سؤال للخبراء عن الشاهين والويرا

[hossamedeen]

]سؤال الي كل الخبراء وخاصه سبعاوي باشا كبير مهندسي المنتدي انا مقيم في الغربيه وارغب بشده في اقتناء سياره جديده تحتمل ظروف الطرق والحر وخلافه وانا احترم الشاهين بشده نظرا لاني اقتنيتها في السابق واعرف جيدا ادائها ولذا ارغب في شراء 1600 زيرو ولكن اقتراب سعرها من فئات السيارات العاليه يجعلني في حيره من امري لذا ارجو التكرم بالمقارنه بينها وبين البروتون ويرا في قطع الغيار والاعتماديه واخيرا وهو الاهم في استهلاك البنزين] وقطع الغيار وتوفرها كما ارجو ان تتكرم بنصيحه ترجيحيه بين الاثنين او لو كان لك راي اخر .
وشكرا لتعاونكم

[hazem_khidr]

بص يا استاذ حسام لو الطرق اللي بتمشي فيها متكسره و غير مرصوفه يبقي عليك بالشاهين من غير كلام انما لو استعمالك خفيف يبقي عليك بالبروتون.
استهلاك البنزين قريب من بعده مافيش اختلاف كبير و قطع الغيار الشاهين ارخص بالطبع.
و لعلمك الشاهين اخر سنه ليها السنادي يعني محدش حيعرف يركبها زيرو تاني..!!!
يعني لو بتحب الشاهين يبقي هاتها زيرو لاخر مره في حياتك حتركب عربيه بالتمن دا و دفع خلفي و قطع غيارها رخيصه.
انما البروتون زي اي عربيه جر امامي كوري او ياباني حتلاقي طعمها مش مختلف كتير انما الشاهين طعم تاني.
و لعلمك انا متوقع انها تغلي كمان بعد ما انتاجها يتوقف

[hossamedeen]

اشكرك بشده علي اهتمامك :D
انا من المحله الكبري وقد لاحظت انك بلدياتي
فماهو تقييمك للاتنين في ضوء الطرق والمطبات الموجوده في المحله
واشكرك مقدما علي النصيحه :P
وبالمناسبه انا متوقع ان الشاهين تغلي وينزل منها الانتاج التركي بتاعها وده هيكون مستوي تقفيله افضل كتير من المصري

[hazem_khidr]

العفو يا باشا طب ما قولتش ليه انك من المحله من الاول
لا عادي طرق لمحله تمشي فيها الشاهين و البرتون مفيش مشاكل ما انت شوف كميه العربيات الجديده الموجوده في المحله و انت تعرف.

[saiedSHENDY]

انا رايى يا حس انت محتاج اوكتافيا وانت طالع علشان 2010 قربت وبرضة ناخد راى الباشمهندس سبعاوى

[hossamedeen]

:twisted: :twisted: تفتكر كده يا اخ سعصطو؟؟؟؟؟!!!! :twisted: :twisted: انتا عارف اني مخي صغير واعملها لمجرد ان 2010 قربت :x

[mohaismail]

وجهة نظرى هات شاهين وابعد عن البروتون خالص الشاهين هتسوقها وانت مطمن قطع غيارها رخيصة جدا اسنهلاك بنزين اقتصادى جدا ولو عاوز تجيب حاجة تانية هات لانوس او فيرنا بس من راييى انا الشاهين افضلهم وفعلا عملية
انا معايا نيسان صنى 2007 زيرو والله بحسس عليها وانا ماشى علشان من الاخر العربيات الحديثة دى متنفعش فى مصر خالص
مصر عايزالها شاهين وبس وكمان انت هتجيبها 1600 يعنى فيها تكييف وزجاج كهرباء مش هيكون ناقصك كتير
وربنا يوفقك

[hossamedeen]

اشكرك جدا علي مشاركتك الغاليه ولكن اخي العزيز اود الاستفسار عن معدلات استهلاك البنزين في الشاهين 1600 لاني قلق جدا من هذه النقطه لان لي تجربه سابقه غير مشجعه ابدا مع الدوجان 1600 كما اني اتوقع زياده اخري قريبه في اسعار البنزين

[hazem_khidr]

الدوجان لو موديل قديم قطعا كان حيبقي استهلاك البنزين اعلي من الشاهين لانها كانت بتعتمد علي موتور ال 131 ذو الكامه السفليه.
اما لو موديل فوق ال 96 ف حيبقي نفس الموتور لكن انجكشن مش رشاشات و برضه حتلاقي الشاهين ال 1600 موفره ايضا :lol:

[hossamedeen]

بس ما تعرفش يا حازم باشا الاستهلاك في حدود كام ؟؟؟
لان الوقت قصير وغالبا لازم احسم قراري في اخر الشهر كمان ما تعرفش مكان يكون السعر فيه معقول وممكن يقسط.....

[المتميز]

و لعلمك الشاهين اخر سنه ليها السنادي يعني محدش حيعرف يركبها زيرو تاني..!!!

سيادتك متأكد من المعلومة دي؟
الشاهين أخره 2007؟
إزاي ده البلد كلها راكبه شاهين
أمال نجيب إيه؟
ممكن توضيح مستفيض للنقطة دي الله يكرمك؟