اصلحها ولا ابيعها ولا اولع فيها واريح نفسى .. مستنى رايكم ...

[pop man]

انا معايا 128 والحمد لله مريحانىالا حدأ ما "على قد فلوسى" :)
بس اللى معاك دى من الواضح ان قدمها أصلأ فقر فبيعها واشترى دماغك وراحت بالك

[semsem_uno]

يا تصرف صح يا تبيع

[mr_mada]

بشكر جميع الاعضاء الى شاركو برايهم

طبعا هيا قدمها فقر طبعا زى ما pop man بيقول لانى كل لما اصلح حاجة

تبوظ حاجة .. ولكن المهم دلوقتى لو بعتها مفيش امكانيات حاليا اجيب اى عربية تانية ايا كان نوعها

وطبعا بعد ما تعودت على عربية فى حياتى احساس مؤلم اوى انك ترجع تجرى ورا المواصلات فى الشارع

ده غير انى اشترتها ب 15.5 وصرفت عليها لحد دلوقتى 3 وطبعا مركبتش بيهم بنكلة

ولو بعتها وهيا عطلانة كده مش هتجيب اى فلوس وهتبقى الخسارة كبيرة اوى

فالسؤال الى بيطرح نفسه هنا هل ممكن لو صرفت عليها تكون عربية ولا برمى فلوس زيادة فى الاض

[mr_mada]

يا تصرف صح يا تبيع

ازاى ياباشا اصرف صح نورنى

[AlGazar2]

بشكر جميع الاعضاء الى شاركو برايهم

طبعا هيا قدمها فقر طبعا زى ما pop man بيقول لانى كل لما اصلح حاجة

تبوظ حاجة .. ولكن المهم دلوقتى لو بعتها مفيش امكانيات حاليا اجيب اى عربية تانية ايا كان نوعها

وطبعا بعد ما تعودت على عربية فى حياتى احساس مؤلم اوى انك ترجع تجرى ورا المواصلات فى الشارع

ده غير انى اشترتها ب 15.5 وصرفت عليها لحد دلوقتى 3 وطبعا مركبتش بيهم بنكلة

ولو بعتها وهيا عطلانة كده مش هتجيب اى فلوس وهتبقى الخسارة كبيرة اوى

فالسؤال الى بيطرح نفسه هنا هل ممكن لو صرفت عليها تكون عربية ولا برمى فلوس زيادة فى الاض

بص يا باشا باختصار كده عربيتك عايزه سمكرى محترم و شاطر و كهربائى كويس

الكهربائى يعملك دفيره من اول و جديد للموتور و تجيب كونتاكت اصلى ليها حتى لو استيراد
و السمكرى يظبطلك الحوض و الشاسيه و يعملوا تقويات و يشوف البرومه و يظبطها و تديها عازل رطوبه بتومين مثلا و تقعد بالعربيه سنتين مثلا و بعد كده تبيعها

لان انت لو بعتها على حالتها دى ممكن تجيبلك 7:8 الاف مثلا فحرام تخسر فيها 9 الاف جنيه و انت مركبتهاش اصرف عليها 2:3 كده و ظبط الشاسيه بتاعها و هتلاقيها محترمه معاك

[Nashaat Rady]

بص يا باشا باختصار كده عربيتك عايزه سمكرى محترم و شاطر و كهربائى كويس

الكهربائى يعملك دفيره من اول و جديد للموتور و تجيب كونتاكت اصلى ليها حتى لو استيراد
و السمكرى يظبطلك الحوض و الشاسيه و يعملوا تقويات و يشوف البرومه و يظبطها و تديها عازل رطوبه بتومين مثلا و تقعد بالعربيه سنتين مثلا و بعد كده تبيعها

لان انت لو بعتها على حالتها دى ممكن تجيبلك 7:8 الاف مثلا فحرام تخسر فيها 9 الاف جنيه و انت مركبتهاش اصرف عليها 2:3 كده و ظبط الشاسيه بتاعها و هتلاقيها محترمه معاك

كلام موزون، يستاهل التقدير و التحية

[Moh.Hassan]

السلام عليكم

فى البداية هيا عربية 128 موديل 1988 موتور 1100 سى سى اشترتها من 8 شهور ب 15.5

مكنش ليا فى العربيات اوى وقتها .. المهم العربية فضلت شغالة معايا حوالى 4 شهور كويسة

بس العجلتين الى ورا قالبين من تحت لجوه ومن وره لبره قلبتين فى واحد يعنى بعد ال 4 شهور

الكبالن باظط قولت اروح اغير كبالن واسيب موضوع العجل الى قالب ورا ده لبعدين ..

رحت للميكانيكى قلتله يغير الكبالن وهوه بيغيرها قالى خلى بالك علشان الشاسيه مفتوح فاحنا

نجيب اكس اطول شوية من الى راكب علشان ميحملش على الشاسيه وبما انى مش فاهم قلتله

تمام دوس يا معلم .. غير الاكس الشمال الى ادام بواحد اطول وغير صليبة كردان لنفس

المكان وغير الكبالن الاتنين .. طلعت اجرب العربية لقيتها بتتنطط فى الملفات على سرعة

رجعتله .. قالى ( ليس فى الامكان ابدع مما كان والشاسيه مفتوح ) المهم مشيت من عنده

وبعدها بقيت اسمع اصوات شخلله فى العربية فرحت لعفشجى غيرلى بطاحة ومقص للجنب

الشمال برده وقلتله على حوار الاكس الى الميكانيكى عمله قالى ده حمار فين الاكس القديم

ادتهوله فراح مركبه .. المهم طلعت من عنده جربت العربية لقيت الشخلله قلت قلت تمام

تانى يوم بجرى على البحر باليل 110 وداخل على ملف بسيط مش قاصى المهم حطيت سنت

الفرامل بتاعة الملف العربية عملت لقة كده جابتنى من اقصى الشمال لاقصى اليمين بعرض

6 حارات تقريبا حوالى 4 مرات كانت هتقلب وهتعدى الجزيرة وتروح الناحية التانية

المهم ربنا قدرنى ولميتها الحمد لله .. تانى يوم ببص على العربية لفت نظرى ان العجلة

الشمال الى ادام الى اتعمل فيها كل ده قالبة لجوه لدرجة انها ماشية على سيفها وده الى

كان هيموتنى مع العجلتين الى ورا الى اصلا قالبين من الاول .. الحمد لله .. المهم رجعتله

قالى دى الركبة الشمال عايزة تتغير انا كنت خلاص مش مقتن باى حاجة بيقولها

لانى داخله بالعربية بايظة والعجلتين الى مسطرة اخدها بعد ما صلحها بالعجلة قالبة لجوه

المهم رحت لعفشجى غيره قالى عمل رجلاش للمساعد القلبة قلت كتير عن الاول بس لسة

قالبة برده .. رحت لعفشجى تالت قالى الركبة الشمال عايزة تتغير وراح مغيرها .. وبرده

العجلة قالبة زى ماهيا .. رحت لعفشجى رابع قالى الركبة ملحومة غلط ومش فى مكانها

جيت بعدها واحد جاى عكس بربع نقل دخل فيا وش فى وش فى الجنب الشمال برده

راح الجنب كله مضغوط لوره .. وبعدها العربية جابت اسطوانة وديسك ..

وبعدها فى الشتواية الحلوة الى فاتت المية دخلت جواها مش عارف منين والارضية غرقت

فكيت الارضية لقيت صاج الارضية الى تحت السواق رايح فى داهية والى تحت الكرسى الى

جنبه ماسك نفسه شوية والباقى كويس والعتبة الشمال برده عاوزة تتغير ومعرفش اليمين ايه

نظامها ...


ملحوظات

* دفيرة الكهرباء الكهربائى قالى دى مش جويسة ومعمولة بلدى

* طبلة الكونتاكت كل شوية بتبوظ مغير 4 فى 8 شهور

* الرداتير الراجل قالى ده مهرى بس شغال معايا كويس بدون مشاكل

وحاليا مرمية زى الكلبة تحت البيت ...


مميزاتها .. او الحسنتين الى فيها

* ماتورها كويس

* بطارية كويسة

* 4 جنوط

* 4 فرد تيوبلس عريض

* 2 زجاج كهربا

* سنتر

* سروجى كويس



هل ممكن تبقى عربية ؟؟ ولا ابيعها ؟؟ ولا اولع فيها بجاز ؟؟؟؟؟


اسف للاطالة .. بس ده كله برده ميجيش حاجة من الى انا شوفته

بيع وتوكل على الله

[mr_mada]

بص يا باشا باختصار كده عربيتك عايزه سمكرى محترم و شاطر و كهربائى كويس

الكهربائى يعملك دفيره من اول و جديد للموتور و تجيب كونتاكت اصلى ليها حتى لو استيراد
و السمكرى يظبطلك الحوض و الشاسيه و يعملوا تقويات و يشوف البرومه و يظبطها و تديها عازل رطوبه بتومين مثلا و تقعد بالعربيه سنتين مثلا و بعد كده تبيعها

لان انت لو بعتها على حالتها دى ممكن تجيبلك 7:8 الاف مثلا فحرام تخسر فيها 9 الاف جنيه و انت مركبتهاش اصرف عليها 2:3 كده و ظبط الشاسيه بتاعها و هتلاقيها محترمه معاك

كلام موزون، يستاهل التقدير و التحية

عملت خطة مابينى وبين نفسى ورحت ل 5 سمكرية مختلفين

وسمعت اسعار ملهاش علاقة ببعض ومش دى القضية

الفكرة انى شايفهم كلهم بيدقدقو بزلطين كلها بتشتغل بالفهلوة وبالحب

احسن واحد فيهم قالى انا كان عندى 128 جديدة زمان وخدت مقاساتها وهشتغلك عليها

وربنا يسهل .. لكن مش لاقى حد بيشتغل على شبلونة او فورمة للمقاسات علشان اضمن انها

باذن الله هتطلع صح وانى مرمتش الفلوس دى على الارض ويبقى ولا كانى عملت حاجة

[Nashaat Rady]

عملت خطة مابينى وبين نفسى ورحت ل 5 سمكرية مختلفين

وسمعت اسعار ملهاش علاقة ببعض ومش دى القضية

الفكرة انى شايفهم كلهم بيدقدقو بزلطين كلها بتشتغل بالفهلوة وبالحب

احسن واحد فيهم قالى انا كان عندى 128 جديدة زمان وخدت مقاساتها وهشتغلك عليها

وربنا يسهل .. لكن مش لاقى حد بيشتغل على شبلونة او فورمة للمقاسات علشان اضمن انها

باذن الله هتطلع صح وانى مرمتش الفلوس دى على الارض ويبقى ولا كانى عملت حاجة

اسأل أصحابك و اهلك عن سمكري كويس بالتجربة، أو حد يكون معرفة، يكون حد راحله في حاجة مماثلة و عمل شغل كويس.

و كمان اعمل موضوع هنا علي المنتدي يكون عنوانه مثلاً( مطلوب سمكري في الاسكندرية "فاهم مش بلاص و فهلوي")
واشرح في الموضوع

و إن شاء الله الناس تتدلك علي واحد شاطر

[bkr]

انا معايا 28 والحمد لله ماشيه تمام انما المسعمل كله اعطاله كتير ال28 معايا بقالها سنتين وقبلها كانت راكب اوبل فيكترا عقدتني من العربيات الي في الدنيا كله الي انت فيه وانا كنت فيه اننا مش بنصرف صح الموضوع كله عندك بسيط محتاج شوية مصاريف يصرفوا صح ضفيره تجيب اسيراد مش تتعمل عموله الاعند كهرباءي مميز وسمكري كويس وقبل الموضوع ده كله روح لورشة زوايا هو هيقولك علي كل الي في العربيه من مقاسات وكوبلن بيفرط والكلام ده 1 روح لورشة زوايا 2 سمكري كويس 3 كهربائ كويس ودور علي حاجه واحده صنايعي عنده ضمير بيتقي ربنا مش مهم غالي شويه هيوفر كتير ده هو الكلام

[احمد127]

لو بيعتها هتخسر فيها كتييييييييييير اوى وهتزعلك لو مش عايز تزعل اولا تروح لسمكرى نضيييييييييييف يظبطلك الشاسية شوية بعد كدة تخدها على مكان كويس لظبط الزوايا ممكن تكون عايزة زرجينة عشان تعدل العجل متبعهاش اتعلم فيها وبعد كدة بيعها انشالله تبيعها خردة والمستعمل كلو كدة

[egyptiandiver]

صلحها + بيع

[Hamada hozein]

والله انا شايف ان انت متبعش
انت كل مشاكلك اللى قولتها دي كانت في نفس المكان وسوء حظ مش اكتر
اولا انت لازم تروح لواحد بتاع عفشة محترم هيخلصلك الليلة كلها
وتظبيط الضفيرة والكلام دة مش صعب
والخبطة ولو معاك عربية بي ام برضة هي هي
انا رائي تظبطها
ال 28 عربية محترمة جدا وجراية جدا
روح لميكانيكية محترمين وهما هيظبطوهالك
مدام الموتور كويس والشاسية كويس يبقي اي حاجة تانية سهلة
بس مش هقولك اكتر من كدة

[alaaeldineffat]

هاتلك تلت امامي فبريقة بالدفيرة انشاء الله هتظبط معاك لو بعتها هتخسر كتتيير

[volk]

بص اول مشوفت كلمه 128 اختارت ولع فيها بجد عربيه متعبه جدااااااااااااااااااااااااا و متنفعش للطرق المصريه خالص بعفشتها دي ولا بعلبها بتاعت المساعدين و لا حتي بحوضها اللي بيفضل يشرخ كل شويه و كل حبه هتصلح فيها ولع فيها و اسمع كلامي انا قرفان منها يا جدع