مشكله في التمبرا

[tempra]

انا عندي عربيه تمبرا1600مودل93 موتورها انجكشن العربيه تمام وزي الفل بس من يومين وانا علي السلانسيه
العربيه بتزود بنزين لوحدها وعداد ال ار بي ام يطلع وينزل وممكن تبطل افيدوني يا اهل الخبره

[tempra]

اين الرد يا اهل الخبره

[galilio_mad]

بتزود بنزين قد اية ؟
ال Rpm بيتحرك قد ايه سنه صغيرة فوق و تحت و لا كتير ؟

مبدئيا و من الكلام الغامض ده , حساس اكسجين

حاول تكتب تفاصيل اكتر عشان ممكن تكون حاجة تانية و تكون بسيطة إن شاء الله

[tempra]

يعني بيرفع فوق 2والعربيه بتزودبنزين لوحدها كانك بدوس علي الدواسه وصوت المتور بيعلي وشكراعلي الاهتمام

[galilio_mad]

طيب اللى انت بتقوله ده المفروض انه يبقى Tps
يعنى الحساس المسئول عن فتح و قفل باب الهوا
و فى التمبرا الانجكشن اللى هو ابو رشاش واحد
نفس الحساس ده بيتحكم فى كمية بنزين السلانسيه

انت لو واقف وشك للعربية حتلاقيه على الشمال فى الثروتل بادى
و راكب فيه فيشه باربع سلوك
و فى علبه سودا من ورا طالع منها صباع بيزق بكرة دواسة البنزين و برضو فيها فيشة

فك الفيش دى نضفها و رش منظف كربراتير بسيط جوه الكاوتشة اللى على الصباع

الخطوه التانية لو ما نفعش , حتفك الوش اللى على الشمال ده ترجلشة
هو الانكيه نجمة صغير بس مش فاكر كام
حتفكه سنه صغيره و تعلم مكانه الاصلى عشان لو حصل حاجه ترجعة تانى
اديله سنة رجلاش فوق او تحت لحد ما تحس ان صوت العلابية ضبط شوية
اربطة بس مش جامد

اهم حاجة ما تفكش الوش خالص عشان فيه ريش جوه ممكن تتعوج

جرب كده و قوللى

[galilio_mad]

بص الاول حتلاقى فيشتين بتوع حساس الاكسجين
مكانهم ورا الماتور على شمال العلبه الرمادى , فيشتين حتلاقيه مجمعين و نازلين تحت
ممكن تلاقى فيشه طرفين + فيشه طرف واحد
أو فيشتين كل واحدة طرفين
حسب الموديل اللى عندك , فى موديل حساس اكسجين 3 طرف و فى موديل 4 طرف

فك الفيش دى و العربية مطفية , جرب و شوف الفرق
لو احسن ركب الفيش تانى و شوف العيب رجع و لا ....

عامة جرب و لو فى حاجة تانية انا تحت امرك :)

[Adham]

أيوة اللي يسبب كدة زي ما قالك الأخGalilio_mad هو تنضيف ال TPS وال Idle Control بسبراي تنضيف الكاربراتيرات

[tempra]

شكرا ياخواني جميعا علي الا هتمام

[galilio_mad]

انا عندي عربيه تمبرا1600مودل93 موتورها انجكشن العربيه تمام وزي الفل بس من يومين وانا علي السلانسيه
العربيه بتزود بنزين لوحدها وعداد ال ار بي ام يطلع وينزل وممكن تبطل افيدوني يا اهل الخبره

دى القصة من اكتر من سنه , طيب حضرتك عملت ايه وقتها ؟؟؟

[tempra]

شكرا ياجماعه

طلعIdle Control زي ما قا الاخ جاليليو