إعـــــــلان

Collapse

.

,
See more
See less

غسيل دوره التبريد سيينا 1400 بالصور..

Collapse
X
Collapse
 
  • Page of 3
  • Filter
  • الوقت
  • Show
Clear All
new posts
السابق 1 2 3 template التالي
  • #1

    غسيل دوره التبريد سيينا 1400 بالصور..

    السلام عليكم و رحمه الله و بركاته ..
    ارجو انكم تكونوا بخير و سنه سعيده عليكم ..

    استكمالا لصيانة السيينا بعد 130000 كلم و قبل الشتاء و مشاكله و خصوصا انى باطلع اجازات مشتى بالعربية
    المهم كان نيتى بعد تغيير خرطوم و محبس السخن بتاع الدوره التبريد انى اغسل دوره التبريد و اطمن عليها
    الخطوات:-
    1/ نفتح محبس السخن اللى فى التابلوه علشان نغسل دوره المياه اللى بالسربنتينه الداخليه بتاعه الدفايه - اللى بتطلع الهواء السخن - و مكانها جوا التابلوه



    2/ نطمن ان مافيش اى تسريب من اى جهة لان الميه بتاعه التبريد بتبقى غاليه .



    3/ نطمن على الرادياتير و الاحسن اننا نسلكه كويس بدون ميه نار و الحقيقه روحت للاسطى مجدى - انظف فنى ردياتير قابلته - و بتعامل معاه من 15 سنه و فكيت الرادياتير و سلكته و اكيد من غير ميه نار - تسليك فقط و للاسف الموبايل لعب الدنيئه و البطاريه خلصت شحن و الاسف معرفتش اصور الموضوع ده لانه عاوز بال رايق و فنيات عاليه - بس ان شاء الله تتعوض مره تانيه و عموما التكلفه 65 جم بالاكراميه علشان بنفك الاكصدام و المروحه و بياخذ غلبه شويه



    4/ نضيف محلول تنظيف مجموعه التبريد - و طبعا من افضل الماركات سولدر سيل جنك - امريكى الصنع - و العبوه ب 11 جم - و بنضيف يدوب ملعقة ملح لومون علشان نلمع و ننظف اكتر .



    5/ بنروح اى محطة بنزين او اى مركز خدمة عنده جهاز الغسل بنظام الدور ه المغلقه و غير كده - النتيجه موش هترضيكم و عموما بتعامل مع محطه موبيل اللى فى رابعه العدويه - الجهاز اللى عندهم موش بطال و حالته كويسه و الاهم اللى شغال عليه الاسطى جعفر - فاهم و امين - و الاهم ترحولوه فى يوم اجازه او الدنيا لما تكون رايقه .
    6/ نفك الخرطوم اللى فوق بتاع الرادياتير و نحط الخرطوم بتاع دخول ميه الجهاز



    7/ الكوعه بتاعه الثرموستات اللى فى الموتور ندخل فيها الخرطوم التانى اللى رايح على الجهاز بتاع الغسيل و بكده احنا اغلقنا الدوره و نصفى الميه اللى بدوره التبريد علشان الصدا ينزل و نفتح ميه جديده مع المنظف و معلقه ملح اللومون





    وده المنظف



    و نشغل لمده 8 دقائق.بعد ما نغطى البوبينه للاحتياط من اى رذاذ .













    و الغسيل بالشكل ده




    8 / هتلاقوا البلاوى دى خارجه من الغسيل و بالرغم استخدامى للميه الخضراء باستمرار










    9/ نصفى الميه اللى هتطلع بالشكل ده





    10 نشطف مرتين لحد الميه متخرج بالحييلاوه دى







    11/ نضيف خرطوم الهيواء علشان نخرج اكبر كميه من المياه اللى فى البلوك من تحت لانه للاسف مفيش حنفيه تفريغ .
    12/ نضيف سائل التبريد و انا بستخدم ابرو الامريكى - 4 لتر ب 35 جم - و يفوق الموبيل من ناحيه الجوده - من وجهة نظرى و بعد كده نفك القربه و نغسلها كويس و نطمن 1000 فى % انها اتصفت كويس لانها متقسمة لغرف و ده معناه انها حتمن و لاببد انها تنظف من محلول التنظيف و لاننا كمان بننظف بالرمل فلازم نتاكد انه مافيش ليه اثر علشان ميجرحش البلوك












    حبه صابون برضه ميخسرش





    الرمل بيبقى زى الصنفره






    و بعد كده نضيف سائل التبريد




    13/ نفرغ الهواء من دوره التبريد الاول عن طريق بلف الرادياتير ( اوطى نقطه ) ثم من بلف الهواء ( اعلى نقطه )

    اوطى نقطه


    اعلى نقطه




    و طبيعى بالكتالوج ان السعه بتاعه دوره التبريد 6.30 لتر متوسط و لاننا مبنعرفش نطلع الميه كلها من البلوك فاللى بيتزود 1 جركن و نص يعنى حوالى 5 لتر و دى نسبه مرضيه جدا و مفيده.





    14/ المؤشر بعد التنظيف على الدرجه المضبوطة



    و ننظف بعد التنظيف بالهواء للاطمئنان على اى تسريب محتمل



    15/ نمشى يوم و موشر التبريد على السخن بدون تشغيل طبعا - و نراجع المناسيب بالقربه للاحتياط و بعدها نرجع بكره السخن لللازرق و بكده كله تمام و لازم تانى يوم و العربيه بارده هنزود 1/4 كبايه نتيجه استقرار الضغوط ..

    16 الوقت 40 دقيقه و التكلفه 15 جم بخلاف اكراميه الاسطى جعفر .و الحقيقه يستاهل..


    ارجو انى اكون قد افدتكم و افدت القسم و تحت امر الزملاء فى اى استفسار ...

    معلومات مهمه :-

    1/ لازم نفتح السخن على الاتجاه الاحمر عند التنظيف
    [OVERLINE]
    2/ العربيات اللى بتستخدم مياه معتمده من البدايه يراجع نسبه التركيز و التى فى الغالب لا تزيد و لا تقل عن 50 % اما العربيات اللى ماشى على العادى من الحنفيه و ناوى يغير فميزودش عن تركيز 30 % علشان الاملاح المتراكمه و بعض القطع اللى بها صدا متفتحش و تبقى مشكله.

    3/ افضل المتواجد بالسوق حاليا من سوائل التبريد

    1/ كيا تركيز 50 % الجركن ب 70 جم تقريبا
    2/ تويوتا / هوندا - نفس ما سبق
    3/ بريدستون 40 - 50 % الجركن ب 50 جم امريكى
    4/ ابرو امريكى الجركن ب 35 جم تقريبا
    معنى كلمه التركيز - مثلا الجركن اللى مكتوب عليه تركيز 40 %
    1/ 2 لتر ماده ممتصه للحراره - جليكول الايثيلين
    2/ ال 2 لتر الباقين ( مواد مزفلطه لتزييت الطلمبه بتاعه الميه / مانع رغوه / مانع صدا / ميه مقطره بدون املاح
    3/ ماده فسفوريه لبيان اذا ما كان هناك تسريب الالمانى برتجالى / اليابانى ايخضر / الفرنساوى ايحمر وهكذا دواليك دواليك .....

    4/ المحطات اللى مفيهاش دوره مغلقه ملهاش لازمه و موش هتدى النتيجه المرجوه.


    تحياتى لكم و دمتم بود...
    [B][FONT=Arial][SIZE=3]يا رب لك الحمد ، يارب نسألك من فضلك ،يا واحد يا احد يا حنان يا منان[/SIZE][/FONT][/B]
    الكلمات الدلالية (Tags): 1400, التبريد, بالصور, دوره, سيينا, غسيل
  • #2
    بجد تسلم ايدك.. حضرتك عامل مواضيع تحفة.. مفروض تتحط كلها في سلسلة لصيانة السيينا.. :)
    [SIZE="3"][FONT="Century Gothic"][CENTER]~Only God Can Judge Me~[/CENTER][/FONT][/SIZE]

    Comment

    • #3
      المشاركة الأصلية كتبت بواسطة magic girl مشاهدة المشاركة
      بجد تسلم ايدك.. حضرتك عامل مواضيع تحفة.. مفروض تتحط كلها في سلسلة لصيانة السيينا.. :)
      يسترك ربنا .
      ده بس من ذوقك و كرم اخلاقك ..

      تحياتى و تحت امر الزملاء بالمنتدى ......
      [B][FONT=Arial][SIZE=3]يا رب لك الحمد ، يارب نسألك من فضلك ،يا واحد يا احد يا حنان يا منان[/SIZE][/FONT][/B]

      Comment

      • #4
        تسلم ايدك بجد والموضوع يستاهل
        سبحان الله وبحمده سبحان الله العظيم

        [SIGPIC][/SIGPIC]

        Comment

        • #5
          موضوع سابق عن غسيل دوره التبريد للافاده

          نايل موتورز - NileMotors.net
          http://www.nilemotors.net/Nile/217131-a-2.html
          [B][FONT=Arial][SIZE=3]يا رب لك الحمد ، يارب نسألك من فضلك ،يا واحد يا احد يا حنان يا منان[/SIZE][/FONT][/B]

          Comment

          • #6
            تسلم هي دي الموضيع المفيدة المتكاملة ... بصراحة مش أقدر أسأل سؤال لأنك ما سبتش حاجة ... ربنا يبارك لك!!!
            [COLOR="Blue"]اللهم إحفظ مصر آمنه مطمئنه سخاء رخاء وسائر بلاد المسلمين ... اللهم امين[/COLOR]

            Comment

            • #7
              ما شاء الله
              جزاك الله خيرا علي مجهودك ..

              Comment

              • #8
                المشاركة الأصلية كتبت بواسطة drmagieed مشاهدة المشاركة
                تسلم هي دي الموضيع المفيدة المتكاملة ... بصراحة مش أقدر أسأل سؤال لأنك ما سبتش حاجة ... ربنا يبارك لك!!!
                و يبارك لحضرتك
                نورت الموضوع و تحت امر الزملاء فى اى وقت ...
                [B][FONT=Arial][SIZE=3]يا رب لك الحمد ، يارب نسألك من فضلك ،يا واحد يا احد يا حنان يا منان[/SIZE][/FONT][/B]

                Comment

                • #9
                  تسلم ايدك يا استاز محمد كالعاده موضوع متكامل ربنا يباركلك

                  انا كنت بغسل بنفس الجهاز بس بدفع 25 جنيه ومكانش بيعمل كل ده ولا بيفك القربه :) فى بنزينه توتال

                  بس انا عندى سؤال انا الميه الابرو اللى كنت بحطها كانت لونها احمر والجيركن لونه احمر وهيا فعلا كانت تحفه عامله زى الزيت :)
                  هى دى غير اللى حضرتك حطيتها ؟؟؟
                  [CENTER][SIZE=5][COLOR=sienna]القطه بتاكل اولادها ........ ياترا الدور على مين ؟[/COLOR][/SIZE][/CENTER]
                  [CENTER][SIZE=6][FONT=Courier New][COLOR=#ff8c00]الحمد لله[/COLOR][/FONT][/SIZE][/CENTER]
                  [CENTER][SIZE=4][COLOR=#ff8c00][URL="http://www.qorankarim.com/"]القرأن الكريم كامل[/URL][/COLOR][/SIZE][/CENTER]

                  Comment

                  • #10
                    المشاركة الأصلية كتبت بواسطة misoalex مشاهدة المشاركة
                    تسلم ايدك يا استاز محمد كالعاده موضوع متكامل ربنا يباركلك

                    انا كنت بغسل بنفس الجهاز بس بدفع 25 جنيه ومكانش بيعمل كل ده ولا بيفك القربه :) فى بنزينه توتال

                    بس انا عندى سؤال انا الميه الابرو اللى كنت بحطها كانت لونها احمر والجيركن لونه احمر وهيا فعلا كانت تحفه عامله زى الزيت :)
                    هى دى غير اللى حضرتك حطيتها ؟؟؟
                    ازيك يا استاذ خميس
                    الحقيقه تالون اللى بحطه اخضر
                    و سبب اللزوجة اللى حضرتك ذكرتها بسبب
                    1/ مزيت لطلمبة المياه
                    2/ نسبة تركيز ماده التبريد الاساسية - ايثيلين الجليكول .
                    3/ مواد مانهة للصدا
                    4/ مواد مانعه للرغوه
                    و الباقى مياه مقطلاة
                    تحياتى
                    [B][FONT=Arial][SIZE=3]يا رب لك الحمد ، يارب نسألك من فضلك ،يا واحد يا احد يا حنان يا منان[/SIZE][/FONT][/B]

                    Comment

                    • #11
                      تسام ياريس على الموضوع...انا عملت كل ده لكن للاسف العربية مازالت بتسخن مع التكيف بالرغم من انى مركبلها مروحة اضافية على السربنتينة!!!فياريت لو حد عنده حل للمشكلة دى لان الصيف جى والتكيف ضرورى (سيينا 1400)

                      Comment

                      • #12
                        المشاركة الأصلية كتبت بواسطة amir122 مشاهدة المشاركة
                        تسام ياريس على الموضوع...انا عملت كل ده لكن للاسف العربية مازالت بتسخن مع التكيف بالرغم من انى مركبلها مروحة اضافية على السربنتينة!!!فياريت لو حد عنده حل للمشكلة دى لان الصيف جى والتكيف ضرورى (سيينا 1400)
                        المروحة الاضافية تسخن العربيه علشان الرادياتير فتحاتة رفيعه جدا و ده بيقلل الهواء
                        اطمن هاتها كوول اير و مو هسيبك الا لما اضبطلك الدنيا
                        تحياتى
                        [B][FONT=Arial][SIZE=3]يا رب لك الحمد ، يارب نسألك من فضلك ،يا واحد يا احد يا حنان يا منان[/SIZE][/FONT][/B]

                        Comment

                        • #13
                          المشاركة الأصلية كتبت بواسطة gelgel2004 مشاهدة المشاركة
                          المروحة الاضافية تسخن العربيه علشان الرادياتير فتحاتة رفيعه جدا و ده بيقلل الهواء
                          اطمن هاتها كوول اير و مو هسيبك الا لما اضبطلك الدنيا
                          تحياتى
                          شكرا ياريس عالاهتمام وياريت تقلى عنوان المكان واعرف اوصله اذاى لانى من طنطا وهنزل مخصوص القاهرة للحوار ده
                          مع العلم انى لما ركبت المروحة الاضافية كان التبريد كويس لكن بعد اسبوع رجع يسخن تانى

                          Comment

                          • #14
                            كوول اير
                            26202455
                            ا ش البوصيرى خلف سوق القنال الدولى - نهايه جسر السويس
                            او كلم ا هيثم 01225492912

                            01009208835

                            و بلغه من طرفى محمد عبد الجليل
                            و ان شاء الله تكرم
                            و متنساش لو عندك المروحه سرعتين اكشف على المقاومة بتاعه السرعات و كمان كتاوت تشغيل السرعه الاولى و الثانيه عندهم


                            تحياتى ....
                            [B][FONT=Arial][SIZE=3]يا رب لك الحمد ، يارب نسألك من فضلك ،يا واحد يا احد يا حنان يا منان[/SIZE][/FONT][/B]

                            Comment

                            • #15
                              الف شكر علي الموضوع الجميل ده ياباشا ربنا يبارك لك بجد...انا ناوي اروح المحطة ديه هي حضرتك قلت في رابعة العدوية ... اللي هي عند الالف مسكن بتدخل يمين وتلاقيها علي اليمين؟
                              [SIZE=3]" اللهم إنا نجعلك في نحورهم ، ونعوذ بك اللهم من شرورهم "[/SIZE]

                              Comment

                              السابق 1 2 3 template التالي
                              Working...
                              X