اصحاب 127 برجاء الدخول

[Esam Mosaad]

السلام عليكم

كنت عاوز اسئل عن كذا حاجه بعد اذن الناس
اولها هل العربيه ديه تستحمل مشاوير يعنى مثلا 80 كيلوا كل يوم

بالنسبه لمؤشر الحراره هل فيها ولا مجرد لمبه وامتى اعرف انها سخنت اوى
ايه افضل الموديلات يعنى لو حبيت يبقى من سنه كام
لانى اسمع عن التوب وعن الفيورا وعن النصر
واخبار الصيانه بتعتها ايه

يعنى كنت حابب اعرف تفاصيل

[abdo7000]

عربية حلوة وجامدة
يوجد موشر للحرارة
الصيانة سهلة
قطع غيار متوفرة ورخيصة
عربية حمالة اسية تستحمل 80 كيلو في اليوم بشرط تظبيط الميكانيكا والعفشة
الافضل فيورا موديل 1987 ودي كانت اخر انتاج لل 127
وبالتوفيق ان شاء الله

[Esam Mosaad]

وديه تعمل كام ؟
ولو 10الاف يجيبوا حاجه ولا مينفعش؟

وشكرا لحضرتك

[hugan]

افضل موديل السوبر فيور
الي بتحمل علامه سيات

[khallaf77]

سيارة جيدة
قطع غيارها رخيصة
ممكن تستحمل 80 كيلو
نصر 82 & 83
فيورا 84&85
سوبر فيورا 86& 87

[Esam Mosaad]

اشكركم
ولو ليه استفسار اخر ان شاء الله

هيا التوب افضل ولا الفيورا عموما ؟

[مواطن مصرى]

هى سيارة جيدة و لكن يعيبها ان حجمها صغير لو عدد كبير راكب و قطع غيارها رخيصة بالقياس للسيارات الجديده او حتى بموديلات تانى من فيات القديم زى الريجاتا و الـ 131

ممكن تستحمل 80 كيلو و 100 كيلو كمان بشرط الاهتمام بالصيانة الدورية

الـ 127 طبعا فيها عداد حراه و مفيهاش مشكله السخونه الجامده زى الـ 128 او اللادا

افضل موديلاتها : التوب الايطالى 950 سى سى موديلات السبعينيات بشرط الحالة الجيدة
سوبر فيورا موديل 68 و 87

[Esam Mosaad]

شكرا لحضرتك وربنا يباركلك والله انا مستغرب
تكون حجاه زى التوب وموديل سبعينات وبسمع ناس بتشكر فيها جدا

[bobakr]

حضرتك راصد ليها 10000 وفي موضوع تاني طالبها سوبر فيورا مش رشه دواخل ورقم كارتيرة ......................... كدا لازم تعدي الـ10000 جنيه

[S O P H O S]

الميزانية يفضل تكون من 13 او 14 الف
علشان تختار الموديل الي تحبه وحاجة نظيفة

[Esam Mosaad]

والله يا جماعه ده كلوا مفهوم
بس للاسف الناس بتقول اسعار معديه الخيال بشويه
لدرجه انهم بيخافوا يقولك اسعار فى التيلفون لحسن اقل ادبى
وبحس ان الى معلى جامد بيقول السعر فى سره لازم اقعد اقوله ايه ايه ايه

اكنهم بيعملوا حاجه غلط

ربنا يسهل