ليه شاسية ال128 بيفتح (قال الفيلسوف سبعاوي)

[Abonora]

ال128 روحها فى المساعدين الامامية، لو سبتهم يبوظو الشاسية هايفتح والمقصات هاتفتح وعلة الديريكسيون هاتفتح والبارات هاتفتح والميزان هايفتح والكبالن هاتفتح ووركب السدر هاتفتح وبنط الاقفال هاتفتح والعربية كلها هاتفتح

إوعى تستخسر فى مساعدين ال128 الامامية، هات انضف نوع وغيرهم مع اقل قصور فى الأداء

انا معرفش هل ال128 ليها مساعدين كونى او مونرو ولا لأ، بس غالبا هتلاقى لها مونرو، لو مكنش ممكن تجيب لها مساعدين من نوع ليب الأسبانى، او النوع البرازيلى، وبلاش البولندى والتركى وابعد عن المساعيدن إستعمال الخارج الللى بتجيب زيت بعد أسبوع(دا لو كملت اسبوع اصلا)

فتح الشاسية بيتعرف عند بتاع الزوايا، وبتعالج برزجينة عند العفشجى فى حدود 50 جنيه على الأكثر وترجع تقيسها تانى عند بتاع الزوايا

وسيبك من قص البارة الحيد اللى بيركبها بعض الناس على الشاسيه لانها هتاخد مكان الإستبن الى جانب انها ممكن تكسر علب الشاسية لو المساعدين الأمامية تعبانة، دا حل بيجأ له بتوع التاكسى على اساس ان لحام علب الشاسيه ارخص بكتير من جوز مساعدين جداد

سبعاوى

[KiNgMaX]

الله يفتح عليك :D

[aliabutaleb]

جزاكم الله خيراً
بس سؤال
طب والواحد يعرف ازاي ان المساعدين الامامين محتاجين تغيير
يعني ايه هي الأعراض

[wael abbass]

يا ريت احد الخبراء يجاوب لنا علي اعراض تلف المساعدين الامامين في 128 فهذا السؤال يهم كثير من اعضاء المنتدي وشكرا

[wael abbass]

برجاء الرد علي هذا الاستفسار

[Adham]

علب ال128 بتفتح لأن العلب اصلا ضعيفة و تصميمها بية مشاكل

مش موضوع مساعدين

لا لو كدة اشمعنى اي عربية هوندا او تويوتا او اي عربية ياباني او الماني زي جولف و غيرة بنمشي بيها و مساعدينها مشنشة و عمر علب الشاسية ما بتفتح حتى لو المساعد مكسور او قافش

ان مشيت بعربيتي الهوندا مرات كتير بمساعد بايظ قافش او بيخبط او خفيف لغاية ما اجيب غيرة و عمر العربية ما حصل حاجة في علبة الشاسية