سؤال عاجل فى الريتمو

[mrghost]

السلام عليكم ورحمة الله ان شاء الله بكره ناوى اخلص فى عربيه ريتمو عجبتنى حالتها بس كنت عايز اعرف راى الاعضاء فى الريتمو واعطالها وعيوبها وقطع الغيار وشكرا

[mohamed2002]

الريتمو ضعيفة جدا من ناحيه علب الشاسيه علب الشاسية,قطع غيار مشتركة مع الريجاتا,لو العربية اللي قدامك نضيفة اوي وبيتي يبقي كويسة لو عاوزة شغل فحتوجع دماغك,قطع غيارها مش نفس سعر ال 128 اغلي شوية,بالتوفيق ان شاء الله

[mrghost]

الف شكر ياباشا على الرد

[mohammedaly]

يعنى هى ولا ال 28 يا جماعة ,,, والحالة النظيفة للعربية تتعرف منين ,, فياريت تقولوا يا جماعة لانى ناوى اروح اشوف عربية برده النهاردة باذن الله وعايز اعرف


ادامى ريتمو 84 و28 موديل 88 ,,, انهى احسن ولو انى ميال للريتمو

[أبومعاذ]

لو ناوي تبيع بعد فترة قصيرة يبقى 28 من غير ما تفكر عشان الريتمو ملهاش سوق خااااااالص
أنصحك بال 28 عشان حتى لو لاقدر الله تعبتك و عايز تبيعها هتبيعها تاني يوم

[mohammedaly]

طب لو سيبتنى من موضوع البيع ده يبقى ايه الفرق

اصل مش عارف انا صح ولا غلط بس انا شايف ان الريتمو احسن شوية وارخص كمان

[أبومعاذ]

الغالبية العظمي من الريتمو بتبقى رشة دواخل نتيجة لإنها بتفتح علب بسرعة جدا فلو هتاخدها اتاكد من النقطة دي كويس
ال 28 بتتميز بشنطة واسعة جدا بعكس الريتمو - الأجزاء الميكانيكية مشتركة بين العربيتين على ما اعتقد مفيش بينهم فرق

[mrghost]

الف شكر ياجماعه على الردود