مبتدأ سواقة يا رجالة ومحتاج نصايحكم ..

[AHMED HANAFY]

السلام عليكم ورحمة الله

دي أول مشاركة لي في المنتدي الجميل دة ..
أخوكم معاة في حدود 16000 دة اللي فوق البلاطة واللي تحتها وقت الطوارئ 11000 ,, بس بصراحة مش عايز اجي جمبهم خالص فالمتاح 16000 كاملين


فكرت اني أجيب عربية ترحمني من الزحمة ومن سواقين الميكروبصات فقلت يا واد عليك وعلي نايل موتورز وهما ح يدلوك علي طووول ,,

اللي بيدور في دماغي كالاتي "
1- أول مرة ح أسوق بس عندي خلفية الي حد ما كويسة
2- قطع الغيار والصيانة وفلوسهم ( يا رب استر ) ,, .....
3- عربية أسافر بيها مرة كل شهر مرة أو اتنين بكتير مثلا ( القاهرة أو مطروح في الصيف بس )
4- ما تكونش ضايقة لأني طويل
5- تكون عائلية
6- سعرها يكون متوسط
7- لسة ما طلعتش الرخصة
كفااااية كدة ( حاااضر )

قدامي عربيات من علي النت ومحتاج رأيكم ضروري

الأولي ..


ماروتي م 1995 للبيع لاتحتاج اي مصاريف استعمال حريمي رخصه سنه باسم المالك ماتور سياره استيراد جديد كاوتش جديد بطاريه جديده نهائي

• كيلومترات 111111

16500 السعر

الثانية ..



مو 89 1300 6 غيار حاته ممتازه لا تحتاج مصرووف سعر 16500

الثالثة
فيات 128 موديل 89 ايطالي بيقول انها بحالة الزيرو بدون بارومة ومصروف عليها وعايز 15000

ملاحظة الكل نصحني بالبعد عن لادا و127
فمحتاج نصايحكم يا وحوش نايل موتورز أخوكم حيران ولو في أي بدائل تانية غير اللي ذكرتها في نفس الأسعار يا ريت تقولولي
أخوكم / أحمد حنفي
الاسكندرية

[أحمد جودة]

أولا أهلا بيك فى بيتك التاني نايل موتورز

بصراحة أنا داخل هنا أرحب بيك بس مش هقدر أفيدك أوي علشان الاسعار دلوقتي سامع انها عالية شوية

وارشحلك الــــ 128 لو حالتها كويسة وانتظر رد باقي الاعضاء

[AHMED HANAFY]

أولا أهلا بيك فى بيتك التاني نايل موتورز

بصراحة أنا داخل هنا أرحب بيك بس مش هقدر أفيدك أوي علشان الاسعار دلوقتي سامع انها عالية شوية

وارشحلك الــــ 128 لو حالتها كويسة وانتظر رد باقي الاعضاء

أهلا بيك يا بشمهندس ربنا يكرمك يا رب ,, هو بالنسبة ل 128 هو لسة ح شوفها بكرة ان شاء الله .. طيب ممكن تقولي حضرتك بحكم خبرتك معني كلمة ( حالتها كويسة ) لأن أخوك علي الأبيض خالص ماليش خبرة خالص في العربيات . سوا حاجات بسيطة عن السواقة ؟

[أحمد جودة]

أهلا بيك يا بشمهندس ربنا يكرمك يا رب ,, هو بالنسبة ل 128 هو لسة ح شوفها بكرة ان شاء الله .. طيب ممكن تقولي حضرتك بحكم خبرتك معني كلمة ( حالتها كويسة ) لأن أخوك علي الأبيض خالص ماليش خبرة خالص في العربيات . سوا حاجات بسيطة عن السواقة ؟

أهلا بيك استاذ احمد نورت المنتدي

حالتها كويسة يعني مش هتحتاج مصاريف وخصوصا فى الاساسيات

اهم حاجة تبص عليها الحوض سليم الموتور حالتة كويسة الشنطة سليمة
متكونش راشة دواخل حالة الصاج هل محتاجة سمكرة ودوكو حالة العفشة السوست والمساعدين والمقصات حالة العربية من تحت مفتحة شاسية فيه لحامات

وفي التهاية نضيحتي بيك خد معاك سمكري شاطر يطلعلك العيوب اللي فيها

ياريت أكون أضفت ليك معلومة

[AHMED HANAFY]

أهلا بيك استاذ احمد نورت المنتدي

حالتها كويسة يعني مش هتحتاج مصاريف وخصوصا فى الاساسيات

اهم حاجة تبص عليها الحوض سليم الموتور حالتة كويسة الشنطة سليمة
متكونش راشة دواخل حالة الصاج هل محتاجة سمكرة ودوكو حالة العفشة السوست والمساعدين والمقصات حالة العربية من تحت مفتحة شاسية فيه لحامات

وفي التهاية نضيحتي بيك خد معاك سمكري شاطر يطلعلك العيوب اللي فيها

ياريت أكون أضفت ليك معلومة

ربنا يبارك في حضرتك يا بشمهندس أحمد , معلومات مفيدة جدااا

[أحمد جودة]

ربنا يبارك في حضرتك يا بشمهندس أحمد , معلومات مفيدة جدااا

اهلا بيك في اى وقت كلنا هنا اخوات

[AHMED HANAFY]

في انتظار باقي الاخوة الحبايب للمشاركة لكي نفيد ونستفيد ونفيد غيرنا ... بصراحة انا ناوي اعمل الموضوع دة مرجع اراء لسببين :

1- حتي يستفيد من بعدي في حالات زي
2- أكيد ان شاء الله حيكون في معلومات مفيدة جداا لكل مشتري جديد لعربية

ان شاء الله بالتوفيق .. بالانتظار

[AHMED HANAFY]

وانا بفتش كدة علي مواقع عروض العربيات
لقيت العربية دي بالصور وشرح صاحبها

مواصفات

السياره حاله محترمه جدا لايوجد بها اى ذره بارومه نهائى موتور وكورونا ممتازين قوائم السياره كلها بحاله الفبريكه سقف وشنطه ومكان الموتور حاله فوق الممتازه السياره راكب لها طابلون ودريكسيون تمبرا ويعمل بالكامل كساحه اماميه بلون السياره عفشه رياضيه صالون جلد طبيعى بتاع سياره بترا وكراسيه متحركه امامى وخلفى واسفل واعلى السياره كل ارضيتها معزوله بالجلد كاوتش تيوبلس ممتاز ويتحمل السفر بطاريه جديده بالضمان السياره فى منتهى الثبات على الطريق اضاءه داخليه حديثه للصالون والطابلون لون السياره زهرى ميتالك مط مشغل صوتى وسماعات سونى بصوت رهيب رخصه سنه ونصف السياره ذو شكل شبابى غايه فى الجمال السعر 17000 الف وممكن تفاوض مقبول . م 1975

اية رأيكم فيها ؟ هل زي ما سمعت انها بتحرق بنزين كتير وقطع غيارها قليلة ؟ والسعر المناسب ليها ؟

[emad_2020]

اهلا بيك
طلما انتا جديد ومفيش عندك خبره فى العربيات يبقا لزم تاخد معاك حد بتثق فيه وخلى بالك اوعا يخدعك الشكل او الترويش لى فيها ملكيش دعوه بكلام صحبها لو قالك ليك دى حتى لسه خرجه من المصنع كله كلام لزم صنيعى فاهم ويكون ثقة مش عايز ياخد فلوس ويجرى حاجة مهمه بلاش تتسرع
انا عن نفسى شفت نصب كتير وربنا يوفقك

[emad_2020]

وانا بفتش كدة علي مواقع عروض العربيات
لقيت العربية دي بالصور وشرح صاحبها

مواصفات





اية رأيكم فيها ؟ هل زي ما سمعت انها بتحرق بنزين كتير وقطع غيارها قليلة ؟ والسعر المناسب ليها ؟

سيبك من الشكل وكلام صحبها اما تشوفها بنفسك احسن بيظهر حاجات كتير تحت الدهان وداخل العربية
انا ممكن من الصور اقول لك الله شكلها حلو اوى وبعد ما تشترى يظهر عيوب كتير

[AHMED HANAFY]

اهلا بيك
طلما انتا جديد ومفيش عندك خبره فى العربيات يبقا لزم تاخد معاك حد بتثق فيه وخلى بالك اوعا يخدعك الشكل او الترويش لى فيها ملكيش دعوه بكلام صحبها لو قالك ليك دى حتى لسه خرجه من المصنع كله كلام لزم صنيعى فاهم ويكون ثقة مش عايز ياخد فلوس ويجرى حاجة مهمه بلاش تتسرع
انا عن نفسى شفت نصب كتير وربنا يوفقك

أهلا وسهلا بيك يا أستاذ عماد وربنا يخليك يا رب
الصراحة انا معنديش خبرة خالص في العربيات ... طيب حضرتك شايف أفضل طريقة للشراء اية هي ؟
لأن في طريقة تانية عن طريق الميكانيكي بتاع واحد صاحبي يقولي انوي بس وانا اجبلك عربية جميلة .. رأي حضرتك اية ..

[AHMED HANAFY]

يا جماعة انا كلمت واحد كان عارض عربيتة ستروين موديل 91 للبيع بسعر 9000 جنية محتاجة مصروف يقدر بحوالي من 4 الي 5 الاف جنية والعربية تكون 100% والعربية عامة حالتها دلوقتي 40 % لانة راكنها تحت بيتة ومغطيها غير انة فيها حاجات قالي عليها ما فهمتهاش

والراجل ساكن جمبي وامين بيقول علي كل اللي في العربية , شكلها في الصورة كان عارضها في دوبيزل من فترة




محتاج رأيكم ضروري ؟؟ اية رأيكم في العربية عامة وحالتها لو اتظبتت وهل ليها سوق في اعادة البيع ؟ ولا بلاش ؟؟