عايز اركب كاسيت عريض لفيات برافو

[differentio0o]

السلام عليكم :)
ازيكوا يا شباب عاملين ايه ؟
دلوقتى انا معايا برافو 2009 و مركب فيها عدة صوت جامدة على كاسيت العربية الأصلى و طبعا الخرج بتاعه مش اد كدة, هل ينفع اشيله و اركب كاسيت شاشة عريضة ولا مستحيل ؟ لأن كذا واحد قالى ماينفعش
ياريت تفيدونى فى الموضوع دة :)

[khalid_adel]

ينفع بس حيروح منك التوافق بين الكاسيت والعربيه الممتاز ده فبلاش احسن
قولي بس العده اللي عندك ايه واقولك ايه اللي ناقصك تعمله لان انا كان معايا برافو وعايز اقولك احلي صوت نقي ومظبوط سمعته في حياتي كان من العربيه دي
تصميمها وتقفيلها حلو اوي اوي لعده صوت جامده

[Formulator]

ياخالد أنا شوفت كذا واحد مركبينه فـ جراند وإيفو؟!!

واحد منهم مركبه فـ شارع دمشق ومركب dvd فـ المراية، مش عايز أقولك أنا وقفته وسألته:
ينفع أعمل الكلام ده فـ البرافو؟؟ وهو مش عامل معاك مشاكل فـ الـCAN-bus؟!!
قاللى ينفع!! عند السجان

- تقصد أيه بالتوافق مع العربية: الـOn/Off والـblue&me والـSpeed-volume والحاجات دى؟؟ ولا أيـــــــــــه ياكبير؟!!

[differentio0o]

ينفع بس حيروح منك التوافق بين الكاسيت والعربيه الممتاز ده فبلاش احسن
قولي بس العده اللي عندك ايه واقولك ايه اللي ناقصك تعمله لان انا كان معايا برافو وعايز اقولك احلي صوت نقي ومظبوط سمعته في حياتي كان من العربيه دي
تصميمها وتقفيلها حلو اوي اوي لعده صوت جامده

انا مركب سماعتين جى بى ال 600 وات, و صب جى بى ال 1200 وات على جى ام كينوود 700 ..... قريب هركب سمعتين زيهم 600 و صب برضه و جى ام كينوود 1000
قالولى برضه الكاسيت هيفرق كتير معاك