استفسار في المروحة ومؤشر الحرارة في الشاهين

[HRH_Sameh]

دلوقت المروحة في الشاهين بتشتغل عند 90 درجة بالظبط (نص العداد) وتفصل عند 80 درجة
من كام شهر كانت الحرارة بتعدي 90 وتوصل احيانا 100 (طبعا غلط ) والمروحة ما تشتغلش فكيت السلكين بتوع المروحة ونضفتهم كذا مرة وبتعلّق المهم رشيتهم بـ WD40 اشتغلت على طول بس ....
المروحة معظم الوقت بتبدأ تشتغل بعد الـ 90 يعني احيانا 95 تقريبا او اكتر وطبعا بتفصل بدري برضه (طبعا غلط اكيد)

السؤال بقى ايه السبب في كده؟
هل الترموستات اللي راكب اسفل الردياتير هو السبب (اذا كان كلامي صح؟)
وشكرا على الافادة مقدما

[yahyanaabil]

حضرتك الشاهين الطبيعى بتاعها 90 وده الشغل العادى بس لو عايز المروحه تشتغل بدرى شويه جيب ترموستات يشتغل عند 70 بدل 90 وهو رخيص مش غالى بس حكايه انه يوصل ل 100 ده مش سليم لان كان عندنا شاهين مكنتش بتعدى ال90

[HRH_Sameh]

حضرتك الشاهين الطبيعى بتاعها 90 وده الشغل العادى بس لو عايز المروحه تشتغل بدرى شويه جيب ترموستات يشتغل عند 70 بدل 90 وهو رخيص مش غالى بس حكايه انه يوصل ل 100 ده مش سليم لان كان عندنا شاهين مكنتش بتعدى ال90

شكرا ليك على اهتمامك
بس ترموستات الـ 70 ده هايخلي المروحة تبقى شغالة معظم الوقت
ده مش تحميل عليها وع الكهرباء والا عادي؟

[sherif_84]

أستاذ سامح الترموستات الـ 70 هيقرفك فى تسخين العربية فى الشتاء يعنى هتاخد وقت كتير قوى لغاية ماتسخن يستحسن تسيب اللى فيها اللى بيشتغل على 90 او تغيره بواحد جديد لو كان فيه مشكلة
وماتقلقش من الـ 90 دى الحرارة الطبيعية للشاهين زى ماقال الاستاذ يحيى لكن مادام فى مشكلة فى المروحة وديها لكهربائى كويس ويظبطهالك

[HRH_Sameh]

أستاذ سامح الترموستات الـ 70 هيقرفك فى تسخين العربية فى الشتاء يعنى هتاخد وقت كتير قوى لغاية ماتسخن يستحسن تسيب اللى فيها اللى بيشتغل على 90 او تغيره بواحد جديد لو كان فيه مشكلة
وماتقلقش من الـ 90 دى الحرارة الطبيعية للشاهين زى ماقال الاستاذ يحيى لكن مادام فى مشكلة فى المروحة وديها لكهربائى كويس ويظبطهالك

اهلا بيك ياباشا وشكرا على الاهتمام
بس ممكن تقولي ايه العلاقة بين ترموستات المروحة وتأخر تسخين العربية في الشتاء؟
بص انا قعدت فترة كذا سنة شايل ترموستات الكوعة وهو ده اللي فعلا كان قارفني في الشتاء لأن الحرارة كان ممكن تقعد كتييييييييييير قوي 50 او اكتر حاجة بسيطة لكن 70 اعتقد مش هايبقى فيها مشكلة خصوصا ان وانت ماشي ع الطوالي الحرارة مش بتوصل 90 ممكن 80 او اقل

[sherif_84]

أستاذ سامح اهلا بيك انت ياباشا ( :
انا فاهم قصدك طبعا ان الترموستات مختلف عن حكاية الكوعة انا قصدى ان موتور الشاهين بطبيعته بيحب الحرارة العالية عشان كده تلاقى الحرارة دايما على الـ 90 وتروح المروحة تشتغل تقوم الحرارة تنزل درجة او درجتين وبعدين تعلى تانى لـ 90 والمروحة تشتغل وهكذا
فا انت لما تخلى المروحة تشتغل على الـ 70 الموتور مش هايشتغل بنفس الكفاءة بتاعت الـ 90 دررجة لانه هيبقى شبه بارد عالطول وبالذات فى الشتاء ممكن العربية تقطع منك وانت بتشد مثلا او طالع من الغيار الأولانى على سبيل المثال ده كان قصدى ياباشا
وعموما انا من أنصار انى اخلى العربية مظبوطة زى المصنع ما احبش أغير فيها حاجة ممكن الكلام اللى انت قولت عليه ينفع للـ 131 و 132 لان موتورهم حرارته اقل من حرارة موتور الشاهين

[HRH_Sameh]

شكرا ليك يا شريف وكلامك منطقي
بس انا قريت موضوع هنا من شوية كان واحد بيشكي من نفش المشكلة وطلع العيب مش من ترموستات المروحة
وومكن يكون المؤشر بيقرأ غلط او ممكن يكون في سده او هوا في الردياتير
مع اني لسه منضفه من قريب وحاطط ميه خضراء والراجل فرّغ الهوا كويس
بس بعديها بفترة بسيطة ظهر تنفيس في الردياتير ولحمته بس مفرغش الهوا كويس
هل ده ممكن يكون السبب؟؟؟

[sherif_84]

والله يا أستاذ سامح انا مش قادر أحدد هل ده هو السبب ولا لأ ؟ لكن المفروض ان الراجل الصنايعى بيعرف ازاى يفرغ الهوا من الردياتير لأن ماينفعش دورة التبريد تمشى كويس وفي هوا فى الردياتير لازم يفرغه كويس جدا وأنصحك تروح لواحد تانى فاهم عارف لو انت ساكن فى القاهرة كنت وديتك للصنايعى اللى انا ووالدى بنتعامل معاه كويس جدا وفاهم شغله
بس الاول برضو روح لكهربائى كويس يشوف المؤشر شغال كويس ولا فيه مشكلة وبعدين لو المؤشر طلع سليم يبقى المشكلة فعلا فى الردياتير

[HRH_Sameh]

ماشي يا شريف
وشكرا ليك على اهتمامك
وبلاش موضوع أستاذ احنا كلنا اخوة :)

[zizophone]

السخزنة بتاع العربية دي مقرفة بشكل غير طبيعي خاصة في الصيف مع انها المفروض معمولة للبد وعارفين جوها

[maka]

انا راى غير الترموستات علشان شكله كده باظ

[HRH_Sameh]

شكرا ياشباب ع المشاركة والموضوع متأجل للصيف