صوت عصافير في كاوتش الريجاتا

[ashraf_fathy]

في اصوات زي صوت العصافير في الكاوتش و بتفضل مستمره طول ما انا ماشي و الميكانيكي قالي ده عادي ممكن يكون تيل الفرامل بيحك لكن مفيهاش مشكله
فهل ده صح
انا لاحظت انه لما يفك تيل الفرامل و ينضفه او يغيره الصوت بيروح لفتره و بعدين يرجع تاني
ايه رأيكوا ؟

[galilio_mad]

خامة التيل وحشة , حاول تشوف نوع احسن
كان عندى نفس المشكلة , جبت التيل الاصلى من عند الكيلانى اللى علية ختم Fiat-lancia
كفاءة الفرامل اتحسنت و كل اصوات الصفافير و الحك راحت و الحمد لله

[ashraf_fathy]

شكرا جدا للرد استاذ galilio_mad بجد انت كده طمنتني معنى كده ان على الاقل ده مش هيبوظ حاجه
هو الكيلاني ده في شارع دمشق ولا فين و تقريبا التيل كان عامل كام؟ و اعرف ازاي ان ده الاصلي علشان انا غيرت اكتر من تيل و اخر واحد ده المفروض انه الايطالي الأصلي "هو مشقوق من النص بالعرض"
و البيانات اللي على العلبه كاتالي
Samko
pastiglie freno
و على العلبه ستيكر مكتوب عليه
5SP094
Alfa romeo fiat
INNOC. Mille * lancia
Delta Prisma
Made in E.E.C - Italy

معلش انا اسف على التطويل بس انا حاولت اديك اكبر قدر من المعلومات و ربنا يخليك لينا و نتعلم منك

بجد شكرا جدا على المساعده

[regata85]

والله يا أخى أنا كان عندى تقريبآ نفس المشكلة فاءذا كانت الصفارة من

اءلأمام
- تأكد من خزانة زيت الباكم مملؤة عند المستوى المناسب
- خراطيم زيت الباكم غير مسدودة وفى حالة جيدة
- نظافة التيل و ثبات المسامير والبرشام وكذلك ديسك الفرامل
- اءستخدم تيل جيد متوسط السعر مثل Beser تركى اءن وجد

اءلخلف
- تأكد من مدى تأكل الطنابير ما اءذا كانت فى حاجة الى تغيير من عدمه فاءذا كانت
الطنابير فى حالة جيدة قم بحشو التيل الخلفى ويسمى قباقيب
الطنابير فى حاجة الى تغيير اشترى تيل جديد قباقيب
- تأكد من مدى سلامة الماستر العمومى والجلد الخاص به
- اءستخدم تيل قباقيب Samko اءيطالى

وبالتوفيق

[l0new0lf]

khale el mekaneke yboselak 3ala el khezan (eldosham) momken tkon mabterga3sh ba3d matsheel reglak min 3al faramel wetkon 3awza ta'3yeer elkawtsh
teel STOP khamto kowayesa