه واسبويلر ايه وموتور سيينا ايه اللي عايز تركبهم في ال 127 أو ال 133 يا راااااااجل ده ولا 193 حتي....... هي كبيرها مروحة 12 فولت بس لو لاقيت الولاعة أصلا ههههههه
وبلاش السبويلر علشان ممكن يخلي السيات تقفز
ماتزعلشي مني والله العظيم انا بهزر انا بدأت ب 128 زمااااااان مو 81 وكانت حالتها تعبااااااانة جدا وكانت كل ماصرف عليها قرشين واقول دي بقت عربية ألاقيها تاني يوم بتعطل عادي جدا خليك متفائل
احلم زي مانت عايز بس بالمنطق

[magic girl]

بص انا مش هازود كتير عن اللي اتقال :) المبلغ ده فعلاً لو جاب هاتبقى حاجة تعبانة.. لسة واحد قريبي صارف على عربيته ال 127 7000 جنية عشان تتظبط " ده بغض النظر عن انك عايز حاجات زي الزجاج الفيمية و السبويلر و الشكمان بأد كده, ده غير لو هاتسقط موتور والتكاليف بتاعته, ده غير ان مفيش حاجة اسمها 127 او 133 بتكييف و باور !! ", و اصلاً اديتله كلمتين حلوين عشان انا شايفة انه صرف المبلغ ده على الأرض !!

بص, بجد نصيحة اتقل شويتين لحد ما يبقى معاك فلوس أكتر وتجيب حاجة متبهدلكش, خاصة انك اكيد لسة طالب و مش هايبقى معاك الألافات اللي تخليك كل يوم و التاني عند الميكانيكي.. يعني سوري الواحد بيبقى بيشتغل وساعات العربية بتزنقه في فلوس و بيبقى محتاس..!! و متقلقش مش فايتك كتير يعني السواقة في مصر مش متعة زي مانت متحيل "biggrin"

[Transhat]

بأمانه احبطوني خااااااالص
طيب الماروتي يتجبلها تكيف و دركسيون باور ؟
واهى عربيه محترمه و ماسكه نفسها و جديده و مش هتطلب كتير
بس ممكن اسقطلها ماتور ؟ (الفلوس متوفره)

[misoalex]

بأمانه احبطوني خااااااالص
طيب الماروتي يتجبلها تكيف و دركسيون باور ؟
واهى عربيه محترمه و ماسكه نفسها و جديده و مش هتطلب كتير
بس ممكن اسقطلها ماتور ؟ (الفلوس متوفره)

لا الماروتى اخرك حتركبلها تكيف جديد ب 3000 تقريبا لكن ولا باور ولا غيره وعشان تجيب ماوتى بحاله كويسه حتبتدى من 20 او 25 الف

خليك دلوقتى فى ال 127 وشوف حتنفع معاك ولالا ومصاريفها مش غاليه بالنسبه للمرايات والفوانيس والكلام ده لكن لو حنتلم عن تسقيط مواتير وكده فده كلام تانى خالص ال 127 بيتسقط فيها مواتير وتيربو كمان بس كله بتمنه يعنى عاوزه 20 باكو عشان تبقى اللى فى دماغك يعنى 20 الف +5 او 7 الاف تمنها يعنى 27 الف ودول يجيبولك عربيه حديثه فيها باور وتكييف ازاز كهربا وخلافه
انا كان معايا 128 صرفت عليها 10 الاف تقريبا ولما جيت ابيعها خسرت فيها + انها برضه كان 128 اينعم كانت مميزه جدا جدا وغيرت شكلها خالص من جوه ومن بره بس برضه اسمها 128 ولا تكييبف ولا باور وعيوبها هى هى

[Transhat]

ولله شكراً لمتبعتك ياميسوالكس
و انا فعلاً احبط لل127 من ناحية اني اشتريها
فقررت اجيب متسوبيشي كولت لأمي لو قفلت معايا هجيب 127
طيب لو حبيت انعم دركسيون ال 127 و اغير التابلو دا مش غالي اوي :) ياعني ممكن يكلفني في حدود ال 5 باكو
انا معايا 10 الف حالياً قولت اطلع 5 منهم و اسيب التانين تظبيط .
و في فلوس تصليح
فأيه رأيك , كولت بردو كويسه , بس بتسحب و هطلع عيني و لا خفيفه زى ال127؟
و تصليحها برضو
و كده انا اخدت المعلومات الكافيه و اشكرك جداً يارت بس تاتبع اخر اسأله
و صرفت فكرة ال كرولا.