باى باى أوماترا

[A.Saad]

علمت «المال» من مصادرها داخل سوق السيارات، أن مجموعة «الفطيم» الحاصلة على العديد من التوكيلات فى المنطقة منها «تويوتا» و«هوندا» محلياً، تسعى للاستحواذ على «أومترا» داخل مصر ولبنان والسعودية.
وقالت المصادر إن «أومترا» والتى تمتلك حق وكالة العلامة الإيطالية «فيات» لم تستطع تحقيق مبيعات مرضية للشركة الأم خلال الفترة الماضية، بينما «الفطيم» تعد إحدى المجموعات التى تحظى بخبرة كبيرة فى قطاع السيارات، كما أنها تهدف إلى النهوض بمبيعات عملاق السيارات الإيطالى «فيات».
وشهدت الفترة الماضية تراجعاً فى حجم مبيعات «فيات» على الصعيد المحلى، وكذا عدم الإقبال على مراكز الخدمة ومنافذ بيع قطع الغيار.
وكانت «أومترا» مهددة منذ فترة بسحب الوكالة، بعد توجه العديد من رجال الأعمال سابقاً إلى «فيات» الأم، لاقتناص الوكالة، و الاهتمام بقطاعات الخدمات، سواء الصيانة أو بيع قطع الغيار.

الخبر منشور فى موقع اخبار اقتصادية
مجموعة الفطيم معاها توكيل هوندا

اوماترا




نتمنى ليكم التوفيق مع التوكيل الجديد

[MohammedAladel]

لو المصرية العالمية للسيارات كان هيبقى أفضل بتكتير من الفطيم برضه حتى فى الأسعار على الأقل

[Ahmed Nasser]

اسوء توكيل على الاطلاق هو توكيل اوماترا
لمنا نشوف بقى التوكيل الجديد هيعمل ايه مع فيات

[Mohatfhd]

يا جماعه انا كنت بفكر اشترع اللينيا الجديده استني ولا ايه :b4_564:

[aliabdo]

طيب يا جدعان الناس الى لسه شاريه عربيات حتعمل ايه بالظبط ؟؟؟؟

[Land_Cruiser]

طيب يا جدعان الناس الى لسه شاريه عربيات حتعمل ايه بالظبط ؟؟؟؟

اللي لسه مشتري ده اكيد مكنش عنده علم بموضوع ان التوكيل هيروح لحد تاني و بالتالي مهيئ نفسه للتعامل مع اوماترا يعني علي اسوأ الظروف هيفضل زي ما هو لو التوكيل فضل معاها او ممكن ربنا يكرمه و يروح لحد احسن و في جميع الاحوال الضمان شغال مع الشركه اللي هيبقي معاها التوكيل ايا كانت بفرض طبعا ان السياره مستورده بمعرفه الوكيل و بالتالي فهو أما كسبان او زي ماهو يعني مفيش خساره باذن الله

[khaled_afandy]

يا جماعه انا كنت بفكر اشترع اللينيا الجديده استني ولا ايه :b4_564:

أنا أيضا و قد قررت الأنتظار و إن كان السعر قد يزيد ففكرت شراء دولارات بما يقابل سعر السيارة علشان ما أزعلش لو غليت مع إن السوق بيغلى سواء الدولار زاد او لأ. عموما غالبا حأروح أوماترا بكره أشوف حالهم أيه

[ahmedsiyam]

اعتقد ان الاتجاه هايبقى للافضل ان شاء الله
انا عن نفسى هانتظر لحد لما الامور تتضح و مش هايبقى قبل سنة علشان نقدر نحكم على اداء الوكيل الجديد

[zangry]

يلا في داهية :d

[MaZaGAngeE]

فرع يوسف عباس رحته الاسبوع اللي فات و لقيتهم شالوا اليافطة و مفضيين المعرض
الموضوع شكله صح
عموما كل التوكيلات في مصر وحشين وان كان بنسب متفاوتة
بس احمد زي الحاج احمد

[aliabdo]

طيب يا رجاله كلنا بنقول الاتجاه للافضل طيب الناس الى عايزه تعمل صيانه حتعمل ايه خصوصا ان المفروض ان مراكز الخدمه القديمه تكونلسه شغاله لحد ما المراكز الجديده تفتح و لا ايه
اصل عشان يتعمل مراكز جديده و يجيب عمال و يدربهم و يجيب قطع غيار حنكون احنا لبسنا فى الحيطه
ايه الحصل

[ayman2]

طيب يا رجاله كلنا بنقول الاتجاه للافضل طيب الناس الى عايزه تعمل صيانه حتعمل ايه خصوصا ان المفروض ان مراكز الخدمه القديمه تكونلسه شغاله لحد ما المراكز الجديده تفتح و لا ايه
اصل عشان يتعمل مراكز جديده و يجيب عمال و يدربهم و يجيب قطع غيار حنكون احنا لبسنا فى الحيطه
ايه الحصل

حضرتك قلقان ليه انا من القاهره وبعمل كل صيانتى فى فرع الاسكندريه عند المهندس شريف متولى أكتر راجل محترم فى التوكيل من بدايه تعاملى مع التوكيل عام 2009 ولسه كنت هناك من يومين وهم شغالين حتى تتضح الرؤيه ولو عاوز اى حاجه من هناك قولى و إن شاء الله اساعدك وشكرا

[Formulator]

الأسبوع اللى فات كنت فـ أوماترا جسر-السويس..

- كنت طالب فيشه Bi-Xenon طلبوها من إيطاليا؟!!

وطلعت للمهندس علاء سلامة: مدير خدمة مابعد البيع:: وحلال المشاكل :)

سألته فـ موضوع الفطيم: قاللى انهم أبقوا الحال على ماهو عليه -- وبيعملوا evaluation للوضع والموظفين -خصوصا الـtop/mid management.. وهيقيموا ويشوفوا هيتعمل أيه؟!!

كمان قاللى خبر -فرحنى أنا شخصيا.. وكل اللى يعرف قيمته:
- ان المهندس سيد -فرع العباسية- بعد ماكان ماشى (وهو اللى قاللى بنفسه فـ التليفون)
كان رايح نيسان/تويوتا IIRC

علاء بيه قعده -بالعافية- وتم ترقيته ليكون Technical-Support Manager
والصراحة أنا شايف مفيش دلوقتى فـ أوماترا حد أكثر Technicality منه -ماشاء الله!

أصلا: لما ماعرفوش يركبولى فانوس الـBi-Xenon الـOEM على فيشة الضفيرة الـHalogen::
قالولى: انت :) والمهندس-سيد لما يرجع من الأجازة-- تفكوا الـHarness/Wiring وتشوفوا القطع الناقصة.. وتطلبوها؟!! lol
هأسيب شغلى أنا وأروح أعمل de-pin/ re-pin للـsocket بتاع الـHID

البهوات بعد ما محدش عرف الفرق: حاولت أنا وطلبت قطعة برقم الـePER وجت: وطلعت مش هيا اللى إحنا عايزينها؟؟!!! شوية ignorant s بعيد عنكم!!
مفيش أى technical-support.. قليلى الحيلة: آخرهم يبعتوا لفيات إيطالى S.p.A وهى تقولهم يعملوا الـconversion إزاى؟؟!!!

من oem halogen لـ oem xenon

[ahmedsiyam]

للاسف توكيل بلح بلح بلح

[abdulkhaleq]

مع السلامه ومش هيوحشونا :d