استفسار في ال 127 توب ايطالي 1974

[mohamedfx79]

بسم الله الرحمن الرحيم

مبدأيا كده انا اشتريت عربيه 127 توب ايطالي موديل 1974
واشتريتها ب 6000
بالمواصفات التاليه
صالون كويس والعربيه فابريكه
لسه راششها من برا لون احمر .. لونها الاصلي
وجنوطها الاصليه الاصليه والتابلوه نضيف



بس انا كنت عاوز اظبط العربيه دي بحيث اني اوصل فيها لاعلي تعديل بس مش تغيير في الشكل
يعني انا عاوز شكلها الاصلي
من الاخر انا عاوز اخليها كانها لسه خارجه من المصنع

الفتيس بيعلق ساعات في الغيارات ومش سهل والميكانيكي قالي عاوز معلقه
والموتو فيه طقم شنبر

دون ذلك العربيه ما شاء الله

ارجوكم فيدووني افادكم الله

والسلام عليكم ورحمه الله

[ابو لؤى]

الف مبروك والعربيه دى انا بحبها جدااا نصيحه ماتور استيراد لو لاقيت الموضوع اكبر من طقم شمبر ماتغلطش غلطتى وربنا يباركلك فيها

[ابو لؤى]

بس سؤال الماتور 1050 ولا الصغير

[a_arazik]

الف مليون مبرووووك ربنا يكفيك شرها ويكرمك بيها يا رب

[aw2100]

مبروك على العربية ممكن تجيبلها موتور استيراد بس اشترية نصين علشان تتطمن علية من الداخل ومعاة فتيس 5 سرعات وممكن تركبلها زجاج كهرباء بوحدة روافع وسنترلوك !!

[mohamed76]

مبروك على العربية ممكن تجيبلها موتور استيراد بس اشترية نصين علشان تتطمن علية من الداخل ومعاة فتيس 5 سرعات وممكن تركبلها زجاج كهرباء بوحدة روافع وسنترلوك !!

انا لسه عامل موضوع بطلب فيه النصيحة فى موتور استيراد لعربية 127 لواحد معرفتى
فبعد اذانك يعنى ايه نصين ؟
و اجيبه من فين فى اسكندرية؟

[aw2100]

انا لسه عامل موضوع بطلب فيه النصيحة فى موتور استيراد لعربية 127 لواحد معرفتى
فبعد اذانك يعنى ايه نصين ؟
و اجيبه من فين فى اسكندرية؟

نصين يعنى افضل ليك تجيب وش السلندر لوحده متقفل بالكامة و تجيب البلوك بالبساتم بالكرنك مش راكب علية وش السلندر مش مربوط فى بعض علشان الميكانيكى يقدر يكشف على وش السلندر والموتور من الداخل ويشوف الشمايز كويسة ولا لا وبعدين طقم جوانات وشمايز وانسى الموتور لكن لو الموتور مقفول بتاخدة وانت وحظك وممكن يطلع خفيف ويحتاج عمرة بعد كام شهر
فى الفراهدة فى ناس متخصصة فى الفيات القديم !!!

[mohamedfx79]

انا لسه عامل موضوع بطلب فيه النصيحة فى موتور استيراد لعربية 127 لواحد معرفتى
فبعد اذانك يعنى ايه نصين ؟
و اجيبه من فين فى اسكندرية؟

نصين يعنى افضل ليك تجيب وش السلندر لوحده متقفل بالكامة و تجيب البلوك بالبساتم بالكرنك مش راكب علية وش السلندر مش مربوط فى بعض علشان الميكانيكى يقدر يكشف على وش السلندر والموتور من الداخل ويشوف الشمايز كويسة ولا لا وبعدين طقم جوانات وشمايز وانسى الموتور لكن لو الموتور مقفول بتاخدة وانت وحظك وممكن يطلع خفيف ويحتاج عمرة بعد كام شهر
فى الفراهدة فى ناس متخصصة فى الفيات القديم !!!

طيب تمام انا هاخد بالنصيحه .. بس انا دلوقت غالبا مش معايا فلوس موتور استيراد ومش عارف بكام وايه احسن حاجه
هل ينفع اني اخلي الموتور ده يستحمل معايا لحد ما اجيب واحد تاني ؟

+ اني عاوز اعمل طقم صوت كويس .. هي فيها سماعتين .. بس انا عاوز اركب كمان سماعتين في الامام
عشان انا مش عاوز اسمع صوت الموتور خالص :d
وهي لو فيها كاسيت .. اركب عليه ايه عشان يكون صوتو عالي

طيب والفتيس ازاي اظبطو

[mohamedfx79]

ولو حبيت اعمل فتحه سقف عشان الصيف داخل تنصحوني اعمل ولا معملش ؟؟ والتكلفه كام

[mohamed76]

بلاش منها فتحة السقف ده راى اصلى ما بحبش الحاجة اللى ما تكونش من اصل العربية بحس كده انها ما تبقاش مظبوطة

[mohamed76]

نصين يعنى افضل ليك تجيب وش السلندر لوحده متقفل بالكامة و تجيب البلوك بالبساتم بالكرنك مش راكب علية وش السلندر مش مربوط فى بعض علشان الميكانيكى يقدر يكشف على وش السلندر والموتور من الداخل ويشوف الشمايز كويسة ولا لا وبعدين طقم جوانات وشمايز وانسى الموتور لكن لو الموتور مقفول بتاخدة وانت وحظك وممكن يطلع خفيف ويحتاج عمرة بعد كام شهر
فى الفراهدة فى ناس متخصصة فى الفيات القديم !!!

الف شكر على التوضيح
و الحمد لله النهاردة نزلت و لفيت مع الراجل وكانا معانا ميكانيكى تبعه
و استقر على واحد من شارع صلاح الدين وخده وان شاء الله بكره بقه يركبوه و يجربوه

[aw2100]

طيب تمام انا هاخد بالنصيحه .. بس انا دلوقت غالبا مش معايا فلوس موتور استيراد ومش عارف بكام وايه احسن حاجه
هل ينفع اني اخلي الموتور ده يستحمل معايا لحد ما اجيب واحد تاني ؟

+ اني عاوز اعمل طقم صوت كويس .. هي فيها سماعتين .. بس انا عاوز اركب كمان سماعتين في الامام
عشان انا مش عاوز اسمع صوت الموتور خالص :d
وهي لو فيها كاسيت .. اركب عليه ايه عشان يكون صوتو عالي

طيب والفتيس ازاي اظبطو

الموتور ممكن تسيبة لما يخلص خالص وتحط له زيت تقيل بتاع العربيات السولار علشان يقلل الدخنة وممكن يقعد معاك سنة او سنتين حسب ظروفة
بالنسبة للكاسيت ممكن تركب اكولايزر علية و4 سماعات ولو الكاسيت تعبان جيب كاسيت بفلاشة افضل من الشرايط وجيبة هاى بور 4* 50 w
فتحة السقف اكبر غلطة ممكن تعملها = بارومة فى السقف واساسيات العربية تبوظ !!

الف شكر على التوضيح
و الحمد لله النهاردة نزلت و لفيت مع الراجل وكانا معانا ميكانيكى تبعه
و استقر على واحد من شارع صلاح الدين وخده وان شاء الله بكره بقه يركبوه و يجربوه

1000 مبروك على الموتور الجديد اهم حاجة تركبله رادياتير استعمال الحديد افضل 100 مرة فى التبريد من الرادياتير المصرى النحاس وتحطله مية خضراء علشان الصداء وبلاش مية الحنفية وربنا يقويك !!

[aliyehia]

اخى الفاضل
الف مبروك على العربيه و ربنا يديك خيرها و يكفيك شرها
و اسمح لى بمناسبه انى مالك ل 127 ايطالى مو 1976 انى اديك بعض الخبرات المتواضعه
1- بالنسبه للموتور بما انك ناوى تغيره يبقى مش حتكلم عنه
2- شيك على المساعدين الامامى و الخلفى لان المساعد الوحش بيسمع على طول في الشاسيه بشروخ و كسور
3- الردياتير ثم الردياتير علشان تتخلص من مشاكل السخونيه
4- بلاش فتحه سقف خاصه و انها عمرها ما حتمنع دخول المياه و انت من اسكندريه
و اسمحلى اسجل احترامى انك عايز تخلى العربيه كانها طالعه من المصنع . و مستقبلا ممكن تاره سبور او جنوط و كفايه على كده
و انا تحت امرك في اى سؤال

[aliyehia]

نسيت اقولك
فتيس ال127 الايطالى بيشتغل بنظام اسمه الاتياش ( جمع تيش) و هو عباره عن عده توصيلات تبدأ من اسفل عصايه الفتيس و لغايه جسم الفتيس و يعيبه انه ساعات التوصيلات تكون مش مضبوطه تقوم تحس بعضه في احد الغيارات او اكثر و لازم ميكانيكى شاطر يرجلشها من تحت العربيه اسفل عصايه الفتيس
اما نظام المعلقه فده مش موجود في عربيتك و بيمتاز ان التوصيله مباشره من عصايه الفتيس لغايه جسم الفتيس و ده بيقلل من فرصه حدوث العضه
و الله اعلم

[mohamedfx79]

طيب انا حبب اقول وديتها للميكانيكي عمل 3/4 عمره يعني طقم شنبر وجوانات وشويه حاجات تانيه
دا غير ان الفتيس غير فيه غويشه .. وفورو ونضفه كويس + ان هيشتريله عصايه فتيش النهارده لانه بيقول اني كسرت فبره الفتيس القديم
حد يحب ينصح بحاجه تاني يا رجاله ؟؟