128 2 باب موديل 1974

[fady554]

رجالة نايل موتورز اللى دايما بينقذونى
مساء الفل عليكم
كان معروض عليا عربية 128 2 باب موديل 1974
هى نفس شكل ال 128 العادية
و الراجل بيقولى انها المانى و بيقولى هى نازلة كدة من المصنع
والعربية الفوانيس بتاعتها مربعة سألتو هى معدلة الشكل الجديد
قالى لا هى كانت نازلة الشكل دة و كانت نازلة برضو موتور 1300سي سي
هو طبعا مسقطلها مكنة 1300 برضو بس موديل 1990
فكنت عايز اعرف اية قصة العربية دى و اية الفرق بينها و بين ال 128 العادية
و هل تنصحونى بشراءها ولا ابعد عنها اخبار سوقها اية يعنى هعرف ابيعها ولا هلبسها؟
هى نفس الشكل دة

[el diesel]

ان شاء الله حد من رجالة الفيات يرد عليك

[fady554]

شكراا لمرورك يا باشا

[DONYO]

هي نفسها الـ128 العادية بس اسمع ان دي شاسها اقوى ومافيش اي اختلاف في قطع الغيار والعفشة الفرق الوحيد لو حبيت تغير باب انه بيكون قليل شوية لانه حجمة اكبر من الـ127 العادية لكن ممكن تتعب شوية لحد ما تلاية استيراد ، انا رائيي لو مامعاكش فلوس حاجة غير الـ128 توكل على الله فيها

[fady554]

اية يا رجالة دانا اللى قولت هتنقذونى
عايز ابقى فيتاوى

[مواطن مصرى]

دى اسمها 128 رالى ..
فعلا انتجت فى السبعينات و كانت تصنيع المانى ..
العربيه دى ممتازه بشرط انها تكون بحاله ممتازه لان موتورها مصمم مثل موتور سيارات السباق و شاسيها فيه دعامات صلب من الداخل ..

بس العربيه المعروضه على حضرتك دى فيها كذا مشكله تخليك تبعد عنها ..

1- موديل 1974 يعنى كمان سنه هتوصل 40 سنه..
2- الموتور الاصلى متغير بموتور 128 عادى
3- قطع غيارها الاستيراد صعبه شويه .. الابواب و القوائم الخلفيه و الشنطه مختلفين شويه عن الـ 128 العاديه

لو عايز 128 دور على عربيه موديلات 1988 حتى 1992 بشرط تكون حالتها جيده و ماتفتحش معاك فى المصاريف ..

[fady554]

يعنى العربية اللى معروضة عليا حلوة بس كسوق فى مصر مش حلوة اصل انا عايز عربية فى حدود 3 او 4 شهور كدة و بعد كدة ابيعها و برضو مش عايز عربية اصرف عليها جامد و بعدين قطع غيارها بتقول صعبة بس انا كانت ميزانيتى فى حدود 12 او 13 الف و العربية فى حدود 12 هل السعر دة فى صالح العربية ولا لا