ارجو المساعده ( لملاك الجراند بونتو )

[haithambob]

السلام عليكم .. :)
ياجماعة انا معايا بيجو 207 وبعتها للاسف علشان قطع غيارها ناااااااااااار يا حبيبي نااااااااار بجد مش هزار .. المهم انا عايز اجيب جراند بونتو ومش عارف اية الفرق بين موديلاتها 2009 و ال 2010 يعني الشكل الجديد والقديم مع العلم الاوتوماتيك مش مانيوال طبعا لو حد يعرف لما اكشف علي عربية اسئل علي اية هو اهم عطل ممكن يكون موجود في العربية .. يارييت الرد في اسرع وقت
والسلام عليكم ورحمة الله ..

[Ahmed Amin]

وهيا جراند بونتر قطع غيارها رخيصة مقارنة بالبيجو 207 ؟
ياريت تديني لستة الأسعار اللي انت قارنت بيها ما بين العربيتين عشان أخد فكرة

[haithambob]

شوف ياباشا انا الي عرفتو ان بجد بجد ال 207 غير العربيات البيجو التانية و قطع غيارها اغلي من الجراند والله بكتيييييييير ..

[aliabdo]

فى موضوع انا كاتبه عن اسعار الصيانات شمله المصناعيه و الخامات
و فى الاخر دى قطع غيار فيات يعنى عمرها ابدا ما حتكون اغلى من البيجو
انا اشتريت حاجه واحده بس من التوكيل اريال العربيه اتسرق و جبته ب 170 جنيه بالضريبه صنع فى ايطاليا

[aliabdo]

اكشف على العربيه فى التوكيل بس فكك من اى مكان تانى حتدفع بس حتبقى مطمن
و اتفق مع صاحب العربيه ان لو فى حاجه حتتفاوض تانى فى السعر او يشيل هو تمن الفحص لو مش موافق لو طلع فى العربيه حاجه