اخر اخبار اسوء توكيل سيارات في مصر

[CryptonX]

طبعا معظمكم قريتوا الي انا كتبتوا عن التوكيل ..

باختصار الكلام بعد ماعرفت من مدير مرطز الصيانة بجسر السويس ان جميع سيارات فيات امتد ضمانها ل 3 سنوات

لرحت انهاردة قولت ابص على كم حاجة كدة..

لأفاجئ بأن ما قاله الأخ المدير لا يعرف عنه احد بالمركز

فطلبت اقابل ســيــادتــه روحت مكتبه سالته عنما قاله
قالي لأ حضرتك فهمت غلط

انا اقصدت انك لو اشتريت باليو دلوقتي تاخد 3 سنين ضمان

لو عايز 3 سنين ضمان على عربيتك انت , تدفع 2000 جنيه و يحسب الضمان 3 سنين من تاريخ الشراء وده سبب زيادة سعر الباليو حاليا

وسألته عن مصنع الصين , بقله الشركة اسمها نانجنج , قالي نانجنج مين ؟؟؟ دي ايه دي ؟ لا ده مصنع فيات في الصين .. قلتله ده حيقفل قريب , قالي ده لسة فاتح وعليه اقبال رهييييييييب !

مش حعلق علشان مخرجش من نطاق الأدب و الأخلاق , ده كلام مدير مركز صيانة فيات / اوماتر بجسر السويس .

ربنا البيحاسب

[MohabSaeed]

وسألته عن مصنع الصين , بقله الشركة اسمها نانجنج , قالي نانجنج مين ؟؟؟ دي ايه دي ؟ لا ده مصنع فيات في الصين .. قلتله ده حيقفل قريب , قالي ده لسة فاتح وعليه اقبال رهييييييييب !

مش حعلق علشان مخرجش من نطاق الأدب و الأخلاق , ده كلام مدير مركز صيانة فيات / اوماتر بجسر السويس .

ربنا البيحاسب

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههه

يانهار ابيض ... بجددددددددددددد مهزلة واللة .... حقيقى مهزلة .

انا بجدددددددد موت من الضحك على الجملة دية

قالي نانجنج مين ؟؟؟ دي ايه دي ؟ لا ده مصنع فيات في الصين ..

معقولة مدير مركز الصيانة مايعرفش المواضيع دية ...... وبعدين اقبال رهيب اية وبتاع اية الى بيتكلم علية ... المصنع باع 32 الف عربية بس ... وهو دة كان السبب ان فيات حتلغى الشراكة مابينهم.

" واللة حرام الناس دية تمسك المناصب دية ... وناس تانية (( مشتغلوش فى شركات سيارات قبل كدة بس بيحبو السيارات ومهتمين بيها )) لما يقدمو السى فى لاى شركة من دول يقولولة لازم يكون ليك خبرة فى مكان مماثل فى اى شركة سيارات .... :?

،،، وبعدين ازاى ... الواحد يدفع 2000 جنية .. علاشان ياخد الضمان " الثلاث سنوات المتعارف علية " لاى سيارة حتى الكورى ....

هما فعلا مبتدأين :?

انا نفسى توكيل محترم هو الى يمسك فيات فى مصر .... حرام ماركة " عظيمة زى فيات يمسكها ... شركة بتسوق عربيات نقل :? :? .

[CryptonX]

وياريتهم حتى فالحين في دي ميبيعلت ايفكو نزلت 47% في 2006 عن 2005 و طبعا حتنزل اكتر في 2007 .

اه نسيت اذكر انه قالي انه في دلوقتي نظام استبدال , حتى للسيارات القديمة , قالي يعني انت لو زعلان قوي ممكن تبدل الباليو بتلعتك ببونتو

بس بصراحة مقدرتش امسك نفسي قلتله انا لو بدلت حستنى لما التوكيل يتاخد منكم يامتن مش حتبقى سيارة فيات تاني

زعل !!! ياترى ليه ؟

[abdofawzy]

هوه في اسوء من غبور؟

انا كنت متصور ان اسوء توكيل هوه غبور!!!!
:shock:

[Nader]

توكيل فيات من افشل التوكيلات في مصر بدليل عدم انتشار موديلات فيات الجديدة

[mtema99]

يا خساره
ماتيجي نجمع من بعضنا و ناخد توكيل فيات
خساره الاسم والله

[Ahmed Anwer]

يا ريت ده إحنا نعدي في كام شهر
ماركة محترمة و إقتصادية و بتصنع في كل العالم يعني نستوردها تركي ، برازيلي ، صيني ، إيراني و قطع غيارها مرمية عند التجار

[mtema99]

شفت بقى

[CryptonX]

بلاش سيرة التوكيل ده بتغم نفسي يا جماعة , و بضرب نفسي مية جزمة اني متمهلتش في الشراء !

please !

[mtema99]

للدرجادي اومترا سيء؟؟؟

[CryptonX]

جرب بنفسك كدة , شوف 50 -60 الف جنيه مش عايزهم و روح هات عربية , ده لو استلمتها :)
الغايظني ان السيارات كويسة , بس التسعير و اسعار قطع الغيار و الخدمة فلكية في السوء !!!

عندك البرافو الجديدة الي محدش حيشتري منها ولا واحدة حتى !

عربية شكلها رائع من جوة و من برة , جنوط 16 , الومنيوم مش عارف ايه و ايه و ايه
و بلوتوث .... و ووو

يروحوا جايبين اسوأ موتور ليها ( 1400 77 حصان ) ويبيعوه باعلى سعر ليها ! 135 الف ! و لاحتى اعلان واحد في الجرائد

بينما ان الموديل الي بعده على طول 1400 تبربو 140 حصان !!!!! فرق التمن معيدييش ال 5000 جنيه !!
تسأله تقله مجبتوش البونتو و البرافو التبرو ليه ؟؟ بقلك !! مش حيبقى عليهم اقبال !!

لآ بسم الله ما شاء الله على اللاقبال الفظظظظظيييع الي على الجراند و اللينيا و البرافو !!

ده توكيل مهمته الأولي لم ما يمكن لمه من الأموال .. و بعدين ربنا يسهلها بقى !!!

خامس مرة ابعت شكوى لفيات ! جالي رد منهم اني اعطى التوكيل مهلة 3 شهور , تكون الادارة الايطالية زارت مصر و عملت التعديلات الواجبة ! و مقابلة بعض عملاء فيات الجداد !!

نفسي مرة الأميك دي تنشر مبيعات السيارات في مصر بالأعداد بعيد عن المجاملات و الكوسة ,, طبعا ميقدروش بس انا اقدر اقلك ان فيات حتيجي في المرتبة الأخيرة !! تحت اي ماركة , حتى الصيني !!

[mtema99]

جرب بنفسك كدة , شوف 50 -60 الف جنيه مش عايزهم و روح هات عربية , ده لو استلمتها
الغايظني ان السيارات كويسة , بس التسعير و اسعار قطع الغيار و الخدمة فلكية في السوء !!!

عندك البرافو الجديدة الي محدش حيشتري منها ولا واحدة حتى !

عربية شكلها رائع من جوة و من برة , جنوط 16 , الومنيوم مش عارف ايه و ايه و ايه
و بلوتوث .... و ووو

يروحوا جايبين اسوأ موتور ليها ( 1400 77 حصان ) ويبيعوه باعلى سعر ليها ! 135 الف ! و لاحتى اعلان واحد في الجرائد

بينما ان الموديل الي بعده على طول 1400 تبربو 140 حصان !!!!! فرق التمن معيدييش ال 5000 جنيه !!
تسأله تقله مجبتوش البونتو و البرافو التبرو ليه ؟؟ بقلك !! مش حيبقى عليهم اقبال !!

لآ بسم الله ما شاء الله على اللاقبال الفظظظظظيييع الي على الجراند و اللينيا و البرافو !!

ده توكيل مهمته الأولي لم ما يمكن لمه من الأموال .. و بعدين ربنا يسهلها بقى !!!

خامس مرة ابعت شكوى لفيات ! جالي رد منهم اني اعطى التوكيل مهلة 3 شهور , تكون الادارة الايطالية زارت مصر و عملت التعديلات الواجبة ! و مقابلة بعض عملاء فيات الجداد !!

نفسي مرة الأميك دي تنشر مبيعات السيارات في مصر بالأعداد بعيد عن المجاملات و الكوسة ,, طبعا ميقدروش بس انا اقدر اقلك ان فيات حتيجي في المرتبة الأخيرة !! تحت اي ماركة , حتى الصيني !!

يا خبر اسود و منيل

زعلان على فيات والله

[mohey]

يجماعه أنا من عشاق هذه الماركة ومعى نوفا بونتو 2004 هى نفس الشكل النازل فى 2008 ولكن سيارتى تزيد الكاسيت ومخادع الرأس للكراسى الخلفية . ودى اللعبة اللى هم عملوهاعشان يخفضوا سعر السيارة إلى 71500 لأن الكاست لوحده إللى فى السياره وهو جزء من التبلوه و بـ3000 جنيه.
معلينا
المهم أنا كنت متابع أخبار الـlinea من حوالى 6 شهور هى و الـ G.PUNTO على أمل أختيار أحداهما ولاكن فوجئت بالبحث لدى الموزعيين بأن السيارتيين نازلين مصر بموتور 1400CC و8 Valve وعزم دوران N.M115/3000RPM
فكانت صدمه لى لأنى كنت أمنى نفسى بسيارة متينه ذات أداء رياضى فأتصلت بالتوكيل المحترم وأخبرته بأننى أريد شراء سيارةG.Punto 1400cc,16v فكان رده أن الموديلات النازلة مصر هى بالموصفات التالية فقط :

G.Punto auto(100000E.P) or manual(90000 E.P) :1400 cc,8v,77hp
Llnea manual (101000 E.P):1400 CC,8V,77hp
BRAVO SPORT 6 manual transmission(130000 E.P):1400CC ,16V,90hp

والغريب أن الشركة الإيطالية منزلة تلك السيارات بمدى واسع من الإختيارات كالأتى :
G.PUUNTO: 1-1400CC,8V,77HP 2-1400CC,16V,90HP 3-1400CC,16V,120HP
Linea:1- 1400 cc,8v,77hp 2 -1400cc,16vTJET120HP 3-DIESEL MULTIJET 90HP
BRAVO:1-1400CC,16V,90HP 2-1400CC,16V TJET,120HP
بالإضافةإلى المواتير 1800CC ودى طبعاً مواتير فوق الجبارة ومش ممكن تنزل مصر بسب شريحة الجمارك.

الطريف فى الموضوع أن أحد مسؤلى التسويق كان رده علي هو أنته هتعمل إيه بالأحصنه (hp) دى كلها هو فى شوارع فى مصر تستحمل :!:فكان ردى له أنظر حولك لترى المركات الأخرى يا ........

فى حاجة كمان عايز أوضحها هو ليه التوكيل بيجيب السينا والباليو الفير من الصين الأن ؟وبيضحك علينا وبيقول بأن السيارتيين الأن نزلين بموتور ذو hp أعلا من السابق (تناقض غريب مع مايحدث فىG.P و LINEA

لأن الصين مازالت بتنتج بالشكل القديم فى حين أن البرازيلى منهم موديلات 2008 نازلة بشكل جديد والظاهر إن التوكيل مستخصره فى المصريين وذلك فى ظل سياسية التقشف والعقاب التى يتبعها مع محبى الفيات فى مصر

[mtema99]

بجد
لا تعليق

[محمد المشد]

دوت خبر يفرح مالكى الاسبرانزا ان فية توكيل اسوأ من توكيل الاسبرانزا
عموما بصراحة جهاز حماية المستهلك وكافة الاجهزة المعنية بالمستهلك وكافة اجهزة الرقابة الصناعية والغير صناعية بمصر اسوأ من السوء بسبب المجاملات الغير منطقية لاصحاب التوكيلات ورش اصحاب التوكيلات علشان محدش يقرب منهم كل ذلك جعلهم اقوى من اى مستهلك مهما بلغ ؟
هنا فى السعودية الناس محترمة ويحترموا المستهلك واذا اشتكيت من اى توكيل تأخذ حقك مهما كان الوكيل للسلعة ومش عارف لية اصحاب شركات السيارات فى العالم بيهتموا بالمستهلك فى الدول العربية ما عدا مصر فهنا يأتى لك من يسأل عن التوكيل وعمل معك وطرق الصيانة والخدمة اما فى مصر فلاسف من الواضح انهم ذبحوا لهم القطة ؟؟؟؟؟؟؟؟؟؟؟؟