اونو 2006 عايز اركبلها تكييف و ازاز كهرباء

[MoToRiZeR]

مساء الخير يا جماعة

عربية عمتي اونو 2006 جايباها من غير تكييف و من غير إزاز كهرباء
عايز أعرف يتركبوا كل حاجة بكام و الأنواع و بلد المنشأ هتبقي إيه خاصة التكييف .. و هل التكييف اللي بيبقي متركب مش فابريكة العربية بيبقي اداؤه كويس؟

و هل اما بيشتغل بيموت الموتور (علي أساس أنه متركب و مش معمول حسابه في التصميم بتاع الموتور) ؟

و لو حد يعرف حد معرفة أركب عنده يبقي تمام جداَ
شكراَ مقدماَ

[Nader]

التكييف ساندن ياباني التوكيل بجسر السويس.

ماكينات الزجاج الكهربائية اشتريها استيراد ياباني

من الحرفيين تعمل في حدود 500 جنية للاثنين بالتركيب.

[MoToRiZeR]

شكرا نادر باشا علي الرد .. متعرفش التكييف يعمل كام تقريباَ ؟

[hazem_khidr]

زي ما نادر قال
لكن مهما كان التكييف متركب مضبوط عمره ما حيبقي زي تكييف الفابريكا
اسأل في التوكيل عليه برضه
العربيه اللي معاك متهيالي الفاير 1300 صح؟؟
التكييف مش حيأثر جامد علي الاداء ما تخافش.
برضه بالنسبه للزجاج الكهربائي افضل شراؤه من التوكيل او استعمال اونو
و لا افضل توفيق مكن من سياره اخري

[MoToRiZeR]

شكرا حازم باشا .. تمام هي فاير 1300
متعرفش التكييف يعمل كام تقريبا؟

[CryptonX]

شكرا حازم باشا .. تمام هي فاير 1300
متعرفش التكييف يعمل كام تقريبا؟

بلاش تسال في التوكيل علشان متخضش :)

" زرار " الزجاج الكهرباء ( الزرار بس :) بالجزة السفلي بتاعه ) ب 110 جنيه :)

الماكينة كلها تقريبا ب 350 - 400 جنيه للماكنة الواحدة الاصلية .

التكييف معرفش !


بس انت فتحت سؤال مهم !

انا عندي زجاج كهرباء امامي بس ... هل ممكن اعمل الي وراء كهرباء برده ؟؟ و ححط الزارير فين يا ترى ؟

[MoToRiZeR]

ايه الأسعار الحلوة دي :) لأ خلينا برة أحسن

أعتقد ممكن تعملها يا كريم انا واحد صاحبي كان جايب فيرنا فاضية و ركب فيها مكن ازاز كهربا و الزراير الكهربائي عملهاله في التابلوه تحت الكاسيت و حطله جلدة مدورة في مكان الدراعات بتاعة فتح الازاز بلون فرش الابواب

الشكل العام في الباب و التابلوه : بشع !

[hazem_khidr]

وتعمل ورا ليه يا كريم
هو انت بتركب ورا:)
سيب اللي يركب ورا ينزل و يطلع الزجاج
بس اوعي تسيب حد ينزل من العربيه غير و هو قافل الزجاج
لحسن فيه ناس بتستعبط بتركب معايا و يفتحوا الزجاج و يسيبوه و ينزلوا
لدرجه اني في فتره شيلت اكر الزجاج الخلفيه و حطيتها في جراب الكرسي علشان محدش يركب و يفتحه
العزيز عليا بس كنت اعرفه مكان الاكره و اقوله قبل ما تنزل اقفل زجاجك:)

[Nader]

التكيف لو كامل بكل حاجة هيعمل في حدود 2000 جنية

انا مش متأكد أصلة بيكون على حسب الكومبريسور اللي هيركب

هو دة اللي بيفرق في السعر.




اما بالنسبة للزجاج الخلفي يا كريم والمنظر فممكن تشتري الفرش اللي بينزل

مع الموديل اللي فية زجاج كهربائي خلفي "الكامل يعني".... هتجيبة استيراد طبعا:)

[CryptonX]

[quote=MoToRiZeR;379791
الشكل العام في الباب و التابلوه : بشع ![/quote]

لا يبقى ملهاش لازمة :)

وتعمل ورا ليه يا كريم
هو انت بتركب ورا:)
سيب اللي يركب ورا ينزل و يطلع الزجاج
بس اوعي تسيب حد ينزل من العربيه غير و هو قافل الزجاج
لحسن فيه ناس بتستعبط بتركب معايا و يفتحوا الزجاج و يسيبوه و ينزلوا
لدرجه اني في فتره شيلت اكر الزجاج الخلفيه و حطيتها في جراب الكرسي علشان محدش يركب و يفتحه
العزيز عليا بس كنت اعرفه مكان الاكره و اقوله قبل ما تنزل اقفل زجاجك:)

بس اصلي انا جبت نمر جديدة ملاكي يا حازم :) لو عملت الي بتقول عليه ده حضطر انزل اجيب نمر اجرة
lol :)

ا

اما بالنسبة للزجاج الخلفي يا كريم والمنظر فممكن تشتري الفرش اللي بينزل

مع الموديل اللي فية زجاج كهربائي خلفي "الكامل يعني".... هتجيبة استيراد طبعا:)

استيراد ؟ عربيتي ؟ يـــــــــــــــــــــا ريــــــــــــــــــــــــــــــــت

تشتري يا نادر ؟ :)

[hazem_khidr]

لا يبقى ملهاش لازمة :)


اقتباس:
أرسل أصلا بواسطة hazem_khidr
وتعمل ورا ليه يا كريم
هو انت بتركب ورا:)
سيب اللي يركب ورا ينزل و يطلع الزجاج
بس اوعي تسيب حد ينزل من العربيه غير و هو قافل الزجاج
لحسن فيه ناس بتستعبط بتركب معايا و يفتحوا الزجاج و يسيبوه و ينزلوا
لدرجه اني في فتره شيلت اكر الزجاج الخلفيه و حطيتها في جراب الكرسي علشان محدش يركب و يفتحه
العزيز عليا بس كنت اعرفه مكان الاكره و اقوله قبل ما تنزل اقفل زجاجك:)

بس اصلي انا جبت نمر جديدة ملاكي يا حازم :) لو عملت الي بتقول عليه ده حضطر انزل اجيب نمر اجرة
lol :)

هاهاهاههاهاهاها
كل اللي يركب ورا عندي يقولي هو انت كنت سواق تاكسي قبل ما تركب الملاكي
هههههههههههههههه
بس بيني و بينك راحه دماغ علشان فيه ناس مستهتره بتركب و تسيبه

[Nader]

استيراد ؟ عربيتي ؟ يـــــــــــــــــــــا ريــــــــــــــــــــــــــــــــت

تشتري يا نادر ؟ :)

اية دة! معقول لسة منزلش لها قطع غيار استيراد في السوق!

لا يا عم يفتح الله انا عندي الاونو 45 اجدع:)

[karimalaa]

حرام عليك يا كيمو بقى ديه عربية عايز تتصرف فيها :( !!!!