ال 128 بالموديل ولا الحاله

[ضياء عويضه]

السلام عليكم ورحمة الله وبركاته

انا ليا استفسار بسيط وارجو منكم ابداء الرائ ؟

هو موديل الفيات بفرق مع حالتها بمعنى انا لو جيبت فيات 128 موديل السبعينات بس كحاله حنقول جيده جيدا هل حيفرق الموديل بشيء معايا وهل لو حافظت عليها كعربيه تعيش معايا سنين او افضل موديل فوق ال 80 ؟؟


ارجو الافاده

[AlGazar2]

ال 28 حاله قبل الموديل
يعنى ممكن تلاقى عربيه موديل 79 حالتها حلوه عفشه و موتور و شاسيه طبعا قبل كل ده و حوضها كويس و مفتحش عشان صاحبها مهتم بيها و واحده تانيه موديل 90 حالتها كرب شاسيه ضايع عفشه ضايعه موتور بيدخن

الاهم فى ال 28 حاله الشاسيه ( حوض العربيه طبعا ) العفشه - الموتور بس طبعا لو موديل احدث و حالته كويسه يبقى افضل

[mxz911]

أى عربيه بالحاله مش الموديل الكلام ده أساسا على 128 - لادا .. اللى هوه فرق التكنولوجيا بين موديلتها المختلفه مش كبير . يعنى ممكن تقارن 1991 مثلا ب 1999 حسب أنهى حاله احسن
بس مش لدرجه نقارن عربيات التكنولوجيا فيها اتغيرت زى الكورولا مثلا .
هنقارن عربيه التكنولوجيا فيها متغيرتش يبقى الحاله الاول

[m_medo]

كما قال الاخوة
الاهم حالة السيارة.... ولكن الموديل بيفرق كحالة نفسية ... يعنى اكيد عربية موديل 76 مش هتتعامل زى 86 .... بس حالة الحوض والشاسيه فى المقام الاول... وكمان ياريت تبعد عن الموديلات القديمة قوى عشان مش عارفين ممكن بعد شوية يقولو مش هنرخص موديلات قديمة....

[ضياء عويضه]

كلام سليم

والله انا من فتره ادور فعلا على حاله بس ياما موديلات كتير والتسعينات بس حالتها وحشه خالص

فقدامى واحده 76 حاله جيده جدا وحوض سليم وعفشة وقوايم ومتعدله ثمانينات بس اللى وخوفنى منها موديل 1976 ...

[karimmagdy50]

متابع

[aw2100]

كلام سليم

والله انا من فتره ادور فعلا على حاله بس ياما موديلات كتير والتسعينات بس حالتها وحشه خالص

فقدامى واحده 76 حاله جيده جدا وحوض سليم وعفشة وقوايم ومتعدله ثمانينات بس اللى وخوفنى منها موديل 1976 ...

انا بقول لك خلاصة 14 سنة عزاب مع 128 4 عمرات سمكرة وتغيير موتور استعمال وبعدين عمرة كاملة للموتور الأستعمال بص دى من الأخر عربية بناتى ومتعبة جدا من ناحية الشاسية سواء الأمامى او الخلفى ولحام كل شوية وشبلونه وزراجين غير العفشة والكبالن الضعيفة صراحة هى مفيهاش غير موتور وبس وهى عربية سفر عاوزة طرق طوالى مش عاوزة مطبات ابدا وفى مصر المحروسة مطبات ايييه ولو بتفكر تشترى دور على اما 127 او 131 او لادا او سوزوكى ماروتى او التو وبللللللللللللللللللاش ال 128 الفاشلة وبراحتك ؟؟؟!!!

[sno7y]

انا بقول لك خلاصة 14 سنة عزاب مع 128 4 عمرات سمكرة وتغيير موتور استعمال وبعدين عمرة كاملة للموتور الأستعمال بص دى من الأخر عربية بناتى ومتعبة جدا من ناحية الشاسية سواء الأمامى او الخلفى ولحام كل شوية وشبلونه وزراجين غير العفشة والكبالن الضعيفة صراحة هى مفيهاش غير موتور وبس وهى عربية سفر عاوزة طرق طوالى مش عاوزة مطبات ابدا وفى مصر المحروسة مطبات ايييه ولو بتفكر تشترى دور على اما 127 او 131 او لادا او سوزوكى ماروتى او التو وبللللللللللللللللللاش ال 128 الفاشلة وبراحتك ؟؟؟!!!

يعنى حضرتك بتقول ان 127 احسن من 128 ؟اصلى كنت ناوى اجيب 127 المكانيكى قالى لا 128 احسن بكتير انا فعلا شوفت مشاكل الشاسيه دى فى عربيت واحد صاحبى كان اشاسيه كل شويف يفتح من قدام

[aw2100]

يعنى حضرتك بتقول ان 127 احسن من 128 ؟اصلى كنت ناوى اجيب 127 المكانيكى قالى لا 128 احسن بكتير انا فعلا شوفت مشاكل الشاسيه دى فى عربيت واحد صاحبى كان اشاسيه كل شويف يفتح من قدام

بص هى العملية نسبية شاسية ال 128 و 127 على علب كل مالعلبة تصغر بتبقى اقوى فى التحمل بالاضافة الى صغر وزن موتور ال 127 بالنسبة للشاسية عن وزن موتور ال 128 وفعلا شاسية ال 127 بيتحمل اكتر من ال128 وفى النهاية العربيتين فاشلين فى حكاية الشاسيهات بتفتح مع المطبات علشان كده ممكن تشترى السوزوكى الماروتى اقوى منهم الأثنين !!!!!

[ahmedesmat1987]

انا بقول لك خلاصة 14 سنة عزاب مع 128 4 عمرات سمكرة وتغيير موتور استعمال وبعدين عمرة كاملة للموتور الأستعمال بص دى من الأخر عربية بناتى ومتعبة جدا من ناحية الشاسية سواء الأمامى او الخلفى ولحام كل شوية [gdwl]وشبلونه[/gdwl] وزراجين غير العفشة والكبالن الضعيفة صراحة هى مفيهاش غير موتور وبس وهى عربية سفر عاوزة طرق طوالى مش عاوزة مطبات ابدا وفى مصر المحروسة مطبات ايييه ولو بتفكر تشترى دور على اما 127 او 131 او لادا او سوزوكى ماروتى او التو وبللللللللللللللللللاش ال 128 الفاشلة وبراحتك ؟؟؟!!!

يعنى ايه شبلونه


وبالنسبه للموتور فعلا الحاجه الوحيده اللى فيها عدله ...... اديلو طريق واكبس انما 127 دا موتور تعبان اوى

[aw2100]

يعنى ايه شبلونه


وبالنسبه للموتور فعلا الحاجه الوحيده اللى فيها عدله ...... اديلو طريق واكبس انما 127 دا موتور تعبان اوى

انا سوقت عربية واحد صحبى 127 توب المانى 2 باب فبريكة من حوالى 10 سنين دى موتورها 1100 cc وفتيس 5 غيار وهو كان مروشها ومظبطها ومجنطها وكانت فاجرة قوى على الطريق وكان بيجيب بيها 130 عادى بس بعها وسافر امريكا ودلوقتى هناك راكب مازدا 3 بالنسبة للشبلونة دى عباره عن فورمة حديد بيها مقاسات العربية بتتربط من تحت العربية بعد ماتشيل الموتور والعفشة وليها دراعات تركب فى المساعدين ومسامير المقصات وقواعد الموتور وبالزراجين السمكرى يضبط الخرام على الشبلونة ويفرقع لحامات الشاسية وبعدين يبدء يلحم الشاسية على المقاسات الصح ويعمل تقوياته والسبلونه ركبه ومن الأفضل تغير 1/3 امامى بالقنطرة وكده ترجع العربية لمقاسات الفبريكه وخدلك 4 سنين عبال ماتفتح شاسية وتبطل تاكل الكاوتش الأمامى ؟؟؟