تقرير عن صيانة الـ10,000كم لللينيا ... مع أوم اترا ... جتهم 60 نيله

[eng_ahesham]

روحت انهارده صيانة الـ10,000 للينيا الـ1600 في جسر السويس والملاحظات كالاتي :
1-روحت الساعه 10 الصبح خلصت الساعة 5 وكل الوقت ده قدامي كانوا شغالين في العربية
2-قولتلهم مش عاوز اغير فلتر الهوا علي 10 قالولي لا لازم علشان ميدخلش تراب علي الصبابات و كده هيعمل مشكله ( و في الاخر مغيرهوش لانه مكانش موجود عندهم ) كانوا فاكرينه هو هو بتاع اللينيا التربو او الـ1400.
3-قالولي علي زيت السليسبيد لازم يتغير علي 10 قولتلهم حرام يا جماعه هو 10 دي تبقي العربيه لحقت تمشي قالي لا لازم علشان الفتيس ممكن يحصل فيه مشكله و ساعتها مش هيبقي لينا دعوه بيه لان الاوامر جيا كده من ايطاليا ... المفاجئه بقي ( البهوات من الساعه 12.30 الي الساعه 3.00 مش عارفين يوصلوا لمكان الزيت و 6 انفار منهم 2 مهندسين واقفين قادم العربية و يرفعوها و ينزلوها 4 مرات و في الاخر لاقو مكانه تحت المارش فمرضيوش يفكوه ..... والمهندس اللي هناك قالي معلش اصل احنا ليه بنستكشفها علشان هي اول مره تجيلنا ولسه ماخدناش تدريب عليها (( يعني بيبيعو عربيه من 6 شهور ومش عارفين بتتصاين ازاااااااااااااااااااااااي ... دي وكسسسسسه ..... والله ممكن يبوضظا العربيات )) و في الاخر بعد ساعتين و نص و عدم معرفه تغيير الزيت و بعد ما قالولي الصبح ( لازم يتغير علشان محيصلش مشكله في الفتيس و الاوامر جيا كده من ايطاليا ) قالي لا احنا كشفنا عليه لاقيناه كويس و مش محتاج يتغير ... الكدب واكلهم كلهم .
4- خراب البيت بقي لما فلتر الزيت للعربيه دي (موتور عاده مش تيربو ) يبقي بـ 190 جنيه ... واطلع للمهندس محمود مدير الورشه يقولي علشان اليورو و علشان الفلتر ده مش موجود غير عندنا و مش هتلاقيه في اي حته تانيه (( بيلوو دراعي )) وبيقولي هو ده السعر و مقدرش اتكلم فيه ابدا .
5- وخدين مصنيعة صيانة الـ10 .... 300 جنيه ... تغير زين و فلتر و شوية check بـ300 جنيه ..
6-مستلمين العربيه بتبرق من جوه ... مدينهالي زي الزفت و متوسخه و ايدهم معلمه علي التابلوه بالشحم و علي جسم العربيه من بره .... واقول للمهندسه الي القرف ده انتوا واخدين العربيه بتلمع .... تقولي معلش الصنيعيه بقي انا مليش دعوه .
ربنا ينتقم منهم دنيا و اخره وانا في طريقي لشكيهم في فيات ايطاليا و تركيا ..

[Land_Cruiser]

السبب الرئيسي لعدم انتشار فيات في مصر هو التوكيل بتاعها. انا مش عارف هي الناس دي عامله عمل ل شركه فيات بره و لا ده ندر عليهم ان اوماترا تبقي واخده التوكيل بالرغم من المهازل اللي بيعملوها. انا فأكر مره من كام سنه وديت لهم عربيه سيينا بتاعه واحد قريبي كانوا بيرشوا البابين شمال و العربيه لونها فضي راحوا البهوات داهنين البابين ذهبي . طبعا لما روحت استلمها لاحظت المهزله و زعقت فيهم جامد فطلعلي واحد من جوه التوكيل مش عارف ده شغلته ايه هناك و كان بيحاول يقنعني ان اللونين لايقين علي بعض و ان انا اللي مكبر الموضوع علي الفاضي و الكلام ده كان في الفرع بتاعهم اللي في ابو رواش قبل ما يقفل

[aliabdo]

الحمد لله انى مخلصت فى اللينيا مع انها حتطلع من عيني

[Ahmed Nasser]

ربنا يلهمك الصبر!!

[abdo7000]

للاسف هو دة الصنيعيي المصري سواء داخل التوكيل او خارجة الصورة واحدة والاداء واحد

[fares_311]

العربيه لونها فضي راحوا البهوات داهنين البابين ذهبي . و كان بيحاول يقنعني ان اللونين لايقين علي بعض و ان انا اللي مكبر الموضوع علي الفاضي :

مش معقول انت بتهزر !!!!! والا دي نكته والا بجد؟؟؟

[hugan]

وكيلها دمر فيات في مصر
بعد 40 سنه خدمه

[eng_ahesham]

انا بعت شكوي لفيات ايطاليا و تركيا و مجموعة فيات العالمية ..... واذا ماخدوش إجراء مع اوماترا انا هصعد اكتر من كده .... جوه و بره ....

[mandoza]

بجد ربنا يكون فى عونك
شكل المهندسين و العمال و هما كانو شغالين فىها كأنوهم أول مرة يشتغالوا ف الينا
و بكل بجاحة بيقولولك لسة بيتعلموا وبيكتشىفوا
و كمان مش عارف يحط زيت اد أية و عما يزود و يشوف المقياس


ربنا يعينك

ممنوع كتابة العربية بحروف اجنبيه
تم التعديل
مشرف ساحة الاوربي
أ2

[seaf_sawy]

هما قضوا على ماركه من اجمل الماركات وان لله وانا اليه راجعون والبقاء لله فى الفيات على ايد اوماترا المفروض ايطاليا تسحب التوكيل منهم ويشاركوا النصر للسيارات وترجع فيت تانى للشعب المصرى وبلاش صينى وكورى بقى

[ahmedsiyam]

للاسف توكيل اسوء من السوء فى كل حاجة

[7amza]

روحت انهارده صيانة الـ10,000 للينيا الـ1600 في جسر السويس والملاحظات كالاتي :
1-روحت الساعه 10 الصبح خلصت الساعة 5 وكل الوقت ده قدامي كانوا شغالين في العربية
2-قولتلهم مش عاوز اغير فلتر الهوا علي 10 قالولي لا لازم علشان ميدخلش تراب علي الصبابات و كده هيعمل مشكله ( و في الاخر مغيرهوش لانه مكانش موجود عندهم ) كانوا فاكرينه هو هو بتاع اللينيا التربو او الـ1400.
3-قالولي علي زيت السليسبيد لازم يتغير علي 10 قولتلهم حرام يا جماعه هو 10 دي تبقي العربيه لحقت تمشي قالي لا لازم علشان الفتيس ممكن يحصل فيه مشكله و ساعتها مش هيبقي لينا دعوه بيه لان الاوامر جيا كده من ايطاليا ... المفاجئه بقي ( البهوات من الساعه 12.30 الي الساعه 3.00 مش عارفين يوصلوا لمكان الزيت و 6 انفار منهم 2 مهندسين واقفين قادم العربية و يرفعوها و ينزلوها 4 مرات و في الاخر لاقو مكانه تحت المارش فمرضيوش يفكوه ..... والمهندس اللي هناك قالي معلش اصل احنا ليه بنستكشفها علشان هي اول مره تجيلنا ولسه ماخدناش تدريب عليها (( يعني بيبيعو عربيه من 6 شهور ومش عارفين بتتصاين ازاااااااااااااااااااااااي ... دي وكسسسسسه ..... والله ممكن يبوضظا العربيات )) و في الاخر بعد ساعتين و نص و عدم معرفه تغيير الزيت و بعد ما قالولي الصبح ( لازم يتغير علشان محيصلش مشكله في الفتيس و الاوامر جيا كده من ايطاليا ) قالي لا احنا كشفنا عليه لاقيناه كويس و مش محتاج يتغير ... الكدب واكلهم كلهم .
4- خراب البيت بقي لما فلتر الزيت للعربيه دي (موتور عاده مش تيربو ) يبقي بـ 190 جنيه ... واطلع للمهندس محمود مدير الورشه يقولي علشان اليورو و علشان الفلتر ده مش موجود غير عندنا و مش هتلاقيه في اي حته تانيه (( بيلوو دراعي )) وبيقولي هو ده السعر و مقدرش اتكلم فيه ابدا .
5- وخدين مصنيعة صيانة الـ10 .... 300 جنيه ... تغير زين و فلتر و شوية check بـ300 جنيه ..
6-مستلمين العربيه بتبرق من جوه ... مدينهالي زي الزفت و متوسخه و ايدهم معلمه علي التابلوه بالشحم و علي جسم العربيه من بره .... واقول للمهندسه الي القرف ده انتوا واخدين العربيه بتلمع .... تقولي معلش الصنيعيه بقي انا مليش دعوه .
ربنا ينتقم منهم دنيا و اخره وانا في طريقي لشكيهم في فيات ايطاليا و تركيا ..

لا حول ولا قوة الا بالله - الهمنا الصبر يا رب

مهزلة والله

والله يا احمد انا جربتهم قبل كدة وكنت بقول لكل الناس بلاش اوماترا

وعلشان عدم الافتراء كنت بقول للناس انزل واسأل على التوكيل بنفسك

العربيات تحف فنية ولكن للأسف الوكيل غير قادر على صيانة توك توك

[khaled_afandy]

روحت انهارده صيانة الـ10,000 للينيا الـ1600 في جسر السويس والملاحظات كالاتي :
1-روحت الساعه 10 الصبح خلصت الساعة 5 وكل الوقت ده قدامي كانوا شغالين في العربية
2-قولتلهم مش عاوز اغير فلتر الهوا علي 10 قالولي لا لازم علشان ميدخلش تراب علي الصبابات و كده هيعمل مشكله ( و في الاخر مغيرهوش لانه مكانش موجود عندهم ) كانوا فاكرينه هو هو بتاع اللينيا التربو او الـ1400.
3-قالولي علي زيت السليسبيد لازم يتغير علي 10 قولتلهم حرام يا جماعه هو 10 دي تبقي العربيه لحقت تمشي قالي لا لازم علشان الفتيس ممكن يحصل فيه مشكله و ساعتها مش هيبقي لينا دعوه بيه لان الاوامر جيا كده من ايطاليا ... المفاجئه بقي ( البهوات من الساعه 12.30 الي الساعه 3.00 مش عارفين يوصلوا لمكان الزيت و 6 انفار منهم 2 مهندسين واقفين قادم العربية و يرفعوها و ينزلوها 4 مرات و في الاخر لاقو مكانه تحت المارش فمرضيوش يفكوه ..... والمهندس اللي هناك قالي معلش اصل احنا ليه بنستكشفها علشان هي اول مره تجيلنا ولسه ماخدناش تدريب عليها (( يعني بيبيعو عربيه من 6 شهور ومش عارفين بتتصاين ازاااااااااااااااااااااااي ... دي وكسسسسسه ..... والله ممكن يبوضظا العربيات )) و في الاخر بعد ساعتين و نص و عدم معرفه تغيير الزيت و بعد ما قالولي الصبح ( لازم يتغير علشان محيصلش مشكله في الفتيس و الاوامر جيا كده من ايطاليا ) قالي لا احنا كشفنا عليه لاقيناه كويس و مش محتاج يتغير ... الكدب واكلهم كلهم .
4- خراب البيت بقي لما فلتر الزيت للعربيه دي (موتور عاده مش تيربو ) يبقي بـ 190 جنيه ... واطلع للمهندس محمود مدير الورشه يقولي علشان اليورو و علشان الفلتر ده مش موجود غير عندنا و مش هتلاقيه في اي حته تانيه (( بيلوو دراعي )) وبيقولي هو ده السعر و مقدرش اتكلم فيه ابدا .
5- وخدين مصنيعة صيانة الـ10 .... 300 جنيه ... تغير زين و فلتر و شوية check بـ300 جنيه ..
6-مستلمين العربيه بتبرق من جوه ... مدينهالي زي الزفت و متوسخه و ايدهم معلمه علي التابلوه بالشحم و علي جسم العربيه من بره .... واقول للمهندسه الي القرف ده انتوا واخدين العربيه بتلمع .... تقولي معلش الصنيعيه بقي انا مليش دعوه .
ربنا ينتقم منهم دنيا و اخره وانا في طريقي لشكيهم في فيات ايطاليا و تركيا ..

ألف شكر على هذا التقرير، ده أنا كنت فى حيرة من أمرى أشترى اللينيا و الا لأ لأنها أحسن سيارة فى النطاق السعرى ده، و كنت نازل أخلص فيها بكره بعد أن ألغيت الحجز يناير الماضى بعد زيادة السعر و رجعت قررت تانى إن هى دى السيارة المناسبة.

كده القرارأتحسم، ما فيش لينيا يا خسارة.... و الله زعلان جدا لأنها عربية هايلة هايلة...

[S O P H O S]

عربيات جميلة لكن توكيل مصمم يدمر سوقها

[bembodeniro]

يا جماعه بجد لازم وقفه مع العالم التعبانه دى ...... لازم رد فعل قوى شكاوى من كل الناس لايطاليا و لازم يكون عدد كبير لازم حد يضبط موضوع و نلم فيه اكبر عدد من البشر من صحاب فيات بكل موديلتها و كلنا فى توقيت واحد نبعت شكوى فى التوكيل الضايع ده بل و نطالب بتغيره