عندى شوية مشاكل فى الشاهين

[kemohits]

السلام عليكم

عندى شوية مشاكل فى الشاهين كده عايز اخد رأيكو فيها

1- فى صوت تطبيل فى العفشة من تحت مش عارف ايه ده

2- صوت من البرياج عالى اوى زى صوت البلية كده بيبقى عالى اوى على السرعات العالية ( مع العلم انى مغير طقم دبرياج كامل قريب)

3- لما بجيب مارشيدير الفتيس بينطر على المور لوحده دى غوايش ولا ايه ؟

4- عايز اعرف فين مكان سلك الدبرياج

5- عداد السرعة بايظ

6- لما بسيب الدريكسيون خالص العربية بتحدف يمين لوحددها

[Elawany13]

3- لما بجيب مارشيدير الفتيس بينطر على المور لوحده دى غوايش ولا ايه ؟

بالنسبة رقم 3
ممكن تكون غوايش فعلاً وممكن تكون حاجه بسيطة
حصلت عندى من شهر كده
رغ ان الفتيس كان حالته بسم الله ماشاء الله ممتازة جدا مفيش اى عضة أو زعيق أو اى حاجه
فجأة بقت بتنطر على التانى فقط
وكانت بتحدث على فترات متباعده مش على طول
بس فى الفترة الأخيرة بقت بتتكر كتير لو ماشى على طريق ترابى مكسر
روحت للميكانيكى وكلى رعب ان الفتيس يكون باظ ولا حاجه
طلعت مشكلة هايفة قوى
صامولة من تحت العربية
اسمها صامولة البينيول على ما اتذكر اتربطت والفتيس رجع زى الفل

[romieh]

السلام عليكم

عندى شوية مشاكل فى الشاهين كده عايز اخد رأيكو فيها

1- فى صوت تطبيل فى العفشة من تحت مش عارف ايه ده

روح لعفشجى وقوله يربطلك على العفشة يمكن يكون فيه حاجة مفكوكة

2- صوت من البرياج عالى اوى زى صوت البلية كده بيبقى عالى اوى على السرعات العالية ( مع العلم انى مغير طقم دبرياج كامل قريب)

فعلا ممكن تكون من البلية لأن فيه قطع غيار كتيرة فى السوق مضروبة

3- لما بجيب مارشيدير الفتيس بينطر على المور لوحده دى غوايش ولا ايه ؟

اخى علوانى رد عليك فى النقطة دى باستفاضة

4- عايز اعرف فين مكان سلك الدبرياج

سلك الدبرياج رابط مابين دواسة الدبرياج وطالع من الكابينة على الحوض ثم مربوط فى الدبرياج

5- عداد السرعة بايظ

هتلاقى كابل اسرعة سايب، شوف بتاع عدادات يعملهولك لأن الموضوع بسيط

6- لما بسيب الدريكسيون خالص العربية بتحدف يمين لوحددها

أظبط زوايا واتأكد من ضغط هواء الكاوتش

الرد فى الاقتباس

[kemohits]

شكرا يا رجالة ربنا يكرمكو