ضيفكم ومحتاج خبراتكم فى البرافو

[densfog]

السلام عليكم

بأختصار بعد ما سمعت موضوع غلو البنزين ففكرت أغير عربيتى جين 2 (1600 سى سى ) لعربيه 1400 سى سى وكمان ابقى غيرت لحاجه أفضل وبما أنى بحب السحب والمواتير القويه ملقيتش غير عربيتين البرافو والجولف tsi طبعا بنتكلم فى فرق سعر كبير فرسيت على البرافو على أساس الاقى واحده استعمال حاله نضيفه....المهم دخلت عندكم بصراحه لاقيت كلام يصعب على امثالى فهمه زى دوال لوجيك وابارث و .... و.... ففهمت ان العربيه دى فيها موديلات كتير وبينهم اختلافات جوهريه ( فتيس وموتور ) فياريت تفيدوا واحد مسكين زيي فى الأستفسارات الاتيه:
* موديلات العربيه فى مصر ومواصفاتها والفروق مابينها وسنين اصدارها ونوع البنزين اللى ممكن يشتغل عليها
* مانيوال او اوتو ويفضل مانيوال
* مستوى التوكيل فى الأسكندريه
* اسعار المستعمل الحاله النضيفه منها و عدادها قليل
* أيه أخبار وسع صالونها وشنطتها
* أيه أخبار سحبها وأستهلاكها للبنزين
* هل ليها مشاكل مشهوره
* اسعار قطع غيارها وتوافرها خارج التوكيل فى الأسكندريه

ومتشكر مقدما لكل من سيرد عليا حتى لو بلينك يساعدنى على الأختيار أو حتى يرد على جزء من استفساراتى

[AlGazar2]

الى اقدر اقولهولك عن العربيات دى انها عربيات ممتازه كعربيات - توكيل سئ جدا من كلام كل الملاك عليه
عشان تاخد احسن اداء منها لازم بنزين 95
البرافو فى منها 150 حصان و 120 حصان

[Medo.Malek]

الى اقدر اقولهولك عن العربيات دى انها عربيات ممتازه كعربيات - توكيل سئ جدا من كلام كل الملاك عليه
عشان تاخد احسن اداء منها لازم بنزين 95
البرافو فى منها 150 حصان و 120 حصان

بالاضافة للكلام الجميل ده العربية فى منها 90 حصان
ال 150 و ال 120 تربو بنزين 95
رينج الاسعار من 90 الف ( 90 حصان ) .. ل 125 و ممكن 130 الف لل 150 حصان (حالة جيدة )
العربية كانت بتنزل 6 فئات بداية من ال 90 حصان لحد ال 150 حصان الفرق فى الكماليات و التجهيزات

[khalid_adel]

انصحك ب المانيوال ال 150 حصان
علي فكره كان معايا ال 120 ديوالوجيك وكانت علي طول بحطلها 92 عادي جدا جدا جدا

[densfog]

متشكر جدا لردود حضراتكم .... بصراحه الـ 150 حصان لو تمشى بـبنزين 92 حتى لو فى فرق قليل فى الأداء بدون أى أثار جانبيه تبقى تحفه .... شكرا مره تانيه

[ahmedsiyam]

اخي الفاضل بما انك راكب جين٢ هايبقي الكلام مابينا سهل جداً
اولا بالنسبة لاستهلاك البنزين الفرق لصالح البرافو لو هي ال ١٤٠٠ ال ٩٠ حصان مش التيربو
كنت باحط ٥٠ ليتر بتمشي ٦٨٠ كيلومتر
طبعا الكلام ده مش في الجين٢ خالص ... استهلاكها اكتر بكتير
قطع غيار العربيتين متقارب في حاجات و الفيات أغلي بنسبة بسيطة
لكن طبعا قطع غيار الفيات معمرة و ثمنها فيها لكن عمرهم الافتراضي زيي بعضه
فرق التقفيل و الصالون و الأمان و الفخامة و الشكل و كل حاجة لصالح البرافو
الثبات للاسف كان صالح الجين٢ و ملحوظ جداً
التوكيل سيئ جداً و مراكز الخدمة المعتمدة زيي ( الاقصي ) ضائع بمعني الكلمة
الشد و السحب لصالح الجين ٢ بلا اي مبالغه
كل ده لو بنقارن بالبرافو ال ١٤٠٠ ال ٩٠ حصان
التيربو انا جربتها لكن لم اقتنيها لذا انا لا استطيع الحكم عليها بصفة عامة

[amrgamal_14t]

ال-bravo دلوأتي 2013 في منها 2. pk5 و-pk6
pk5 120 حصان و-pk6 150 وال-2 automatic dual -logic ،
pk6 فيها زيادة spoiler و-kit و-rims شكلها أجمد
بس لو هتجيب مستعمل هتلئي منها manual
وبالنسبة للبنزين 92 عادي بس هيفرق معك فالتجميع على سرعات عليا
الشنطة بتاعتها واسعة بالنسبة للفئة دي والصالون واسع بس الكراسي ورا ضيقة
وبالنسبة لأهم حاجة السحب والجري فال-bravo هيكون أحسن إختيار :)
dual logic كان مشروح قبل كدة وهو بإختصار بيديك نفس كفائة ال-manual بس بينقل لوحدو .. وبيسقط ناقلتين مش نقلة وحدة فالكيك
وأخيراً دور فالمواضيع هتلاقي كتير عن bravo وفي شرح وإنشاء الله يجيلك الفي الخير

[densfog]

السلام عليكم أسف على التأخر فى الرد وشكرا على كل الردود المفيده من حضراتكم

اخي الفاضل بما انك راكب جين٢ هايبقي الكلام مابينا سهل جداً
اولا بالنسبة لاستهلاك البنزين الفرق لصالح البرافو لو هي ال ١٤٠٠ ال ٩٠ حصان مش التيربو
كنت باحط ٥٠ ليتر بتمشي ٦٨٠ كيلومتر
طبعا الكلام ده مش في الجين٢ خالص ... استهلاكها اكتر بكتير
قطع غيار العربيتين متقارب في حاجات و الفيات أغلي بنسبة بسيطة
لكن طبعا قطع غيار الفيات معمرة و ثمنها فيها لكن عمرهم الافتراضي زيي بعضه
فرق التقفيل و الصالون و الأمان و الفخامة و الشكل و كل حاجة لصالح البرافو
الثبات للاسف كان صالح الجين٢ و ملحوظ جداً
التوكيل سيئ جداً و مراكز الخدمة المعتمدة زيي ( الاقصي ) ضائع بمعني الكلمة
الشد و السحب لصالح الجين ٢ بلا اي مبالغه
كل ده لو بنقارن بالبرافو ال ١٤٠٠ ال ٩٠ حصان
التيربو انا جربتها لكن لم اقتنيها لذا انا لا استطيع الحكم عليها بصفة عامة

أستاذ صيام أخبار حضرتك أيه ؟ أنا أيام ما كنت بفكر فى الجين 2 كانت مواضيع حضرتك من المواضيع المفيده جدا ليا لموضوعيتك فى مواضيعك .. حتى لما بفكر فى البرافو برضه خيرك علينا ... راى حضرتك فى البرافو أفادنى كتير بس كانت المفاجأه ليا فى موضوع الثبات متخيلتش أن الجين أثبت من البرافو وخاصه مع شكل البرافو الرياضى وعلوها القليل عن الأرض ( من شكلها من الخارج ) .... وعامه بصراحه بعد كلام حضرتك ونظرا لطبيعه سواقتى فبيتهيألى الـ 90 حصان مش هتنفع معايا .. وممكن أدور على الـ 150 حصان وأحطلها 92 لو المشكله فى السحب بس مش أن ممكن ده يضر الموتور فى حاجه .. زى الجين 2 لما يتحطلها 90 لمبه الموتور بتنور كأن فيه حاجه غلط ....
بس سؤأل اخير ممكن حضرتك تقولى أيه أخبار توافر قطع الغيار خارج التوكيل مقارنه بالجين 2 ؟

ال-bravo دلوأتي 2013 في منها 2. Pk5 و-pk6
pk5 120 حصان و-pk6 150 وال-2 automatic dual -logic ،
pk6 فيها زيادة spoiler و-kit و-rims شكلها أجمد
بس لو هتجيب مستعمل هتلئي منها manual
وبالنسبة للبنزين 92 عادي بس هيفرق معك فالتجميع على سرعات عليا
الشنطة بتاعتها واسعة بالنسبة للفئة دي والصالون واسع بس الكراسي ورا ضيقة
وبالنسبة لأهم حاجة السحب والجري فال-bravo هيكون أحسن إختيار :)
dual logic كان مشروح قبل كدة وهو بإختصار بيديك نفس كفائة ال-manual بس بينقل لوحدو .. وبيسقط ناقلتين مش نقلة وحدة فالكيك
وأخيراً دور فالمواضيع هتلاقي كتير عن bravo وفي شرح وإنشاء الله يجيلك الفي الخير

أستاذ عمرو متشكر لحضرتك جدا على الأفاده ... لو فعلا بنزين 92 يمشى مع ال150حصان بدون مشاكل الا فرق السحب بس يبقى الموضوع راائع وخاصه انى معنديش مشاكل مع المانيوال خالص بالعكس أنا يمكن بفضله علشان الصيانه وتوفير البنزين

[Kareem.ElAraby]

متابع

[ahmedsiyam]

اخى الفاضل
تحياتى الحارة
بالنسبة لقطع غيار الفيات بره انا مالحقتش اتعامل بره التوكيل لكن اسمع انها مش متوفرة بكثرة لكن عمموما القطع الاصلية فقط موجودة داخل التوكيل و انسى اى حاجة بره سواء فيات او غيره
يعنى طقم دبرياج البرافو فى التوكيل بـ 2000 جنيه اعتقد و فى الكيلانى بـ 700 على ما اتذكر لكن مهندس التوكيل قالى انه هو نفس طقم الدبرياج وبيركب على البرافو و كل حاجة لكنه ده بتا السيينا مش البرافو و النتيج و طبعا انه مش هايديك نفس العزم
ده اللى قاله و العهدة عليه طبعا
الفكرة انه انا عموما مابحبش اتعامل الا مع الوكيل لان ذمة التجار لا اثق فيها بصراحة
البنزين الـ92 ينفع مع المواتير العادية انما التيربو يفضل الـ 95 لاداء و عمر افضل للموتور
ولو هاتدور على واحدة 150حصان هتلاقى العدد قليل اوى و ماعتقدش انك هتلاقى عربية نظيفة و الله اعلم

[ahmad_starac]

http://www.nilemotors.net/Nile/319198-120-45-a.html

دا موضوع كده ع الماشى انا كنت عامله اتمنى يفيدك ولو فى استفسار تحت امرك فى حدود معرفتى...

[densfog]

اخى الفاضل
تحياتى الحارة
بالنسبة لقطع غيار الفيات بره انا مالحقتش اتعامل بره التوكيل لكن اسمع انها مش متوفرة بكثرة لكن عمموما القطع الاصلية فقط موجودة داخل التوكيل و انسى اى حاجة بره سواء فيات او غيره
يعنى طقم دبرياج البرافو فى التوكيل بـ 2000 جنيه اعتقد و فى الكيلانى بـ 700 على ما اتذكر لكن مهندس التوكيل قالى انه هو نفس طقم الدبرياج وبيركب على البرافو و كل حاجة لكنه ده بتا السيينا مش البرافو و النتيج و طبعا انه مش هايديك نفس العزم
ده اللى قاله و العهدة عليه طبعا
الفكرة انه انا عموما مابحبش اتعامل الا مع الوكيل لان ذمة التجار لا اثق فيها بصراحة
البنزين الـ92 ينفع مع المواتير العادية انما التيربو يفضل الـ 95 لاداء و عمر افضل للموتور
ولو هاتدور على واحدة 150حصان هتلاقى العدد قليل اوى و ماعتقدش انك هتلاقى عربية نظيفة و الله اعلم

[color="rgb(72, 61, 139)"][color="rgb(72, 61, 139)"]

شكرا لحضرتك للمره اﻷلف ... وسبب سؤالى عن قطع الغيار ان الجين 2 حتى فى التوكيل فى اسكندريه مش مهتمين بتوافر قطع الغيار فعلشان كده كنت بتبهدل بره علشان ادور عليها ... فثقافه ان التوكيل عنده قطعىغيار العربيه مش موجوده عندى اساسا بسبب عز العرب :)
جزاك الله كل خير

[/color][/color]

[densfog]

http://www.nilemotors.net/nile/319198-120-45-a.html
دا موضوع كده ع الماشى انا كنت عامله اتمنى يفيدك ولو فى استفسار تحت امرك فى حدود معرفتى...

متشكر لحضرتك جدا ... وتسلم ايدك على الموضوع الرائع