لمبة الدريكسيون بتنور

[mamdouhelsayd]

السلام عليكم أنا معايا بونتو كلاسيك 2004كنت عايز أعرف من أهل الخبرة ....أنا لمبة الدريكسيون بتنور أحمر والدريكسيون بيحجر معايا ولما أركن وأطفى العربية وبعدين أرجع أدور تانى كل شيئ بيرجع طبيعى خالص والموضوع ده بيحصل على فترات متباعدة وعلى فكرة الإسكترا مفيهاش أى صوت ولا مزعلانى خالص فى أى شئ (العربية مريحانى جدا فى كل حاجة تانية)ودى ملحوظة .
وأتمنى الرد السريع من أهل الخبرة وشكرا ليكم.

[aliabdo]

شوف زيت البور

[mamdouhelsayd]

البور بتاعها كهرباء مش زيت

[م.محمد علاء]

البور بتاعها كهرباء مش زيت

يعني ايه؟و ايه الفرق بين الطلمبه اللي كهرباء..واللي بتشتغل على سير؟!!
الطلمبه كهرباء..
مش على سير..
يعني هي في النهايه طلمبه..و ليها مخزن زيت!!
و غالبا الزيت عندك يا ناقص..يا اما فيه مشكله في موتور الطلمبه

[م.محمد علاء]

متأسف..
انا خلطت بين موتور الطلمبه في النقل التقيل..
و الطلمبه اللي راكبلها سير..

[mamdouhelsayd]

ياريت حد يفهمنى أكتر ياجماعة لأنى مش فاهم والموضوع ده قلقنى جدا

[graffittiii]

بص ياباشا كان في مشكلة زي كده علي المنتدي من فترة

وكان من أقتراحات الحلول إنك تفك الكابلات بتاعة البطارية الإتنين عشان تعمل ريست للكنترول وبعدين تركبهم تاني .

هي العربية عندك فيها سيتي باور ؟

عامة هدورلك علي المشاركة القديمة بس المشكلة مش فاكر العنوان كان إيه عشان كده مش عارف ألاقيها .
.

[mamdouhelsayd]

أولا انا متشكر جدا على تعبك معايا .....أيوة العربية فيها سيتى باور وعلى فكرة أنا لسة شارى ليها بطارية جافة جديدةمن شهر تقريباً وكانت برضه بتعمل نفس الموضوع قبل تغيير البطارية .....بس برضه أنا حاجرب اللى إنتى قولتلى عليه وحاعملها ريستارت علشان نتأكد ..........بس أنا عايز أعرف العيب ده بعيد عن الإسكترا ولا إيه؟

[graffittiii]

لاياباشا ملوش دعوة بـ الإسكترا خالص ...
والدليل إنك لما بتبطل وتدور المشكلة بتروح يعني مشكلة في الباور حتما لان الباور عندك كهربا مش زيت .

المشاركة القديمة ده الرابط بتاعها :

http://www.nilemotors.net/Nile/326740-a-2.html

وأنا عن نفسي متفق مع مشاركتين للزميل Charming والزميل Meo86 أكتر من باقي المشاركات :

المشكلة هتكون فى كنترول الباور لان البونتو ليها اثنين كنترول واحد للعربية ومكانة تحت البوابة وواحد للباور ودة مكانة تحت قطمة الدركسيون روح الوكالة واسأل على كنترول بور بونتو شمال

مشكلتك حصلت معايا زمان و حلها كان سهل , ان شاء الله ينفع معاك
فك كابلات البطارية الاتنين, ماتلمسهمش مع بعض لأن الموضوع دة هيقلل عمرها جامد , نظفهم من الشحم و اتأكد انك ركبتهم و مثبتهم كويس
بس كدة!

وإن شاء الله تكون بسيطة وتطمنا عملت إيه .
.

[kaboali]

أتاكد ان المشكلة كنترول الباور بالكشف بالجهاز عند كهربائي كويس لو المشكله فيه انا عندي واحد شغال كويس مستغني عنه

[haany_ghazy]

الاخ كابولى
انا محتاج الكنترول داة وانا عايز اشترى من حضرتك ياريت لو حضرتك تدينى رقم تليفونك على e-mail
haany@aast.edu

[ابو مالك]

السلام عليكم
انا كان عندي المشكلة دي واتصلت بالتوكيل وقالي ان الموتور بتاع الباور اتحرق . طبعا اتصدمت فسالته عن سعره قاللي 7500 جنية . رحت نازل علي الحرفيين ولفيت علي واحد استيراد . اشتريت حوالي 7 مواتير كل ما اجرب واحد يطلع مش شغال لحد ما رحت لواحد فاهم شوية قاللي لازم تشتري الموتور والكنترول مع بعض . حسيت انه بيفهم رحت شاري الاتنين مع بعض استيراد ب 1000 جنية. وركبتهم واشتغلت تمام بس الطامة اني بعد 6 شهور اتكررت معايا المشكلة دي قلت والله لنا بايع العربية دي بس الحمد لله ربقنا وفقني لواحد بص علي الكنترول والموتور وقاللي انه يعرف يصلح الموتور ويرجعه احسن من الاول . وفعلا والله صلح الموتور والحمد لله بقاله حوالي 6 شهور شغال زي الفل
لو حد عايز رقم الراجل انا ممكن اجيبه بس هو تقريبا بيصلحه بحوالي 300 جنية وشكرا وربنا يوفقك

[haany_ghazy]

الى الاخ ابو مالك ارجو من حضرتك تبعتلى رقم تليفونة وعنوانة وياريت بالتفصيل علشان انا من اسكندرية
haany@aast.edu

[ابو مالك]

المشكلة دي حصلت معايا مرتين وكلمت التوكيل قاللي الموتور اتحرق ولو عايز اغيره ب7500 جنية ّشفت واحد في العاشر من رمضان بيصلح المواتير عمل ليه ب300 جنية والعربية بقت زي الفل