حيران في الجراند بونتو !!!!

[Ahmad Aboul Fotouh]

السلام عليكم و رحمة الله

بعد متفرجت علي الجراند بونتو في التوكيل اعجبت بها جدا من ناحية التصميم الجذاب و قوة صاج العربيه اللي يوحي بتقل العربيه علي الطريق و قوتها و ارتفاع معدل الامان بها ( تقريبا دي اول عربيه احس بانها قويه بعد عريتي الاوبل استرا 2005) وكمان 1400 سي سي هيوفر بنزين و ضرايب . فعلا انا احترمت فيات من خلال هذه الزياره و بعتبرهم اخوات الالمان في صناعة السيارات:
المهم انا عاوز اسال عن الحاجات اللي مبتباتش الا بقيادة العربيه و تجربتها
1- الفتيس ايزي ترونيك مش ستب ترونيك بمعني انه في الاساس مانيوال بتروس ولكنه بينقل اتوماتيكي يعني هوه نفس اللي في الاسترا والتويوتا كورولا الجديده و طبعا كلنا عارفين مشاكل الفتيس ده في الكورولا ( بينتش و بياخر في النقل بشهادة الجميع) السؤال هو هل فتيس الجراند بونتو بيعمل نفس المشاكل ؟؟؟؟

2- الموتور 77 حصان وانا عاوز عربيه ممكن في اوقات كتيره يكون راكبها 4 او 5 افراد و ممكن اسافر بيهم مسافة 100 كيلو وميهمنيش موضوع اقصي سرعه للعربيه بس يهمني ان العربيه محسش انها مش بتسحب لما يكون فيها ناس كتير هل كده الموتور ده مينفعنيش. مع ان الراجل في التوكيل قاللي ان الموتور ده ميزته بيولد اقصي عزم عن عدد لفات قليله فهل ده كوي ولا ايه ياللي جربتو العربيه

3- اخبار الثبات و احساسك بتقل العربيه ايه لان ده مهم عندي اوي بحكم سواقتي للاوبل استرا
ارجو من الاخوخ مالكي العربيه يحكولي عن تجربتهم لاني مشلاقي مواضيع كتيره عنها في المنتدي والعربيه عاجباني شكلا و متانة جدا... هيه مش منتشره ولا ايه؟؟؟
اخيرا اتمني من سبعاوي يقول رايه فيها بذات في موضوع العزم و 77 حصان دول

[NaderNabil]

انا مش معيا العربية بس هاقترح عليك زيارة المنتدي بتاعها في الخارج...ان شاء الله تلاقي الأجوبة علي أسألتك....بس دور فيه شويه لأنه كبير

http://www.fiatforum.com/grande-punto/

[Ahmad Aboul Fotouh]

فين عصابة الفيات

شكرا يا نادر انا بصراحه دورت فيه كتير بس موصلتش لحاجه فيه

هوه ليه محدش بيرد عليه .... فين عصابة الفيات... هوه محدش جرب العربيه دي ولا ايه

[Dr.A.Nabil]

انا عندي بونت العاديه
مش كلاسيك
مش هاقدر افيدك
انا ماقابلتش حد الصراحه خالص عنده هنا في المنتدى جراند بونتو

[MomoMedo]

انا العربية دي بعشقها والله ونفسي اجيبها بس موضوع الموتور ال77 حصان دة هو اللي مقلقني

[mohamed ibiza]

عربية جميلة جدا بس من جوا كلها بلاستيك:(

[Ahmad Aboul Fotouh]

يعني عصابة الفيات ساكته ....
ايه واخدين اجازه ولا ايه؟؟؟؟

[boshy]

basha ana m3aia el 3arbia fo2 el momtaza very stable el motor bet3ha da3ef shewia fo2 130 el gear box manual bs byen2al lewahdo " easy tronic ' ana mashy lhed delw2aty 11000 mazahersh ay 3ayob

[فادى]

بالنسبة للفتيس فمفيش منه أى قلق زى فتيس الكورولا لأن فيات أو مجموعة فيات هى أول من ابتكر هذا النوع من علب التروس و كانت أول سيارة تزود به هى ألفاروميو 156 سنة 1999 و كان اسمه وقتها سيلسبيد و هو مقتبس من الفتيس الخاص بسيارات فيرارى التى تشارك فى سباقات الفورمولا واحد فهى أفضل علبة تروس متوفرة من هذا النوع.
بالنسبة للمحرك, فكلام المهندس صحيح تماما, المحرك يولد عزمه عند عدد لفات قليلة, لذا فانك سوف تجد المحرك قوى و عصبى للغاية, و التسارع سوف يكون جيدا فى مختلف ظروف القيادة, و لكن فقط سوف يظهر التأثير عند احتساب مناورة ال0-100 كلم الشهيرة, و لكن تذكر أن هذه المناورة تحتسب على أساس أنك سوف تصل الى الحدود القصوى للمحرك Red Zone على كل نسبة, و طبعا لا أحد يقود بهذه الطريقة,
بالنسبة للثبات فلا تقلق, سيارات فيات مشهورة بالطابع الرياضى و الثبات عموما.
و العربية بدأت تنتشر بعض الشىء, و أعتقد انها هتنتشر بشكل أكبر فى الفترة القادمة.

[Eng.Sameh]

هيه فعلا مشكلتها موضوع ال 77 حصان ده

[Ahmad Aboul Fotouh]

تخيلوا سعرها الان وصل 115 الف

[MomoMedo]

هي ايه دي؟؟؟؟؟؟؟؟

[mero5005]

حكايه العزم دى مش داخله دمااااااااغى خالص مش عارف ليه؟؟؟؟ يعنى ايه عربيه 1400سى سى قوتها 77 حصان؟؟؟؟ ضيعلك 2 فى الات الجر والنقل تبقى 75؟؟؟؟؟ وتقولى عزم؟؟؟؟؟؟؟؟؟ مش فاهم عندك الياريس مثلا 1300 سى سى 92 حصان ؟؟؟ حرام فرق بتاع 15 حصان واقل فى السى سى
يمكن انا مش فاهم اوى بس لو ركب اربعه او خمسه فى العربيه ودورت التكييف على 4 العربيه هتعمل ايه؟؟؟؟؟؟؟؟؟؟؟؟؟؟ العزم على ما اظن له علاقه بطول عمر العربيه
ما علينا المهم فيات مع عشقى لها على مدار التاريخ الا انى لا احترم التوكيل الزفت اللى ماسكها دلوقتى ده ضيع سمعه فيات فى مصر بعد ما كانت نار على علم

[MomoMedo]

انت تقصد ان العزم بتاعها قليل اوي صح يا ميرو؟؟؟

انا لقيتها في المصرية مكتوب عليها 95 حصان

[فادى]

حكايه العزم دى مش داخله دمااااااااغى خالص مش عارف ليه؟؟؟؟ يعنى ايه عربيه 1400سى سى قوتها 77 حصان؟؟؟؟ ضيعلك 2 فى الات الجر والنقل تبقى 75؟؟؟؟؟ وتقولى عزم؟؟؟؟؟؟؟؟؟ مش فاهم عندك الياريس مثلا 1300 سى سى 92 حصان ؟؟؟ حرام فرق بتاع 15 حصان واقل فى السى سى
يمكن انا مش فاهم اوى بس لو ركب اربعه او خمسه فى العربيه ودورت التكييف على 4 العربيه هتعمل ايه؟؟؟؟؟؟؟؟؟؟؟؟؟؟ العزم على ما اظن له علاقه بطول عمر العربيه
ما علينا المهم فيات مع عشقى لها على مدار التاريخ الا انى لا احترم التوكيل الزفت اللى ماسكها دلوقتى ده ضيع سمعه فيات فى مصر بعد ما كانت نار على علم

بعيدا عن كون العزم داخل دماغك من عدمه, محرك الجراند بونتو يولد 115 نيوتن متر عند 3000 ار بى ام, و هو عزم جيد جدا عند سرعة منخفضة, مما يجعل المحرك مرن و عصبى, و سوف تشعر بقوته على كل السرعات, كما أن أجهزة التكييف و غير ذلك لن تؤثر به,و هو معمر, و هذا شأن كل المحركات الأوروبية, محرك الياريس يولد 121 نيوتن متر عند 4400 لفة, و عند قيادة الياريس فلن تشعر بنفس المرونة و القوة التى يقدمها لك محرك الفيات, و سوف تضطر دائما لرفع عدد دورات المحرك للشعور ببعض العزم, كما سوف تعانى فى حالة التحميل أو تشغيل المكيف, و طبعا فان عمر المحرك سوف يكون أقصر.
طب مين أسرع؟ بشكل عام الياريس سوف تكون أسرع فقط فى حالة القيادة القصوى لكن فى ظروف القيادة العادية الجراند بونتو سوف تتفوق بشكل كبير.