اطلب المساعده فيات 128

[matrix20077]

اولا هل فى فرق فى السعر كبير بين الفيات الايطالى والنصر
ثانيا : المفروض لو العربيه ايطالى بتتثبت فى الرخصه فيات لو مصر بتتثبت نصر
هل بقى ممكن تكون ايطالى وعن طريق واسطه اتثبتت فى الرخصه نصر علشان الرسوم بتاعة الايطالى كتير؟

رقم الشاسيه اوله 21 مليون وهى موديل 76 هل للأرقام دى علاقه بنوعها

[sab3aawy]

يا رااااااااااااااااجل جاى تقول ايطالى ومصرى بعد 32 سنة؟
ده لو مصرى وعاش فى ايطاليا ربع المدة دى كان خد الجنسية ولو ايطالى قعد فى مصر نص المدة دى هتلاقيه بيبيع كبدة وسجق

فى عربية زى دى مستألش مصرى وللا ايطالى، الحاااااااااااااااااااااااااااااااله هى الفيصل الوحيد، بالطبع كان فيه ناس بيجيبوها استيراد من ايطاليا(زمان كان استيراد العربيات المستعملة مفتوح ) وفيه منها مصرى، بس بعد 32 سنة الكلام ده ميفرقش، الحالة فقط هى اللى تفرق، لكن حكاية ايطالى ومصرى واتبتت نصر علشان الرسوم والكلام الفاضى ده اشتغالات تجار مش اكتر

[matrix20077]

شكرا يا باشا
بس على فكره هنا بتفرق مصرى عن ايطالى فى 4 الاف جنيه مش حاجه قليله
وعلى العموم شكرا للافاده

[mohamed2002]

شكرا يا باشا
بس على فكره هنا بتفرق مصرى عن ايطالى فى 4 الاف جنيه مش حاجه قليله
وعلى العموم شكرا للافاده

الايطالي تقريبا نهايتة88 يعني من 20 سنة ,المصري بدا من 89 تقريبا
يعني 20 سنة العربية ماشية ,يعني من الاخر العربية حاجات كتير اوي اوي فيها اتغيرت ,عمليا مفيش فرق ولا اعتقد بوجود فرق سعر المهم الحالة الافضل سواء مصري او يوغسلافي او ايطالي ,الحالة فقط

[hazem_khidr]

اخر عربيه 128 خرجت من ايطاليا كانت سنه 1979 او 1981 مش فاكر بالضبط
بعد كده يوغوسلافي و تقفيل مصري
و بالنسبه للموديلات القديمه زي ما قال باشمهندس سبعاوي ما تسالش
و الحكم هو حاله العربيه مش بلد الصنع
اللي ايطالي فعلا في الموديلات دي اللي هيا ال1300 (موديلات سبعينات)
سواء 1300 عادي او ابارث و دي بتعرفها بسهوله اذا كان دا موتورها الاصلي ولا متركب
من رقم الشاسيه
ال 1100 بتلاقي رقم الشاسيه قبله A
ال1300 بتلاقي رقم الشاسيه قبله A1

[aliabutaleb]

عربيتي 1986 ونصر مش ايطالي

[dr_abooody]

عربيي 128 موديل 85 يوغسلافي
بس كاتبن نصر في الرخصة

[ahmed1981]

بلاش منها خالص
شوف حاجة حديثة شوية وحالتها كويسة
والقاعدة تقول : (كل السيارات ال 128 وجوه لعملة واحدة والفرق هو حالة العملة)