سؤالين في السريع..

[magic girl]

السلام عليكم..

عندي مشكلة طلعت من فترة كده, الصبح خاصة لما الجو بيبقى برد أجي أدور العربية الاقي صوت كأنه صفارة جامدة كده, يقعد ثانيتين و يختفي.. هو مش مأثر في حاجة بس مضايقني و مش عارفة من ايه, كنت رحت للميكانيكي اسأله على حاجة فبالمرة سألته راح كشف على سير الدينامو و ظبطه" مش عارفة ربطه ولا حط زيت بالظبط" و مخدش مني فلوس حتى, بس الصوت مستمر..

ده ممكن يبقى من إيه؟؟

حاجة كمان غريبة لاحظتها, من كام يوم كنت راجعة من مشوار و الجو كان حر جداً فشغلت التكييف, مفروض وانا واقفة في السلانسية في إشارة مثلاً ال ار بي ام يعلى عن الواحد مادام مشغلة التكييف, بس عندي مكانش بيعلى خالص يدوب بيجيب الواحد.. و لاحظت كمان و ياللعجب ان العربية على التالت و الرابع سحبها أحسن مع التكييف و بتجمع اسرع !! مفهمتش بصراحة عشان انا عارفة ان التكييف بيأثر على السحب " تقريباً العربية ماشية بمزاجها d= "

المهم هل من حد يفهمني ايه الحكاية بما إني لسة باتعلم فيها؟؟

[EL DEEB]

ده ممكن يكون من السير لو كده لازم يتغير او ممكن تكون بليه الدينمو او بليه طلمبه المايه او التكييف او الباور او البليه الي على الموتور من قدام اصلا علشان كده لازم الميكانيكي بيجرب كل حاجه من دول بسير قصير من عنده لحد مايعرف ايه الي فيه المشكله ويصلحه
اما بالنسبه لسحب العربيه انتي عربيته كاربيراتير مش انجكشن تقريبا بنسبه 95% ده كاربيراتير عايز يتنطف البكات بتاعت السلانسيه والسرعه المنخفضه علشان همه الي اكتر بكات بتستخدم في الماشي بيتوسخوا وبيتكتموا شويه ولما بتجري بالعربيه وبك السرعه العاليه بيشتغل وهو مش مكتوم واصلا بيكون اوسع من التانين فابتحسي بالفرق ده لازم الكاربيراتير يتفك بس تكون العربيه بارده مش سخنه علشان مش يقفع لازم ويتفك حته حته يتنضف بلاش الاسبراي الي بيترش والعربيه دايره ده اي كلام مش بيعمل حاجه

ارجو ان اكون قد افدتك