إعـــــــلان

Collapse

.

,
See more
See less

رأيكم في بونتو 2000 بالسعر ده ؟

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    رأيكم في بونتو 2000 بالسعر ده ؟

    السلام عليكم
    عايز رأيكوا ياشباب عشان نويت اتوكل على الله واشتري لو طلعت كويسه

    بونتو موديل 2000 وبسعر 31 الف جنيه
    من الكشف الظاهري كده اعتقد مفيهاش مشاكل لسه هاخد الميكانيكي بكره ان شاء الله يكشف عليها

    المشكله اللي حسيتها هي لما بجيب الدواسه عالاخر على الاول العربية مبتسحبش صوت الموتور بيعلى فقط من غير ما تجمع عزم او تسارع لكن باقي الغيارات حاسسها تمام مفيهاش مشكله سحبها معقول
    ديه ممكن تكون من ايه وهل صعب حلها ؟؟

    وايه رأيكم في السعر العربيه محتاجه مصاريف بسيطه مرايه وشحن تكييف وعوامة البنزين وحاجات صغيرة كده؟؟
    وايه رأيكم في البونتو عموما هل قطع غيارها وتصليحها سهل ولا هيتعبني ؟

    شكرا
    الكلمات الدلالية (Tags): 2000, بالسعر, بونتو, ده, رأيكم, في
  • #2
    المشاركة الأصلية كتبت بواسطة the necromancr مشاهدة المشاركة
    السلام عليكم
    عايز رأيكوا ياشباب عشان نويت اتوكل على الله واشتري لو طلعت كويسه

    بونتو موديل 2000 وبسعر 31 الف جنيه
    من الكشف الظاهري كده اعتقد مفيهاش مشاكل لسه هاخد الميكانيكي بكره ان شاء الله يكشف عليها
    عليكم السلام .... السعر كويس جدا لو العربية كويسة ....

    المشاركة الأصلية كتبت بواسطة the necromancr مشاهدة المشاركة
    ا
    المشكله اللي حسيتها هي لما بجيب الدواسه عالاخر على الاول العربية مبتسحبش صوت الموتور بيعلى فقط من غير ما تجمع عزم او تسارع لكن باقي الغيارات حاسسها تمام مفيهاش مشكله سحبها معقول
    ديه ممكن تكون من ايه وهل صعب حلها ؟؟
    الأفضل أن حضرتك تكشف في التوكيل ...
    هي العربيات دي عامة مابتسحبش بالكبس السريع للبنزين ... دوس أبطأ تدي تسارع أحسن ...
    بس الكشف هو اللي هيبين في مشكلة أو لأ .... أخبار أسطوانة الدبرياج إيه ؟.

    المشاركة الأصلية كتبت بواسطة the necromancr مشاهدة المشاركة
    ا
    وايه رأيكم في السعر العربيه محتاجه مصاريف بسيطه مرايه وشحن تكييف وعوامة البنزين وحاجات صغيرة كده؟؟
    وايه رأيكم في البونتو عموما هل قطع غيارها وتصليحها سهل ولا هيتعبني ؟

    شكرا
    شحن تكييف دي كلمة شائعة ومش مطمئنة ... أتأكد أن التكييف شغال ...
    مقدرش أفيدك بخصوص عوامة البنزين ... معنديش معلومات بخصوصها ...
    وبالنسبة للبونتو فـ قطع الغيار متوفرة وكل حاجة وأسعارها غالية شوية في بعض الحجات لكن الإستيراد بيحل مشاكل كتير ... التصليح مش أي حد بس العربية أنتشارها مش وحش أوي يعني وفي ناس كتير بتشتغل فيها عادي ...

    وبالتوفيق أن شاء الله ...
    [CENTER][U][all1=#88ff00][U][OVERLINE][U](((سبحان الله وبحمده .... سبحان الله العظيم )))[/U][/OVERLINE][/U][/all1][/U][/CENTER]

    Comment

    • #3
      انا شايف ان سعرها حلو اوى بس لو بالحالة اللى بتتكلم عاليها
      البونتو ال2000 فعلا عربية محترمة
      على فكرة ابن عمتى لسة بايع بونتو2000 على 34
      بس مكنتش محتاجة مسمار ومش رشة غير اكصدامين
      انا من رأى تطلع على التوكيل تعمل كشف شامل لحالة العربية او على الاقل مركز محترم يكون عندة كشف شامل
      هيتأكد على شاسية العربية سليم ولا ملعوب فية والمكنة تعرف كبسها اية حالة العفشة هيكبس دورة التكييف ويشوف فعلا محتاج شحن فقط ولا الموضوع فية صيانة وخلى بالك الكلمة دى غالبا لما تسمع التكييف عايز شحن فى عربية بتتباع بيبقى غالبا محتاج صيانة خصوصا لو تاجر
      ولو الميكانيكى بتاعك اللى هيبص على العربية ومروحتش مركز خدمة او التوكيل لو الميكانيكى قالك اعتمد قبل ما تخلص تاخد البايع وتروح لواحد بتاع تكييف محترم يكبس الدورة ويشوف الموضوع شحن وخلاص ولا فية صيانة والله فية صيانة يبقى تعرف الكلفة اية وتتفق معاة يخصم التكلفة من تمن العربية وبردو تاخدة معاك وتروح لحد بتاع زوايا كمبيوتر محترم والمهم يكون الصنايعى فاهم مش حافظ وتخلية يكشف على العفة بالكامل هيطلعك اى عيب ان وجد ولو لاقدر فية حاجة بردو حاول تنزلها من العربية
      شوف حالة الكاوتش اية جديد شغال وكويس خلاص محتاج يتغير سواء ممسوح او فية بلالين وبردو حالة البطارية ومتاخدش اوى على اللمبة حاول تشوف الضمان بتاعها اوحاول تعرف شغالة قد اية شغالة سنة ماشى شغال قول قدامها شنة كمان وتتغيير انما بقالها سنة ونص او سنتين يبقى البطارية توقع انها خلاص ممكن تعملها فى اى وقت انا بتكلم على البطاريات الجافة
      عشان الحاجات الرفايع دى حاول تكشفها قبل ما تخلص وياتخصم احاجات دى يا تتفاوض معاة فى السعر على اساس انك هتصرف على العربية
      يعنى مثلا لو انت قدرت شوية الشغل اللى فيها مثلا مثلا 1000ج تحاول تنزلهم ولو رست على 800ج ينزلوا من سعرها يبقى افضلك انا بضرب اى ارقام على فكرة مثال يعنى
      بالطريقة دى هتقدر تاخد العربية بقيمتها فعلا
      عشان متجيش بعد كدة تلاقى نفسك هوب عايز بطارية هو طقم كاوتش او فردتين مثلا سعنى
      يبقى انت دفعت تمن العربية وهتلاقى نفسك صارف 1000 ولا 1500 فى شوية رفايع فوق تمن العربية وبدال ماهى هتقف عليك ب31 لا هتلاقيها وقفت عليك ب 33 او 32.5 مثلا
      يارب اكون قدرت اوصلك الرسالة صح عشان شوفت وعيشت مواقف زى دى
      لسة واحد معرفة عجبتة عربة اوكتافيا a4 وبعد ما خلص فيها اكتشف ان فيها عيب فى الجير بوكس
      فا احنا نأمن نفسنا ونحاول نفتش العربية كويييس
      وان شاء الله لو ليك نصيب فيها تاخدها محصلش ربنا هيبعتلك الاحسن وربنا معاك ومبروك مقدما
      سورى صدعتك بس ضميرى حكم عاليا انى اقولك الكلام دة
      [B]لا اله الا الله محمد رسول الله[/B]
      [B] يارب احمى مصر[/B]

      Comment

      • #4
        بونتو 2000 دي الشكل القديم . ليا صديق كان معاه بونتو 2003 الشكل الجديد بعها ب 33 الف اعتقد سعر الشكل القديم كده عالي واسال في السوق والله الموفق
        [OVERLINE]اذا لم تحارب من اجل شي اردته فلا تبكي علي شي قد خسرته[/OVERLINE]

        Comment

        • #5
          المشاركة الأصلية كتبت بواسطة mohamedrabia مشاهدة المشاركة
          بونتو 2000 دي الشكل القديم . ليا صديق كان معاه بونتو 2003 الشكل الجديد بعها ب 33 الف اعتقد سعر الشكل القديم كده عالي واسال في السوق والله الموفق
          2000 punto nova مش الشكل القديم ....
          و2003 زي 2000 هما الأتنين الجيل التاني للبونتو ...
          .
          [CENTER][U][all1=#88ff00][U][OVERLINE][U](((سبحان الله وبحمده .... سبحان الله العظيم )))[/U][/OVERLINE][/U][/all1][/U][/CENTER]

          Comment

          • #6
            المشاركة الأصلية كتبت بواسطة graffittiii مشاهدة المشاركة
            عليكم السلام .... السعر كويس جدا لو العربية كويسة ....
            متشكر يافندم جزاك الله خيرا

            المشاركة الأصلية كتبت بواسطة zocor742 مشاهدة المشاركة
            انا شايف ان سعرها حلو اوى بس لو بالحالة اللى بتتكلم عاليها
            البونتو ال2000 فعلا عربية محترمة
            .....
            متشكر يافندم جزاك الله خيرا

            Comment

            • #7
              المشاركة الأصلية كتبت بواسطة mohamedrabia مشاهدة المشاركة
              بونتو 2000 دي الشكل القديم . ليا صديق كان معاه بونتو 2003 الشكل الجديد بعها ب 33 الف اعتقد سعر الشكل القديم كده عالي واسال في السوق والله الموفق
              المشاركة الأصلية كتبت بواسطة graffittiii مشاهدة المشاركة
              2000 punto nova مش الشكل القديم ....
              و2003 زي 2000 هما الأتنين الجيل التاني للبونتو ...
              .
              فعلا هي الشكل الجديد لكن فيه فرق بسيط في الاكصدام قدام

              Comment

              • #8
                المشاركة الأصلية كتبت بواسطة the necromancr مشاهدة المشاركة
                فعلا هي الشكل الجديد لكن فيه فرق بسيط في الاكصدام قدام
                الفرق بينها وبين الـ Punto classic الشبكة والكشافات الأمامية ...
                .
                [CENTER][U][all1=#88ff00][U][OVERLINE][U](((سبحان الله وبحمده .... سبحان الله العظيم )))[/U][/OVERLINE][/U][/all1][/U][/CENTER]

                Comment

                • #9
                  الكشف عن بونتو

                  يا جماعة أنا لو عاوز اكشف علي العربية في التوكيل او مركز معتمد.


                  1- سعر الكشف كام في حالة التوكيل أو مركز خدمة

                  2- مكان توكيل البونتو أو أقرب مركز خدمة من الهرم أو الجيزة أو الدقي بس يكون محترم و يجيبلي حالة العربية من الآخر علشان مش عاوز أعتمد علي ميكانيكي يلبسني في الحيط.


                  و شكراً جزيلاً مقدماً لكل أعضاء نايل موتورز و خاصةً ال هيتكرم بالرد :b4_007:

                  Comment

                  السابق template التالي
                  Working...
                  X