ايه رايكم في تمبرا موديل 99

[hazemaa]

امامى تمبرا 99 ,تكييف ,سنتر,زجاج كهربا, فابريكه داخل وخارج.تعمل كام ؟ وايه عيوب الموديل ده؟ وشكرا

[hazemaa]

ارجو سرعه الرد

[mohamed2002]

حضرتك عامل الموضع الساعة 2 والساعة 2ودقيقة بتتطلب سرعة الرد ,الصبر يا اخي الفاضل وعلي العموم علي حسب معلوماتي عن العربية دي ان الموديل دة يا تركي يا مصري ,العربية يشهد لها بالاعتمادية والثبات ,قطع الغيار الميكانيكة مشتركة مع الشاهين,الخارجية متوفرة ,سعرها يص حتي 38 الف تقريبا وطالما فبريكة برة وجوة ممكن تعدي ال 38 الف وانتظر رد باقي الاعضاء

[mohamed2002]

دة موضوع عن قطع غيار التمبرا نتمني انة يفيدك

http://www.nilemotors.net/Nile/showthread.php?t=33202

[hazemaa]

شكرا يا برنس بس انت مش شايف ان 38000 شويه عليها

[mohamed2002]

شكرا يا برنس بس انت مش شايف ان 38000 شويه عليها

بالنسبة للسعر مش متاكد بس مظنش تعدي 42 الف

[hazemaa]

متشكر يابرنس ومنتظر ردود باقى الاخوه......................

[hazem_khidr]

الموديل دا ايطالي تقفيل مصري
قطع غيار الداخليه متوفره انما الخارجيه زي الفوانيس و الصاج حيبقي غالي شويه.
العربيه سوقها تعبان علشان كده اسعارها قليله
يعني اول الاربعينات كده بس كام بالضبط ما اعرفش

[modihamed]

الموديلات في التمبرا من اول 1997 عيبها انها تقفيل مصري واللي أعرفه ان الموديلات المصري سعرها مش عالي زي الايطالي بس انا شايف انها ما تعديش 44 او 45 الف لو كانت في احسن حاله وعلي فكره انا لسه شاري واحد موديل 1991 بس ايطالي ب40 الف وربنا يهديك لما فيه الخير ويباركلك فيها وهي عربيه جميله جدا ورأيي انها احسن من الشاهين مليون مره بس مصاريفها غاليه شويه

[hazemaa]

العربيه عليها باتش فيات على الشنطه بس معرفش ازا كانت ايطالى ولا مصرى... افيدونى اعرف ازاى وايه الفرق الجوهرى؟

[hazemaa]

لا تبخلوا بالردود جزاكم الله خيرا لان دى اول مرة اشترى عربيه وصراحه خايف اتغش بس انا ركبت العربيه بتجيب ال100 على الثالث ................

[mig44n]

ياخى اعرض العربية على ميكانيكى تكون واثق منه وهو يكشفلك عليها......
انت خايف ان يضحك عليك فى السعر ولا فى العربية؟؟؟
انت بتقول ان العربية فبريكه بره وجوه طيب اتاكدت من الكلام ده واتاكدت من الاجزاء الميكانيكة زى المحرك والفتيس؟؟؟ طيب اتاكدت منالعفشة انها سليمة واتاكدت من كهربه العربيه والضفيرة والتابلوه والتكييف وحاله الصالون وحاله العربيه منت تحت واخده خبطات ولا لا؟؟؟
كل ده لازم تبص عليه الاول وبعد كده تتكلم فى الفلوس......
هو انت هتاخدها بكام؟؟؟

[hazemaa]

43000الف................................

[mohamed2002]

حضرتك لازم يكون معاك سمكري وميكانيكي ثقة يشوفو العربية ,ربنا يهديك الي الصواب

[yaskhl]

بص ياسيدى انا كنت هااشترى تمبرا شهر يناير اللى فات فابريكة بره وجوه بمعنى الكلمة يعنى جديدة والعداد كان عامل 85 الف كيلو وايطالى كل الكماليات عدا التكييف وكانت موديل 93 لكن الناس كلها خوفتنى منها ومن صيانتها لان موش اى حد يفهم مشاكلها وموش اى توكيل انا قصدى طبعا على الميكانيكا موش العفشة ووصلنا ساعتها 34000 الف جنيه. خلى بالك هى فيها كارت كمبيوتر اللى تقريبا بيظبط الموتور لا قدر الله لو باظ او حصل فيه مشاكل موش من السهل تلاقيه وسعره غالى جدا لو لاقيته.