عايز أشترى سيارة 128 مستعمله وعندى شوية أسئله

[ياسين محمد]

أشترى موديل من كام لكام علشان العربيه تكون نضيفه و ما تكونش متهالكه
الشراء من المواقع اللى على النت مضمونه ولا سوء الجمعه أفضل
أيه الاجراءات والاحتياطات اللى المفروض أعملها لتفادى عمليات النصب فى البيع والشراء المنتشره الأيام دى
أيه أهم حاجه فى العربيه لازم آخد بالى منها كويس قبل ما أشتريها
ولو العربيه ال 128 فيها مكيف ده ما يقصرش على البطاريه

من الآخر عايز شرح وافى للموضوع ده لأنى أول مره أشترى عربيه فى حياتى

على فكره دى أول مشاركه لى فى النتدى ومش عاوزكم تكسفونى

واكعولى ربنا يوفقنى فى شراء السياره

[ياسين محمد]

يا جماعه ما حدش عنده أجابه لسؤال واحد حتى من اللى سألتهم
ربنا ما يوقعكم فى ضيقه ههههههههههههههه

[bkr]

أشترى موديل من كام لكام علشان العربيه تكون نضيفه و ما تكونش متهالكه
الشراء من المواقع اللى على النت مضمونه ولا سوء الجمعه أفضل
أيه الاجراءات والاحتياطات اللى المفروض أعملها لتفادى عمليات النصب فى البيع والشراء المنتشره الأيام دى:n_no[1]:
أيه أهم حاجه فى العربيه لازم آخد بالى منها كويس قبل ما أشتريها
ولو العربيه ال 128 فيها مكيف ده ما يقصرش على البطاريه

من الآخر عايز شرح وافى للموضوع ده لأنى أول مره أشترى عربيه فى حياتى:u_thin1[1]:

على فكره دى أول مشاركه لى فى النتدى ومش عاوزكم تكسفونى

واكعولى ربنا يوفقنى فى شراء السياره

ايه يا باشا طيب اشتريها انا ليك ونخلص عامة علشان متزعلش الموديل مش هو سبب ان العربيه كويسه ولا لا العربيه المستعمله مش فرق في الموديل غير النضافه هات اي موديل في 28 بس نضيفه اما الشراء من النت كتير بيكتب مواصفات العربيه غلط خالص عندنا ازمه في الموضوع ده المهم من النت من سوق الجمعه من اي حته حد بيكون فاهم في شرا العربيات يكون معاك ده لازم
اما الاحتياطات في الشرا انا بعمل الاتي بدفع عربون ونعمل عقد ابتدائي ولا زم تكون الرخصه ساريه وياريت باسم صاحبها ما فيهاش توكيلات يعني وباقي المبلغ تروح معاه للشهر العقاري الموظف بيشوف ورق العربيه وان شاء الله بيفهم هو احسن من غيره وبعدين مكيف ايه بس الي في 28 حرام عليك المهم تبقي دواخل نظيفه وربنا يوفقك في الشراء . اروح انا

[ahmedesmat1987]

مكيف!!!!!!!!!!!! وبياثر على البطريه..... فى ال128 دا لو موجود مش بعيد يكون بياثر على الشاسيه........ياباشا متالقش خالص من 128 اى حاجه فيها بتاثر على اى حته ........ ودافى حد ذاته احساس بالامان انك بتبقى ماشى مش قلقان من اى حاجه لان كل حاجه انت متوقعها ......... ولو حصل اى حاجه مش هتتفزع لانك اول كلمه هتسمعها .. عادى بتحصل فى 28 .... مع 28 هتعلمك فعلا معنى كلمه (((ولا اى اندهاش ))))))..

اتمنى انى اكون عقدتك منها... وشكرا

[bkr]

مكيف!!!!!!!!!!!! وبياثر على البطريه..... فى ال128 دا لو موجود مش بعيد يكون بياثر على الشاسيه........ياباشا متالقش خالص من 128 اى حاجه فيها بتاثر على اى حته ........ ودافى حد ذاته احساس بالامان انك بتبقى ماشى مش قلقان من اى حاجه لان كل حاجه انت متوقعها ......... ولو حصل اى حاجه مش هتتفزع لانك اول كلمه هتسمعها .. عادى بتحصل فى 28 .... مع 28 هتعلمك فعلا معنى كلمه (((ولا اى اندهاش ))))))..

اتمنى انى اكون عقدتك منها... وشكرا

ياراجل وال انا مندهش ان مفيش رابطه لملاك ال 28 طيب والي نازل من اوبل فيكترا وركب 28 يعمل ايه لسه مفيش اي اندهاش

[ahmedesmat1987]

ياراجل وال انا مندهش ان مفيش رابطه لملاك ال 28 طيب والي نازل من اوبل فيكترا وركب 28 يعمل ايه لسه مفيش اي اندهاش

انا مندهش الصراحه ........ ازاى عرفت تسوق 128

بعد الاوبل؟

بس على فكره الفرق مش كبير يعنى داهو بس الباور بتاع الاوبل انعم سنه بسيطه .......

وبخصوص الرابطه ياريت انا راشق واى مشكله فى ال128 تخص اى عضو عندى حلها باذن الله

بس انت انوى

[hesham ahmed]

عندي عربيه والدي عايزين نبيعها ... بس بصراحه انا مستحرمها تاخدها ..عشان دي لقطه :)))))
راشه بره و جوه وحوض و مغيره كراسي و مغيره كل حاجه و مفهاش حاجه سليمه و بتمشي من غير ميه عادي ... بتلاقي عداد الحراره معدي الحته الحمرا ( دا لو شغال ) و ممكن تمشي من غير زيت عادي .. و بتبقي قاعد جوه بيطلع عليك دخان الشكمان و سخونيه الماتور و شويه عفره من الشارع و ممكن تلاقي قطه معديه معاك جوه ..و بيتهيالي كشاف واحد بس اللي شغال .. و عداد السرعه مش شغال ....
الحاج مظبطها يعني :)))
بس الشهاده لله الكاوتش جديد :))
تجيب كام العربيه دي يا رجاله ؟؟؟ بجد و الله عشان عايز ابيع

[hesham ahmed]

ربنا يوفقك و تلاقي حاجه نضيفه

[bkr]

انا مندهش الصراحه ........ ازاى عرفت تسوق 128

بعد الاوبل؟

بس على فكره الفرق مش كبير يعنى داهو بس الباور بتاع الاوبل انعم سنه بسيطه .......

وبخصوص الرابطه ياريت انا راشق واى مشكله فى ال128 تخص اى عضو عندى حلها باذن الله

بس انت انوى

والله انا اول ما ركبت ال 28 حسيت خير اللهم اجعله خير اني ماشي علي الارض وبعدين انا في الاوبل مكنتش باين من الكرسي مع اني الحمد لله ضخم شويه انما في ال28 الموضوع مخيف بس اتعودت وبخصوص الرابطه يلا نعملها سوا انا معاك يا كبير وهابعتلك طلب صداقه ونرتب الموضوع ده سوا

[bkr]

عندي عربيه والدي عايزين نبيعها ... بس بصراحه انا مستحرمها تاخدها ..عشان دي لقطه :)))))
راشه بره و جوه وحوض و مغيره كراسي و مغيره كل حاجه و مفهاش حاجه سليمه و بتمشي من غير ميه عادي ... بتلاقي عداد الحراره معدي الحته الحمرا ( دا لو شغال ) و ممكن تمشي من غير زيت عادي .. و بتبقي قاعد جوه بيطلع عليك دخان الشكمان و سخونيه الماتور و شويه عفره من الشارع و ممكن تلاقي قطه معديه معاك جوه ..و بيتهيالي كشاف واحد بس اللي شغال .. و عداد السرعه مش شغال ....
الحاج مظبطها يعني :)))
بس الشهاده لله الكاوتش جديد :))
تجيب كام العربيه دي يا رجاله ؟؟؟ بجد و الله عشان عايز ابيع

الشهاده لله انت بوظت اي فرصة بيع مع اني مع الصراحه بس لو هي دي الصراحه يبقي تتربي في عزك ادعي بقه تخلص منها

[dr.hazem]

مفكرتش في الماروتي؟؟ :-D
تحياتي

Sent from my SE Arc S using Forum Runner

[hesham ahmed]

الشهاده لله انت بوظت اي فرصة بيع مع اني مع الصراحه بس لو هي دي الصراحه يبقي تتربي في عزك ادعي بقه تخلص منها

دي جوهره

[ياسين محمد]

أخيرا رديتوا ده أنا نسيت الموضوع ودخلته دلوقتى بالصدفه
على العموم أنا غيرت رأيي وقلت أستنى شهرين ولا حاجه لحد ما أوصل المبلغ ل 25 أو 28 ألف
وأجيب حاجه أحسن تكون أوسع ومكيفه وتكون أعطالها بسيطه
على كل حال تسلموا يا رجاله

[ياسين محمد]

مفكرتش في الماروتي؟؟ :-d
تحياتي

sent from my se arc s using forum runner

أكيد فكرت بس مش هتنفعنى خالص
لأنها ضيقه أوى وخفيفه وكمان سمعت انها كويسه فى داخل المدينه انما فى السفر مش هتسد
والله أعلم ده اللى أنا سمعته لكن ما جربتهاش

[bkr]

أخيرا رديتوا ده أنا نسيت الموضوع ودخلته دلوقتى بالصدفه
على العموم أنا غيرت رأيي وقلت أستنى شهرين ولا حاجه لحد ما أوصل المبلغ ل 25 أو 28 ألف
وأجيب حاجه أحسن تكون أوسع ومكيفه وتكون أعطالها بسيطه
على كل حال تسلموا يا رجاله

لو في امكانيات يبقي عين العقل ربنا يوفق يا باشا