الـ 128 فيها مشكلة !!!! ( أرجو المساعدة )

[KemyaV]

الـ 128 إتجننت

العربية كانت واقفة ف إشارة ، المهم جبت الأول ، وطلعت ،، وجبت التاني

لقيت العربية مش بتعشق !!

ركنت على جنب ،، ومورت الفتيس

وجيت أجيب أول ! مش بتجيب ، بتعشق تالت !!!!!!

ولما اعشق مارشدير بتطلع لقدام !!!

والعصاية كانت بتلف في أي اتجاه عادي


سبت العربية عشان كنت مستعجل وكلمت أخويا جه وداها لميكانيكي ،،

المهم هو ظبطها ، بس مقالوش كان فيها ايه
__

المشكلة دلوقتي ان عصاية الفتيس بقت خفيفة أوي
بتعشق تمام كل الغيارات بس خفيـفة
__

كنت عايز أعرف هل خفية العصاية دي فيها غلط ؟؟
وإيه سبب انها فصلت غيارات ف الأول ( مع انها كانت بتعشق تالت ورابع بسسس )
وايه المفروض اعمله عشان المشكلة دي متحصلش تاني

شكراً ليكو

[a_bahaa14]

هتلاقى حاجة اسمها الملعقة الى بتشيل عصاية الفتيس فكت وهو ربطها تانى والمفروض كنت تحس ان عصاية الفتيس مبتعشق على طول بتعلق ساعات وسعات لا قبل ما تفصل كله

[KemyaV]

لا قبل ما تفصل كانت شغالة تمام ، ومعلقتش خااالص ، هيا فجأه فصلت كدا :o

[مواطن مصرى]

ده ترس داخل الفتيس اسمه ترس المعلقة بيتكسر على طول فى الـ 128 .. محتاج دايما متابعه و تربيط الفتيس من تحت العربيه + تغيير زيت الفتيس بانتظام ..

المشكله دى عاديه فى الـ 128 و كل اللى ساقوها اتعرضوا ليها مره و اثنين .. متخافش ...

[KemyaV]

تسلموو يا رجالــة ، وشكراً بجد على تعاونكم واهتمامكم :)

[eng_ahesham]

المعلقه يا معلم

[KemyaV]

تسلم يا باش مهندس :)