محتاج تسعير 128 ضرورى جدا

[mab]

موديل 1998
1300 سى سى
حاله عامة جيده
رشه بره وجوه بس العربيه سليمه
وهى مع احد زملائى فى العمل
وعاوز اشتريها منه بالعدل
فيا ريت تردوا عليا بسرعه

[sab3aawy]

لازم تعرف ليه العربية راشة جوة، وده بيتم انك ترفعها فى محطة او عند واحد بتاع زوايا يكون ثقة

هل حادثة وللا متغيرلها اجزاء جوهرية (ربع-نص-الخ) وللا بارومة

لو مش راشة جوة يبقى توبها من 26 الى 30 حسب الحالة

لو راشة جوة بدون حوادث او تغير اجزاء جوهرية(وهو احتمال ضعيف) يبقى فى حدود
24 الى 26 (مش اكتر من كدة علشان انت لما تبيعها مش هتجيب معاك اكتر من كدة لو وقفت على راسك علشان حكاية راشة جوه)

لو عاملة حادثة بينزل السعر حسب درجة تأثير الحادثة على بدن السيارة

[mab]

الف مليون شكر الى الاخ سبعاوى على اهتمامه

هى مش مغيره حاجه لان صاحبها معايا فى الشغل
وهو مش ممكن يكدب عليا فى حاجه زى كده
بالاضافه انه خلوق وامين جدا
هى كانت عملة حادثه بس من قدام بس مغيرش الا الكبوت
وانا بقوله ب 23 وهو عايز 24
ياريت ياخ سبعاوى تفيدنى كده كويس ولا لا

[SS]

معلش بس مع كامل احترامى لاخلاق صديقك بس موضوع ان العربية مو 98 و رشة جوة من غير حوادث غير منطقى ..لو موديل قديم كنا ممكن نقول ماشى...و بعدين هل هى معاه من الزيرو...و لو لأ ...هل هو بيفهم كويس فى العربيات..عشان فى ناس بتبقى شاريه عربيات مش سليمة و بتقعد معاها مدة كبيرة وهى موهومة انها سليمة...ع العموم انا شايف انك حتى لو هتزود 3 و لا 4 الاف وتجيب حاجة مش راشة جوة انت الكسبان عشان ابسط حاجة لما تيجى تبيع..ورنا يوفقك.

[mohamed2002]

لو حالة ممتازة ادفع فيها لغاية 24 ,لاحظ انها راشة دواخل ودة حيقلل سعر اعادة الييع