انهي احسن عمرة ولا ماتور استيراد ؟

[ahmedawa]

انا معايا بونتو 2002 عامله 250 الف و ابتدى الماتور يخف شويه لاكن مفرود كفاءه 70 % و مش بيطلع سواد ولا بياض من الشكمان الحمد لله بس بحس انه خفيف مع التكيف و لو الحمل زاد و كده و كنت عاوز اعرف العمره تتكلفلها كام و لو اشتريت ماتور استيراد يعمله كام ؟ و انهي احسن من وجه نظركم ؟

[Lifz_Good]

متابع للأهمية

[moumen_hs]

ولية عمرة طلما الماتور خفيف شوية يبقى طقم شنبر وشكر واعتقد مش هيزيد عن الف جنية

[lanos2004]

ولية عمرة طلما الماتور خفيف شوية يبقى طقم شنبر وشكر واعتقد مش هيزيد عن الف جنية

معاك

[mahmoud_anwar]

اسئلك سؤال انتا منين عرفت ان ماتورك عايز عمرة ؟؟؟؟
هل في نقص في الزيت ؟
هل في خروج دخنة زرقا ؟
هل الريداتير المياة بدخلة فيها طحينة ؟؟؟؟؟
انتا عايز تصرف وخلاص وتنفع الميكانيكيا بجد انتا عايز تعمر ليه بما انك معندكش حاجة من الحجات دي علشان بتشغل التكيف عزم العربية بيضعف ههههههههههههههههههههههههه طبيعي علشان الصيف شديد والتكيف مع الحر ومع الزحمة بيسخن الماتور جامد فاتحس ان الماتور مقفوش وكمان الماتور الي مع حضرتك 1300 سي سي علي ما اعتقد يعني الف حمد وشكر انة بيمشي لما تشغل التكيف حتي لو جبت ماتور تاني استيراد مش هيديك الكفائة الي انتا عايزها لي انك محتاج مكنة فوق ال1600 علشان تحس بي السحب مع التكيف انا برضة نفس مشكلتك يا اشغل التكيف يا امشي بي العربية التكيف بيقل عزم العربية بي كتير

[mado83]

الاحسن انك ماتشغلش التكييف

[ايطاليانو]

الموتور مش لغز كيمائى
زيه زى اى جهاز سهل فكه وصيانته
بس فين الامين الكفء
وللاسف السوق مليان فلاسفة بق وناس نصابين

الاستيراد بطيخة وانت وحظك
انما العمرة احسن لانها على ايدك
شوف ميكانيكى ثقة وخبرة

[khaled_afandy]

انا معايا بونتو 2002 عامله 250 الف و ابتدى الماتور يخف شويه لاكن مفرود كفاءه 70 % و مش بيطلع سواد ولا بياض من الشكمان الحمد لله بس بحس انه خفيف مع التكيف و لو الحمل زاد و كده و كنت عاوز اعرف العمره تتكلفلها كام و لو اشتريت ماتور استيراد يعمله كام ؟ و انهي احسن من وجه نظركم ؟

كما قال أعضاء آخرين عمرة او نصف عمرة افضل لأن الإستيراد بختك يا ابو بخيت
عمرة الفيات الكويسة تتكلف من 3000 الى 3500 منهم ألف مصنعية و الباقى خراطة + قطع غيار (أسعار السنة اللى فاتت)
بس لازم ميكانيكى محترف و ثقة و عارفة من زمان
أكشف على العربية عند 2 او 3 علشان تعرف عمرة او نص عمرة
لو أنت من الهرم فيه واحد كويس بشارع خالد ابن الوليد من الوفاء و الأمل بمشعل اسمه السراج موتورز أمانة و كفاءة خذ رأيه على الأقل لو ساكن بعيد بس. لو كشف ابقى ادفع له علشان هو حساس شوية فى موضوع الفلوس

[haissam24h]

لو الماتورة محتاج نص عمرة مش هيتكلف 1000 او اكثر لانه هيفك وهتعمل الى محتاجه ماتورك

تمام
بالنسبه للعمرة مانصح بيها لان تكلفتها
هتبقى بتمثن ماتور استيراد
والاستيراد بيبان من شكله والمسامير اذا كان مهلوك ولا نظيف وطبعا بيبقى على التركيب والتجربه قبل ما يجيلك ورقة

لو مش تمام هيرجع

وخصوصا لو عملت عمرة اى حاجه عاوزة تتغير هتتغير لانك خلاص فكيك

ولو لقيت ثمن الماتور بنفس ثمن العمرة
يبقى اعمل العمرة وريح بالك