تقرير استلام جراند بونتو منيول

[aliabdo]

السلام عليكم
امبارح الساعه 5 و نص استلمت جراند بونتو منيول من عند الطارق فى كرفور
السعر 102.500 بعد العراك كمان كام الاتفاق على 102و بعديها مش حينفع و حوارات قلت له خد وصل الحجز بتاعك و ادينى العربون مش عايز عربيات المهم وصلت 102500 قلت بلاش ابوظ الموضوع على 500 جنيه
بصراحه مكنتش اتوقع بالى حالى من الاحوالى انى ممكن استلم امبارح عشان انا كنت حشترى رينو من كونتاكت شهر 11 الى فات و العربيه اتاخرت ففكست للوضوع و عرفت ان الموفقه بتاعتى تخلص يوم 8 الى جاى قلت استغل الفرصه و اقضى الاجازه بالعربيه الجديده بس طلع فى شويه ورقيات كافلين انهم ينسفو الموضوع بس الحمد لله الراجل الى كان معاى من الطارق ظبط كل حاجه زى ما انا عايز
نيجى بقى للعروسه
العربيه صناعه ايطالى زى ما مكتوب عليها
الكوتش ميشلان الامانى انرجى سيفر مقاس 15 طاسات شكلها حلو برضو عمله زى بتاعت البونتو الكلاسيك
من بره مفيش اى فرق تقريبا بينها و بين المنيول
الفرق الملحوظ من الداخل الطابلوه نسخه طبق الاصل من صالون الينيا يزيد فى اللينيا ايموشن ان التكيف تطش و فى مكان صغير كده فوق الكاسيت غير كده الشكل العامل تقريبا نسخه من بعض
الدريكسيون مالتى فانكشن بس مش بيتعدل ارتفاعه
العدادات شكلها شيك و صغيروه كده و عليها اطار كروم
كرسى السواق غير قابل لتعديل الارتفاع
مفيش مساند راس ورا و مساند الراس قدام مش مريحه الصراحه و مش بيتعدل ارتفاعها
دواست الدبرياج عاليه بشكل ملحوظ يا جدعان و هيدروليك
الفرامك زى الفل
الكراسى خامتها و تصميمها حلو


تجربه السواقه بقى
انا اخدت العربيه ماشيه 7 ك و لمبه البنزين منوره بس قعدت بتاع ساعه استلم فيها و اراجع و اقارن بالى وقفه فى الصاله انا مرضيتش اخد الى واقفه فى العرض و طلبت واحده من المخزن بترابها مش عشان حاجه بس انا مش عايز يكون حد قعد فيها غير السواق الى نقلها و انا
المهم انا يا اخوان لسه معاى الفورد اسكورت مبعتها و لسه رجلى متعوده عليها ان العربيه حتشمى لما تسمع صوت ربع دوسه من بتاعت الفورد لقيت الاربى ام عدى ال 3قلت ابوا هدى اللعب شويه كده و ابتديت احس العربيه بس لسه للاسف مش ماخدش على الدبرياج عشان بصراحه عالى
الفتيس حلو و نقالاته كويسه
الاضائه الخارجيه قويه بس فى حاجات كتير مش فاهم منها حاجه
الاضائه الداخيلها شيك و شكلها حلو
لو مربطش حزام الامان مقدامكش حل غير انك تنزل و تسيب العربيه للعربيه يتصرفو مع بعض عشان حتتدوش
رحت ظبت الكوتش على عداد ديجيتال و فولت 92 الكوتش كلها كان 41 و مع ذالك كنت حاسس ان العربيه نعمه و طريه فى المطابات قوى
انا ركنت فى جراج عشان لسه معلق تجاريه و ان شاء الله اول ما المرور يفتح اروح ارخص و اكون صورت لكم العربيه و نكمل باقى التقرير
ادعو لى بالتسير و التوفيق

[mohammadrashee]

الف مبروك

[svneleven]

1000 مبروك و عايزين تجرب الايطالي و تقولنا ايه الأخبارز متعة طبعا ان شاء الله.

[BESO516]

الف مبروك
ربنا يباركلك فيها ومستنيين الصور

[aliabdo]

ان شاء الله اصورها النهارده عشان امبارح كن يوم طويل و مرهق و عبال ما وصلت البيت كانت الدنيا ضلمت

[totosaga]

السلام عليكم
امبارح الساعه 5 و نص استلمت جراند بونتو منيول من عند الطارق فى كرفور
السعر 102.500 بعد العراك كمان كام الاتفاق على 102و بعديها مش حينفع و حوارات قلت له خد وصل الحجز بتاعك و ادينى العربون مش عايز عربيات المهم وصلت 102500 قلت بلاش ابوظ الموضوع على 500 جنيه
بصراحه مكنتش اتوقع بالى حالى من الاحوالى انى ممكن استلم امبارح عشان انا كنت حشترى رينو من كونتاكت شهر 11 الى فات و العربيه اتاخرت ففكست للوضوع و عرفت ان الموفقه بتاعتى تخلص يوم 8 الى جاى قلت استغل الفرصه و اقضى الاجازه بالعربيه الجديده بس طلع فى شويه ورقيات كافلين انهم ينسفو الموضوع بس الحمد لله الراجل الى كان معاى من الطارق ظبط كل حاجه زى ما انا عايز
نيجى بقى للعروسه :copy of makeup:
العربيه صناعه ايطالى زى ما مكتوب عليها
الكوتش ميشلان الامانى انرجى سيفر مقاس 15 طاسات شكلها حلو برضو عمله زى بتاعت البونتو الكلاسيك
من بره مفيش اى فرق تقريبا بينها و بين المنيول
الفرق الملحوظ من الداخل الطابلوه نسخه طبق الاصل من صالون الينيا يزيد فى اللينيا ايموشن ان التكيف تطش و فى مكان صغير كده فوق الكاسيت غير كده الشكل العامل تقريبا نسخه من بعض
الدريكسيون مالتى فانكشن بس مش بيتعدل ارتفاعه
العدادات شكلها شيك و صغيروه كده و عليها اطار كروم
كرسى السواق غير قابل لتعديل الارتفاع
مفيش مساند راس ورا و مساند الراس قدام مش مريحه الصراحه و مش بيتعدل ارتفاعها
دواست الدبرياج عاليه بشكل ملحوظ يا جدعان و هيدروليك
الفرامك زى الفل
الكراسى خامتها و تصميمها حلو


تجربه السواقه بقى
انا اخدت العربيه ماشيه 7 ك و لمبه البنزين منوره بس قعدت بتاع ساعه استلم فيها و اراجع و اقارن بالى وقفه فى الصاله انا مرضيتش اخد الى واقفه فى العرض و طلبت واحده من المخزن بترابها مش عشان حاجه بس انا مش عايز يكون حد قعد فيها غير السواق الى نقلها و انا
المهم انا يا اخوان لسه معاى الفورد اسكورت مبعتها و لسه رجلى متعوده عليها ان العربيه حتشمى لما تسمع صوت ربع دوسه من بتاعت الفورد لقيت الاربى ام عدى ال 3قلت ابوا هدى اللعب شويه كده و ابتديت احس العربيه بس لسه للاسف مش ماخدش على الدبرياج عشان بصراحه عالى
الفتيس حلو و نقالاته كويسه
الاضائه الخارجيه قويه بس فى حاجات كتير مش فاهم منها حاجه
الاضائه الداخيلها شيك و شكلها حلو
لو مربطش حزام الامان مقدامكش حل غير انك تنزل و تسيب العربيه للعربيه يتصرفو مع بعض عشان حتتدوش
رحت ظبت الكوتش على عداد ديجيتال و فولت 92 الكوتش كلها كان 41 و مع ذالك كنت حاسس ان العربيه نعمه و طريه فى المطابات قوى
انا ركنت فى جراج عشان لسه معلق تجاريه و ان شاء الله اول ما المرور يفتح اروح ارخص و اكون صورت لكم العربيه و نكمل باقى التقرير
ادعو لى بالتسير و التوفيق

الف مبروك يا باشا وربنا يكفيك شرها.

انشاء الله ناوي احصللك بس في الاوتوماتيك والراجل اللي في الطارق كان قايللي انها ب١١٩٠٠٠ يا ليت ماتكونش زادت . هو انا عاوز احجزها النهاردة بس استلملها بعد ١٠ ايام باذن الله.

[Ahmed Nasser]

الف مبروك وربنا يكفيك شرها وشر الطريق ويطعمك خيرها وخير الطريق

[aliabdo]

ان شاء الله مفيش زياده فى الاسعار عند الطارق خصوصا فى الفيات و حاول تفاصل كويس و اقفش عليهم فى السعر و كده و حيدوك سعر كويس ان شاء الله

[hugan]

1000مبروك
في انتظار الصور

[S O P H O S]

مبروك
وفي انتظار تقيمك للماتور والتكيف وخلافه ان شاء الله

[aliabdo]

لما تيجي رليح الطارق قلي حبعتك لواحد محتروم قوي هناك و خدمني في كذا حاجه

[holt_ZA]

لو كان التقرير مصور يبقي احسن و يستحق التثبيت

[holt_ZA]

+11111111111

[holt_ZA]

لو كان التقرير مصور يبقي احسن و يستحق التثبيت

[aliabdo]

ان شاء الله و الله حصور كل حته فيها بس للاسف لسه الافراج مجاش و انا حاشرها فى جراج فصعب اساسا انى اعرف اشيل الغطاء من عليها ان شاء الله اول ما ارخص ليكو عندي 20صوره