معايا فيات اونو موديل 94 بس بقيت تاكل ميه كتير ومش عارف من ايه

[shshtawy]

الموضوع ده بداء من يومين لقيت امبير الحراره ابتدا يرفع عن معدله فتحت اشوف الميه فى الرداتير لقيت مفيش ميه سيبتها تبرد وبعدين حطيت ميه وفتحت وخت الهواء الى فى الرداتير وقلت خلص الحوار كده لقيت الكلام ده بقى يحصل كل يوم بس مش بنفس المعدل ايه ياترى السبب انا مش عارف وشفت الخراطيم والواصلات ملقتش حاجه بتنقط خالص
هل ده يكون جوان وش سلندر ولا ايه انا مش عارف

[hazem_khidr]

ممكن يكون جوان وش سلندر
و ممكن تكون ساعه الحراره
عموما روح لميكانيكي يفك الردياتير و نضفه
و بعدين ضبط تاكيهات
و شوف الجوان و الساعه

[shshtawy]

كل ده ينقص الميه

[tutankhamoun]

بُص على الخراطيم الموصلة للمياة من الرادياتير إلى الموتور و كل الخراطيم الموصولة بالراديتير
ممكن يكون واحد فيهم مخروم أو مشقوق و بيسرب من غير ما تحس
و بعد كدا إذا كان كله سليم
أعمل زي ما قال الأستاذ حازم خضر بالظبط

[SS]

ممكن برده طرمبة المياه لو قديمة يكون فيها تاّكل وتكون بتسرب ...و ياريت تبقى تقولنا السبب ايه.

[shshtawy]

حاضرانا هروح لواحد بتاع رادياتير محترم وهو يقلى ايه السبب وهقول لحضرتكم على طول وان شاء الله ميكنش وش سلندر لانى عرفت من استاذ محمد معانا هنا فى المنتدى ان وش السلندر ليه اعراض زى دخول الزيت على الميه ويصبح شكلهم مثل الطحينه وثانيا فوران الميه وخروجها عن الرادياتير