جراند بونتو

[الجنرال]

السلام عليكم

امبارح شفت العربية الجراند بونتو .. بصراحة عاجباني وعاجبني الاوبشن بتاعها .. لكن الصراحة انا معرفش اى حاجة عنها ولا عن الصيانة

الحقيقة شفت المواضيع اللى كانت موجودة عن العربية لكن للاسف مش عارف افهم منها حاجة بسبب الخناقات اللى فى الموضوع

اسئلتي هي:

1- انا خايف من الفتيس بتاعها الصراحة لاني اول مرة اشوفه دوالوجيك
2- العربية 77 حصان .. لكن البياع بيقولي انها بتجيب 77 عند 3000 لفة (وانا فى الريو كنت بجيب ال3000 لفة دي عند 130 تقريبا) .. فهل ده كده كويس ولا ايه؟؟
انا اللى يهمنى فى الموتور انه يبقى قوي ويستحمل الجري وميفتحش بؤه بقطع غيار الا بعد 5 سنين مثلا
3- قطع الغيار بقه ... موفرة؟؟ اسعارها كويسة؟؟
4- التوكيل سامع انه سيئ جدا .. لكن توافر مراكز الصيانة بيغني عن التوكيل


ياريت الاجابات تبقى موجزة وبسيطة علشان افهمها :) شكرا

[الجنرال]

بالمناسبة .. انا كان معايا الكيا الريو .. حاليا انا مستنى العربية سيتروين اليزيه هستلمها قريبا ان شاء الله .. لكن برضه مش قرار نهائي لو لقيت الفيات دي احسن وشكرا

[mohamed1]

سيبت الريو لية

[S O P H O S]

حضرتك هتجيب الفيات بدل الريو ؟

[aliabdo]

كل الى جرب العربيه قال ان سحبها جيد جدا و ثبات ممتاز و تصميم داخلى و خارجى رائع
ان شاء الله انا نازل احجز واحده منيول النهارده عند الطارق المفروض السعر102

[الجنرال]

الريو حلوة وكل حاجة .. بس زبالة فى العفشة بتاعتها .. بالاضافة الى انها كانت فاضية مفيش فيها اوبشن يعنى

واللى خلاني ابيعها برضه موضوع السرقة السهلة لعربيات الكيا والهيونداي عموما .. فمش مستاهلة بصراحة

[aliabdo]

توكيل على الله فى الجراند بونتو انا استلمتها امبارح عربيه محترمه جداا و ابوشن كتير