مش كل حاجة عليها made in italy تبقى ايطالى..

[semsem_uno]

من سنة 1969 الى 2000
يعنى 128 و ريجاتا و 132 و 131 و بونتو و اونو و سيينا و127 و حاجات كتيييييييييير

مفيش كبالن ايطالي ب150 جنيه
مفيش حاجة اسمها طقم دبرياج ايطالي ب200 جنيه
مفيش حاجة اسمها بلية عجل اصلية ايطالى ب35 جنية و بلية كاتينة ايطالى ب20 جنيه! ده حتى بالعقل ميجبش تمن شحنهم من ايطاليا
مفيش سلك سرعة ب 25 جنيه اصلى
مفيش حاجة اسمها تيل فرامل كويس ب45 جنيه ولا حتى ب50
مفيش صلايب كوبلن ب 30 جنيه اصلية
مفيش سير كاتينة اصلي يفضل معاك 40 الف كيلو ب 30 جنيه
مفيش حاجة اسمها ترموستات حرارة اصلي ب15 جنيه
مفيش حاجة اسمها اشترى فيات علشان قطع غياره رخيصة " لأ ده مضروب و هتفكه تانى "
مفيش حاجة اسمها اصل ده اللي في السوق !!! و محدش بعد كده يشتكى و يقول العربية بتعطل كتيييييير و الميكانيكيىة بقوا اصحابي!
مش كل حاجة عليها made in italy تبقى ايطالى..
كفاية مضروووووووووووب... كفايىة سماع كلام الصنايعية و تجار مولد النبي اللي عندهم 90 الف قطعة غيار ل200 نوع عربية!

ادخل على المواقع و شوف الشركات اللي كانت بتنتج قطع غيار للعربيات ديه و اعرف مين مستوردها و بيبيعها و جيبها منه! و اعرف شكل قطعة الغيار الأصلية و دور عليها!
كفاية تغفيل و كفاية تبويظ في سمعة الشركة ديه!

[michohat]

كلامك صح الصح
بس الشركات دي هل ليها تواجد في مصر اصلا

[semsem_uno]

كلامك صح الصح
بس الشركات دي هل ليها تواجد في مصر اصلا

على سبيل المثال شركة اسمها Birth
ديه بتعمل صلايب و بلي و صرر فيات.. ديه ونا بتمشى في وسط البلد لقيت اكتر من محل عنده و معلق بوستر للماركة ديه

لما تسأل عليهم في شارع دمشق او بعض المحلات في مدينة نصر بيقولوا لا ده كان زمان و خلص..

و البوجيهات مثلا اللي بقت مجهولة الهوية و امشاط الكهرباء و ادوات الكهرباء بتاعت العربية اللي بقت مالية السوء
معروف مثلا ان الفيات بيبقى bosch او Magneti marelli
يبقى اشوف شكله كويس على النت و بلاد تصنيعه و ادور على الناس اللي عندها ماجنت ماريللي و اشترى لكن مجبش نوع مجهول الهوية علشان مجرد ايطالى او المانى

مش عارف حضرتك فهمت قصدى ولا لأ

[semsem_uno]

و كمان لو مفيش الحاجات الأصلية مفيش مانع ان الواحد يدور و يعرف ايه الشركات اللي بتعمل منتجات بنفس كفائة قطعة الغيار الأصلية و اشتريها بالكود زي بلي العجل مثلا
على النت في شركات زي skf ديه بتعمل بلى و شدادات سيور و كذا حاجة و مستورديها مليانين رمسيس
الصناعة بتبقى اسبانى و دول اوروبية و كمان سعرها اغلى من اللي في السوق و الخامة ملحوظة جداا

يبقى الواحد يدور لحد ما يوصل لحاجات اصلية و معروفة برة مصر و يتأكد من على النت من وجود اسم شركة قطعة الغيار ديه قبل ما يشتريها
و ابسط طريقة للأيقاع بالبياع انك تسأله على حاجة و يقوللك موجودة ايطالى ب كذا.. قوللة يعنى ماركتها او اسم الشركة النتجة ايه مش صناعتها.. لو قاللك ايطالى اعرف انه مضروب و حافظ مش فاهم


و اي حدا فك حاجة اصلية من عربيته ميسيبهاش للصنايعي.. يخليها معاه علشان يجيب زيها

[lanos2004]

موضوع جميل يا سمسم

[semsem_uno]

موضوع جميل يا سمسم

شكرا :)

[el diesel]

انت تتحدى ثقافة شعب

[semsem_uno]

اليكم بعض اسامى الشركات المنتجة للقطع الأصلية
BOSCH & Magneti Marelli: ادوات الكهرباء مثل اجزاء الأسبراتير و البوجيهات و ما يخص الكهرباء و الفوانيس و الكشافات
العفشة و بعض الات الجر: Fiat & Stamat & Meyle & Monroe & BIRTH
البلي و الصلايب: SKF & BIRTH & FAUG
دبرياج: VALEO & LUK & FIAT
تيول: FIAT Ricambi Originali & Remsa
اول ما افتكر حاجة هبقى اقول عليها

[semsem_uno]

انت تتحدى ثقافة شعب

و ماله مش عيب :))

و بعون الله هغيرها و بالفعل غيرت من تفكير ناس كتير.. مش مشكلتى اني اعيش في وسط تفكير معين عن ماركة العربية اللي انا راكبها و الاقى ناس ظالماها و هما اغلبهم مش عارفين عنها حاجة.. يبقى الحكم عليها على اي اساس؟

[maryano]

ليك حق و موضوع جميل فعلا الللي ظالم فيات في مصر انو معظم اللي شرينها شاريها علي اساس قكع غيرها رخيصه فيسترخص في شراء قطع الغيار من غير ميتاكد من جودتها و فتبوظ و تبوظ جمبيها كذا حاجة
و يعد يمشي في دارية لغايه لما يكره العربيه

[loaissr]

موضوع رائع و فعلا العربية مش واخدة حقها بسبب التفكير الرجعي بتاع ناس كتير

[michohat]

اليكم بعض اسامى الشركات المنتجة للقطع الأصلية
BOSCH & Magneti Marelli: ادوات الكهرباء مثل اجزاء الأسبراتير و البوجيهات و ما يخص الكهرباء و الفوانيس و الكشافات
العفشة و بعض الات الجر: Fiat & Stamat & Meyle & Monroe & BIRTH
البلي و الصلايب: SKF & BIRTH & FAUG
دبرياج: VALEO & LUK & FIAT
تيول: FIAT Ricambi Originali & Remsa
اول ما افتكر حاجة هبقى اقول عليها

Bosch

A-Part
Villa no. 123 Choiefat St.
Al-TAgamoa Al-Khames
New Cairo
Egypt

Tel. +202 26171961
Fax +202 26171948
A-part

Automotive Spare Parts and Accessories

Bosch Automotive Aftermarket - Products



Valeo

Valeo - Automotive technology, naturally



دي عناوين الناس اللي عرفت اجيبها
عاوزين نحاول نجمع الماركات والعنواين و ننشرها علشان بجد انا من الناس اللي نفسي اجيب الحاجه الصح لعربيتي

[michohat]

الدولية للاستيراد والتصدير - غريب, وسط البلد, القاهرة, مصر | سيارات - قطع غيار وكماليات | Yellow.com.eg | 19 ش سوق التوفيقية

http://www.nilemotors.net/Nile/27760-meyle-miles-motion.html

شركة مايلي الالمانية المتخصصة في تصنيع اجزاء العفشة (مساعدين مقصات كبالن علب دركسيون بلي ادام و ورا بيض مقصات جلب مقصات)كل حاجة في العفشة صناعة المانية 100% و انا بجيب كل حاجات الابيزا ماركة مايلي لقيت عناوينهم و تليفوناتهم التوكيل بتاعهم طبعا قولت اديه للناس هنا عشان اللي عايز حاجة للالماني سواء فولكس جروب او مرسيدس ميتسكش في المضروب

الالمانية الدولية للاستيراد و التصدير.........

107 شارع رمسيس القاهرة:25741507
5شارع عبد المحسن الصباحي-فكتوريا :22055558-22055556
69 شارع تقسيم الوادي الحرفيين :26633382-26633383

عشان نترحم شوية من القطع المضروبة...............

يا رب ينفعكم

[semsem_uno]

الدولية للاستيراد والتصدير - غريب, وسط البلد, القاهرة, مصر | سيارات - قطع غيار وكماليات | Yellow.com.eg | 19 ش سوق التوفيقية

http://www.nilemotors.net/Nile/27760-meyle-miles-motion.html

شركة مايلي الالمانية المتخصصة في تصنيع اجزاء العفشة (مساعدين مقصات كبالن علب دركسيون بلي ادام و ورا بيض مقصات جلب مقصات)كل حاجة في العفشة صناعة المانية 100% و انا بجيب كل حاجات الابيزا ماركة مايلي لقيت عناوينهم و تليفوناتهم التوكيل بتاعهم طبعا قولت اديه للناس هنا عشان اللي عايز حاجة للالماني سواء فولكس جروب او مرسيدس ميتسكش في المضروب

الالمانية الدولية للاستيراد و التصدير.........

107 شارع رمسيس القاهرة:25741507
5شارع عبد المحسن الصباحي-فكتوريا :22055558-22055556
69 شارع تقسيم الوادي الحرفيين :26633382-26633383

عشان نترحم شوية من القطع المضروبة...............

يا رب ينفعكم

الله ينور

[kaza]

والله عندك حق يااستاذ سمسم وفعلا كمية قطع الغيار الصيني المضروب للفيات بقت زي الرز وفي الاخر الناس تقول الفيات وحش ودة مطلوب لتشجيع الكوري والصيني والهندي والذي منة لكن اقولهالك بصراحة انا معايا النيسان والكروما واركب دي واركب دي والفارق شاسع للكروما وواله ياسمسم ماباعرف استريح واستمتع بسواقة عربية زي الايطالي ومش عارف الحكاية هتنتهي علي اية قطع الغيار الاصلي بقت زي المخدرات وعزيزة وغالية وخد بالك من دي نــــــــــــــــادرة ومش لاقي البديل اللي ينفع مكان عربيتي وعلي الرغم ان فية ناس بتحاول تقنعني بالتراجع عن الفيات لكن قلبي وروحي مرتبط جدا بيها عشق بقي
تحياتي ليك وللمشاركة الجميلة وكويس موضوع العناوين للمستوردين وبالخص مايلي لانها افضل ماركة تيل جربتها وكنت جايبها من الكيلاني لغاية مابطل وبقي بيجيب تيل امريكي فاشل بقت الفرامل مسافتها اطول بكتير من المايلي واخشن وبتتاكل بسرعة علما بان الطنابير عندي زي الفل علشان ماحدش يفتي
كمان السيور الريكامبي لا يعلي عليها والبلي ال اس كي اف انا كنت م ركب بليتين للريجاتا من 5 سنين والعربية متعدلة 2000 ومش هاقولك ان الشاسية بتاعها داب من كتر اللحام وعملت 450000كم وماغيرتش البلي اللي مازال بحالة جيدة جدا علي الرغم من تغيير الكبالن 4مرات عليه لحد دلوقتي
اما الفاليو والدبرياج فحدث ولا حرج الطقم في المتوسط 100000 كم وبيطلع زي الفل بس الواحد بيخاف من ريش الدبرياج لتتكسر
ومش هاحكيلك علي علب التي ار دبليو ومتانة العلبة وعمرها الطويل انا غيرت علبة دريكسون للريجاتا والكروما والكلام دة من سنة 2002 لغاية دلوقتي وبمعدل 5000-6000 كم في الشهر ولسة لا فية تسريب زيت باور ولا ديولة
ولا قطع الكهرباء الماجنتيماريلي او البوش الاصلي ياراجل دا انا باشتري الكتاوتات الاستعمال الاصلي افضل 100 مليون مرة من اللي في السوق التركي الماكو
فعلا عايز تركب فيات وتستمتع بالعربية لا يعلي علي القطع الاصلية وماتسترخصش في القطع علشان تحس بالعربية وفي النهاية ركيب الفيات مايعرفش يركب اي حاجة تانية ومش هاقول الفا ولا لنشيا اهم كلهم مظاليم في بلد بقت كل حاجة فيها مقلوبة وماعدش حد فاهم حاجة ولا عاوز يفهم
تحياتي الحارة وشكري لمجهودك ودعمي لمثابرتك وتمسكك بفياتتنا العريقة