حد يعرف حاجة عن العربيه دى

[ToughAzad]

يا جماعة الى يعرف اى حاجة عن العربية دى Fiat Coupe موديل 2008 يا ريت يقولى اى حاجة
سواء جربها بنفسه او سمع عنها ....
و ياريت اى اخبار عن قطع غيارها و صيانتها ....

و السلام ختام

[amr 2]

من قال لا اعرف فقد افتى . وانا مفتى كبير قوى . لكن حضرتك ممكن تجمع معلومات من النت عنها . وانا معلوماتى المتواضعه ان فى منها سعتين 1800 cc ( ودى بتكون 16 صباب ) و 2000 cc ودى بقا فى منها 16 او 20 صباب . وكلا الفئتين ممكن بوجود تيربو او بدون . وخلى باللك فى منها كمان موديلات سعه 2000 بس 5 اسطوانات .شكلها جميل فعلا لكن محتاجه تفكير كويس .

السيارة لو حضرتك بتفكر تشتريها نصيحتى بلاش للاسباب دى : قطع الغيار وخاصه مع عدم انتشار السيارة فى مصر ( مثلا يعنى خبطه كدة فى الفانوس ويبقى عربيه بعين واحدة وتدوخ على ماتعرف تجيب فانوس ) . وتانى سبب الاصلاح والصيانه وخاصه فى ظل توكيل الناس بتشتكى منه . وثالث سبب انها اكيد محتاجه لاصلاح ( يعنى عربيه رياضيه و بقالها 5 سنوات و خمسات وتمانيات وامريكانى وكدة ما تضمنش ومش هتعرف تقيم حالتها بالضبط فاهمنى ؟ ) . رابع سبب انها فى البيع هتبقى تقيله شويه يعنى زبونها شاحح لانه هيفكر فى نفس الاسباب اللى ذكرت من قبل .
وانت ادرى بحالتها لكن دايما دور على الفرصه البديله يعنى بنفس تمنها ممكن تشترى ايه وتظبطها ازاى و تتلافى العيبوب بقدر الامكان .

[ToughAzad]

من قال لا اعرف فقد افتى . وانا مفتى كبير قوى . لكن حضرتك ممكن تجمع معلومات من النت عنها . وانا معلوماتى المتواضعه ان فى منها سعتين 1800 cc ( ودى بتكون 16 صباب ) و 2000 cc ودى بقا فى منها 16 او 20 صباب . وكلا الفئتين ممكن بوجود تيربو او بدون . وخلى باللك فى منها كمان موديلات سعه 2000 بس 5 اسطوانات .شكلها جميل فعلا لكن محتاجه تفكير كويس .

السيارة لو حضرتك بتفكر تشتريها نصيحتى بلاش للاسباب دى : قطع الغيار وخاصه مع عدم انتشار السيارة فى مصر ( مثلا يعنى خبطه كدة فى الفانوس ويبقى عربيه بعين واحدة وتدوخ على ماتعرف تجيب فانوس ) . وتانى سبب الاصلاح والصيانه وخاصه فى ظل توكيل الناس بتشتكى منه . وثالث سبب انها اكيد محتاجه لاصلاح ( يعنى عربيه رياضيه و بقالها 5 سنوات و خمسات وتمانيات وامريكانى وكدة ما تضمنش ومش هتعرف تقيم حالتها بالضبط فاهمنى ؟ ) . رابع سبب انها فى البيع هتبقى تقيله شويه يعنى زبونها شاحح لانه هيفكر فى نفس الاسباب اللى ذكرت من قبل .
وانت ادرى بحالتها لكن دايما دور على الفرصه البديله يعنى بنفس تمنها ممكن تشترى ايه وتظبطها ازاى و تتلافى العيبوب بقدر الامكان .

الف شكر يا باشا ع ردك و كلام معقول ميه الميه