استفسار لشراء السيينا 1600

[bayooo]

السلام عليكم و رحمة الله وبركاته

كنت عاوز استفسر من حضراتكم عن اداء العربيه وصيانتها وقطع غيارها بالذات

علما اني لسه بايع جولف 2 وخسران فيها 7 الاف جنيه بسبب الميكانيكيه

وعاوز اشتري عربيه تخليني اهدا شويه هي اللي تشيلني مش انا اللي ازوقها

ولكم جزيل الشكر

[buddha]

لو تسمح عايز اعرف اية المشاكل ال تعبتك من الجولف 2
انا مجربتهاش قبل كدة بس بسمع عنها انها عربية اعتمادية وقوية

[bayooo]

مشاكل الجولف ان كل قطع الغيار مضروبه حتى الألماني منها مضروب برده....ان بتكلم على جولف 2 موديل 88
وهتلاقي نفسك مجبر على الأستيراد....ودا مشاكله كبيره...
مش كل الناس بتشتغل فيها....ليها ميكانيكيه معينين ومش فاهمين اوي برده.
دا غير ان عربيتي اصلا كان اضحك علي فيها لما كنت بشتريها وكانت محتاجه مصاريف كتير.

[buddha]

عموما الفيات مواتيرها جميلة جدا جدا
والسينا اعرف ان فيها 1400 و 1600

ال 1600 انا جربتة وكان موتور عفى
بس ثبات العربية ضعيف جدا

العربية لو عجباك لما تجيبها تحاول تركب جنوط عريضة و تهبط العربية شوية ممكن تحسن الثبات شوية

طبعا الجولف 2 مشهود ليها بالثبات وكمان قوة الصاج فى الجولف

لكن سينا صاج خفيف وثبات ضعيف

[bobbozo4b]

خد بصه كده على الموضوعات ده

http://www.nilemotors.net/Nile/334847-a.html

http://www.nilemotors.net/Nile/304852-1-4-2002-a.html

[hamadamohamed]

سيينا 1600

انا معايا فيات سيينا 1600 16v من الزيرو - عربية ممتازة - ثبات و صالون و ارتفاع حلو - ماتور قوي -
و صاجها ناشف مش خفيف خالص - عزل الصالون ممتاز يعني لما قفل الزجاج و تشغل التكييف متسمعش حاجة من برا خالص -
عربية ممتازة بس لو لقيت واحدة نظيفة - بتاعت حد تعرفوا و واثق منها - عشان لو مش مضمونة ولا رشة ولا الكلام الأهبل دة - و اللي يقولك أصل التكييف محتاج فريون و و و و .. أخلع
و أهم حاجة يكون الكيلو متر بتاعها قليل ..
و ربنا يوفق ...