سيارة زاستافا 128

[seaangel]

السلام عليكم

انا ادبست فى عربية زاستافا 128 موديل 81 و اشترتها 9000ج و صرفت عليها 8000ج

و العربية دهنتها ميتالك فرن و عملت ارضية العربية جلد جديد و السقف فرشتة من جديد و الكراسى ايضا و غيرت العفشة الامامية كلها من المساعد حتى بلى العجل و غيرت الفتيس و العدادات كلها تعمل و و الاكصدمات جديدة و الفوانيس الامامية و الخلفية جديدة و الريداتير جديد و القرية و الماتور جيد جدا

سؤالى العربية كدة تجيب كام لو اتباعت .

و ارجوا منكم الرد لاننى اريد بيعها

[rady127]

انتا طالب فيها كام ؟

[seaangel]

بصراحة انا كنت عايز اطلب فيها 17 بس انا مش عارف هية هتجيب المبلغ دة ولأ عشان عربيات الفيات بتكون فى حدود 15 الى 16 و أنا مش عارف بجد

[aw2100]

السلام عليكم

انا ادبست فى عربية زاستافا 128 موديل 81 و اشترتها 9000ج و صرفت عليها 8000ج

و العربية دهنتها ميتالك فرن و عملت ارضية العربية جلد جديد و السقف فرشتة من جديد و الكراسى ايضا و غيرت العفشة الامامية كلها من المساعد حتى بلى العجل و غيرت الفتيس و العدادات كلها تعمل و و الاكصدمات جديدة و الفوانيس الامامية و الخلفية جديدة و الريداتير جديد و القرية و الماتور جيد جدا

سؤالى العربية كدة تجيب كام لو اتباعت .

و ارجوا منكم الرد لاننى اريد بيعها

انا مكنتش عاوز اكتب بس حقولك الصراحة انا كانت معايا 128 زاستافا وقعدت معايا 14 سنة المهم موتورها 10/10 كنت شرية بالفتيس استعمال وقبل ماابيعها كنت عامل عمرة موتور كاملة وكانت كاوتش تيوبلس 4 فرد وبوية تمام والعفشة كويسة وفرش جلد جديد وفبريكة من جوة مش لاعب او معدل اي حاجة وكانت عربية طلقة انا كنت شاريها بحوالى 7000 جنية فى عام 97 وصرفت عليها فى ال14 سنة حوالى 20000 جنية 3 عمرات سمكرة و تغيير موتور وعمرة موتور وبعتها فى 2011 ب 6000 جنية فقط انا كنت معتز بالعربية شوية بس طبعا عربية حريمى وعلمتنى الأدب فى السواقة وكل شوية مقص اتكسر الشاسية اتشرخ المهم قرفتنى انا طبعا حاولت ابيع الزستافا لمدة 4 شهور وفى الأخر خدها منى تاجر وعرفت انه لبسها لواحد ب 8000 جنية ودة بعد ما الحمد لله اشتريت فليشيا كومبى الأن انا نصيحتى لو مش محتاج تبيع العربية اركبها لما تخلص وتقع وبعدين بيعها وبرضه مش حتيجيب اكتر من 6000 جنية لكن حتى 9000 جنية صعب تجيبهم حتى لو كانت فبريكة فهى من العربيات الصعب بيعها وربنا يعوض عليك ؟؟؟!!!!

[eng_ahesham]

متهيئلي يا باشا تجيب 13 او 14 بس برضه حاول تفصلنا الحاله اكتر و لو في صور هيبقي موضوع التسعير اسهل بكتير ان شاء الله و ربنا يحسنلك بيعها