النقلات عندي الاول بيعلق عربية 127

[ashraf_sms]

السلام عليكم ورحمة الله وبركاته
معلش انا اسئلتي كتير بس حاجة غريبة حصلت معايا انهردة ف العربية 127 فيات موديل 82
الاولاني مش بيجي بسرعة وبيعلق كتير لازم انقل كذا مرة عشان يجي
هي بقيت النقلات تمام المشكلة ف الاولاني بس مبيجيش بسرعة
ياريت لو حد يعرف ايه الحكاية ديه يقول لاني بجد مش عارف ولسة جايب العربية جديد
ولسة مخدتش عليها ف موضوع العطلان ده

[ashraf_sms]

ايه ياشباب محدش يعرف المشكلة ديه من ايه ولا ايه معلش تعبكو معايا والله

[aw2100]

ممكن تكون معلقة الفتيس عندك فيها مشكلة عاوزة تتغير او تتربط او يكون زيت الفتيس وحش محتاج يتغير او ناقص عاوز يتزود !!!

[ashraf_sms]

ممكن تكون معلقة الفتيس عندك فيها مشكلة عاوزة تتغير او تتربط او يكون زيت الفتيس وحش محتاج يتغير او ناقص عاوز يتزود !!!

ربنا يعزك ياباشا والله انا روحت امبارح وزودت الزيت شوية فعلا كان ناقص بس الفتيس عايز يتربط عشان بيتهز جامد وشكرا مرة تانية ياباشا

[aliyehia]

بص يا سيدى الفاضل
فتيس ال127 العادى بتاعه انه سايب و تلاقيه بيتحرك يمين و شمال حتى و انت مدى الغيارعلى عكس العربيات الحديثه تلاقى العصايه ماسكه نفسها و مشوارها للغيار محدد و قصير
عامه موضوع الغيار الى بيعصلج معاك ( بيسموه فيه عضه ) حله بسيط قوى
العصايه ليها رجلاش من تحت العربيه مسئول عن تعشيق الغيار في مكانه
لو الرجلاش مش مضبوط ممكن تحصل العضه في اى غيار
عليك و اى ميكانيكى شاطر ينزل تحت العربيه و انت جواها تحرك النقلات و هو يظبط الرجلاش لغايه النتيجه المطلوبه
و الله الموفق

[ashraf_sms]

كلامك سليم هو ده اللي انا عملته بظبط واحد ميكانيكي نزل تحت العربية وظبطها الحمد لله تسلم ياباشا علي المعلومة الجميلة ديه وردك المحترم

[aliyehia]

لا شكر على واجب
و زى ما حضرتك استفدت من مشاركتى انا ياما استفدت من مشاركات اخوة من المنتدى
و بكدة نكون حققنا احد اهم اهداف المنتدى
و لك التحيه

[Esam Mosaad]

شكرا استاذ يحى والله الواحد بيكتسب كتير من حضرتك
وكنت عاوز اسئل سؤال لصحاب الموضوع
اخبار العربيه معاك ايه