مشكلة في الدوارة كل يوم الصبح

[scoobie_dj]

السلام عليكم
انا معايا فيات 127 مو 80 مسقطلها موتور فيات دونا 60 - 1116 سي سي كان ماشي كويس بس من حوالي شهر بدأ كل يوم الصبح ميدورش غير لما اقدم الكهرباء ( الف الاسبراتير عكس عقارب الساعة ) وده كل يوم الصبح - طول اليوم تمشي زي الفل ابطل وادور في اي وقت لحد ما اركنها باليل وتاني يوم يحصل نفس المشكلة
غيرت البوبينة - والبوجيهات - وابلاتين وكوندنسر - وبصيت علي التقسيمة - وترس الاسبراتير ومش عارف ايه الحل يا ريت حد يفيدني

[exact]

هو اللف عكس عقارب الساعة تقديم وللا تأخير؟؟؟
أعتقد انك كده بتأخر

هو عموما اساس الحوار ده كله كهربة الاشعال... فك البوجيهات هتلاقيها عليها طبقة كربون محترمة وظبط الثغرة احتمال بسيط تكون ضيقة

[scoobie_dj]

البوجيهات لسة جديدة والثغرة مظبوطة وكله تمام ونفس المشكلة

[amro1965]

انا حصل معايا مشكله عدم الدوراة صباحا
شيكت على الاتى
البطارية
وغيرت فلتر البنزين والهواء
نفس المشكلة
سيارتى حاسس ان السيارة كهرباء زياده
غيرت البوجيهات وجدت الاول والثالث مهببين
والمشكله اتحلت لكن مش عارف سبب الهباب ده ايه
دورت فى المنتدى خلاصه البحث ان سبب هباب البوجيهات هو الكهرباء الزيادة ولما بمشى بالسيارة تمام ولو ركنتها وجيت ادورها تمام بسبب ان الهباب بيروح
لكن مع ركنتها ليلا وفى الصباح بيكون تكون هباب على البوجيهات وانه بيسبب عدم دوران السيارة
مش عارف ده صح ولا لا
لان الان انا غيرت البوجيهات وبقت بتدور لكن كهرباء السيارة زياده وده واضح من المؤشر حوالى 20 % لما بدور السيارة وانا واقف اجد المؤشر كأنى ضاغت على البنزين
رجاء من له خلفيه يوضح لنا سببه
ولو فى طريقة ترجع المؤشر الى طبيعته اكن له شاكرا