عفريت فى السيينا

[misoalex]

العربيه مزعلانى اليومين اللى فاتو حبت تقفل معايا السنه بذكرى زفت رحت ركنتها يومين وانهارده جيت اركبها حصل الاتى
العربيه ماشيه كويس لحد ما دخلت فى الزحمه وكانت وصلت لدرجه حراره التشغبل العاديه وفجأج لقيت العربيه وانا بدوس بنزين واطلع على الاول صوت الموتور بيقى عامل زى موتور الجاز والعربيه بتترجرج كأن الموتور متلت (ماشى على 3 بوجيهات يعنى ) ولمبه التشيك نورت فى التابلوه
المهم دوست بنزين وجبت لتانى لقيت العربيه مفهاش اى سحب خاااااااالص وصوت الموتور مش طبيعى وفيه رجرجه
نزلت بصيت على اسلاك البوجيهات والزيت كله تمام
المهم قولت اروح اشترى طقم بوجيهات و اطلع على المكانيكى

وانا ماشى فى السكه العربيه اتظبطت والموتور بقى ناعم واللمبه بتاعه التشيك طفت
بعد 20 متر رجعت نورت والموتور رجع تانى زى الكراكه والسحب بقى ضعيف
بعد شويه العربيه اتظبطت
بعد شويه تانى رجعت وبعدين اتظبطت لما فضلت اجرى شويه على الكورنيش لحد ما وصلت لبتاع قطع الغيار كانت مظبوطه و تمام

المهم جبت طقم البوجيهات وخليت مكانيكى جنب بتاع قطع الغيار ركبلى الطقم الجديد كل ده والعربيه تمام مفهاش حاجه
وسألته على اللى حصل قاللى البوجيهات تعمل كده وكويس انك غيرتهم


اخدت العربيه ومشيت يعدها بنص ساعه رجعت تعمل كده تااااااااااانى بس لمبه التشيك مش شرط تنور وكمان بقت وانا ماشى ودايس بنزين وهى مخنوقه تروح مره واحده نطه لادام وتتظبط وتمشى كويس ولمبه التشيك مبقتش تنور زى الاول بس الموتور شويه يتظبط وشويه يترجرج جامد والعربيه تتخنق وتبق صوتها عامل زى العربيات النص نقل
وشويه تنط لادام وتتظبط وشويه تعمل كده تانى لحد ما روحت ركنتها

معلش طولت عليكم بس انا عاوز اعرف ايييييييييه الحل انا شاكك انه حساس او فيشه حساس بتعمل كده لان فيه عرسه بنت تييييييييييت دخلت فى اليومين اللى كنت راكن فيهم العربيه قعدت عند الموتور تحت الكبوت وشاكك انها عملت حاجه
العربيه 1600 على فكره

[mohamed_selim]

حساس و ليه علاقه بالانجكشن بس مش عارف اسمه .... زمان عملت معايا كده و لمبة النجكشن كانت بتنور و غيرته بس مكنتش ساعتها مهتم اعرف اسمه ولا مكانه :(

[misoalex]

حساس و ليه علاقه بالانجكشن بس مش عارف اسمه .... زمان عملت معايا كده و لمبة النجكشن كانت بتنور و غيرته بس مكنتش ساعتها مهتم اعرف اسمه ولا مكانه :(

قول اعترف الانكار مش حينفعك يعنى ايه متعرفهوش هههههههههههههههههه

طب حتى قوللى دفعت فيه كام ؟؟؟؟؟؟؟؟ بس اوعى تصدمنى وتقول دفعت فيه اكتر من 13 جنيه ونص

[bobbozo4b]

ازيك الاول يااستاذ خميس
الموضوع ده حصل معى قبل كده وكنت شرحته فى الربطة
كان فيشة حساس الانجيكشن مكسوره من ناحية الحساس وغيرت الحساس واتظبطت
فاكد كده على الفيشة وبص كويس وان شاء الله خير
حساس الانجكشن تحت العمه

[nouranwar]

مش هقدر اقولك غير ربنا معاك يا ميسو و كل سنة و انت طيب :)
بصراحة ممرتش عليا المشكلة ديه

[misoalex]

ازيك الاول يااستاذ خميس
الموضوع ده حصل معى قبل كده وكنت شرحته فى الربطة
كان فيشة حساس الانجيكشن مكسوره من ناحية الحساس وغيرت الحساس واتظبطت
فاكد كده على الفيشة وبص كويس وان شاء الله خير
حساس الانجكشن تحت العمه

الحمد لله يا بهاء باشا شكرا على سؤالك :)

متعرفش مكانها فين فى ال 1600

[misoalex]

مش هقدر اقولك غير ربنا معاك يا ميسو و كل سنة و انت طيب :)
بصراحة ممرتش عليا المشكلة ديه

ونبى ممرتش عليك ياعم دا انت عملت موسوعه لاعطال السيينا وخلصتها ودخلت على الرينو ههههههههههههههههه

كل سنه وانت طيب يا نور لسه كنت انت على بالى وانا بكتب الموضوع ده وقولت فينك يا نوووووووور هههههههههههه كنت عاملنا حس هنا فى القسم

[tiger m]

اعتقد انه من الممكن ان يكون العيب في موبينة التكرير وهي موجودة عند الكيلاني

[bobbozo4b]

الحمد لله يا بهاء باشا شكرا على سؤالك :)

متعرفش مكانها فين فى ال 1600

للاسف يااستاذ خميس كان نفسى اساعدك

[nouranwar]

ونبى ممرتش عليك ياعم دا انت عملت موسوعه لاعطال السيينا وخلصتها ودخلت على الرينو ههههههههههههههههه

كل سنه وانت طيب يا نور لسه كنت انت على بالى وانا بكتب الموضوع ده وقولت فينك يا نوووووووور هههههههههههه كنت عاملنا حس هنا فى القسم

ههههههههههههههههههههه لا والله ممرت :) خلاص راحت ايامها يا ميسو :)
انا معاكم يا كبير بس من فترة لفترة كده بدخل مش بلاقي مواضيع جديدة في القسم
اللي هيفيدك ان شاء الله استاذ محمد جلجل

[misoalex]

اعتقد انه من الممكن ان يكون العيب في موبينة التكرير وهي موجودة عند الكيلاني

مكانها فين فى العربيه دى يا باشا انا اللى اعرفه ان ال 1600 فيها 2 موبينه وممكن الموبينه تعمل كده فعلا

[misoalex]

للاسف يااستاذ خميس كان نفسى اساعدك

شكرا يا باشا :)

[misry]

الظاهر فعلا ان السيينا بالذات عليها عفريت ...

أنا كمان ساعات بتعمل معايا كده وساعات بتبقى 100% والميكانيكي يقول لي دي زي الفل ...؟؟؟؟!!!!!


ماتروح تكشف كمبيوتر وتريح نفسك ...

[newcastle]

مكانها فين فى العربيه دى يا باشا انا اللى اعرفه ان ال 1600 فيها 2 موبينه وممكن الموبينه تعمل كده فعلا

موبينه يا كبيير
تكون ماشيه كويس وفجأه تترج جامد ومتسحبش وصوتها يكون عامل زي وابور الزلط ولمبة الانجكشن تنور
حصلتلي قبل كده وغيرتها واتظبطت الحمد لله

[tiger m]

السينا ١٦٠٠بها بوبينة واحدة.