اللى معاه شاهين باور ياريت يرد عليا

[mrghost]

السﻻم عليكم ورحمة الله وبركاته
ياجماعه انا ناوى باذن الله اركب باور للشاهين بتاعتى بس كنت عاوز اسال لو حد معاه شاهين باور ياترى بيفرق ويستاهل فعﻻ وﻻ مش مجدى ﻻنى ناوى اجيب العلبه جديده ان شاء الله ودى تمنها 1500 جنيه زباقى الحاجه يعنى هيدخله ف 2000 جنيه

[batigol2020]

السلام عليكم

بص يا باشا ... الباور حلو مافيش كلام
والشاهين حلوه في الباور بتاعها انا كان معايا شاهين 2000
بس الحاجه لما تكون اصلا باور غير لما انتا تركبلها باور خارجي ...
من رأيي بلاش .. تكلفه على الفاضي .. وممكن مايكونش بنفس كفائة الاصلي

شكراً

[lad]

مش مستهلة طبعا المصاريف دى كلها و بعدين الشاهين الدركسيون كويس من غير بور و لا حاجة

[mrghost]

شكرا ع الردود ياجماعه

[محمد بازيد]

السلام عليكم

أخى الكريم انا كان معايا فى مصر أخر عربية شاهين 2002 باور وتكيف والباور بصراحة رائع جدا وبيخلى العربية حاجة تانية خالص بس نصيحة انزل هاته من القاهرة على فكرةطقم الباور بيتباع عادى جدا جديد مش تعدل حاجة تانية الشاهين ليها اماكن تركيب الباور واحد صاحبى مركبة فى 2008 وهى كلفتة بالمصنعية تقريبا 2000

تقبل تحياتى
محمد حامد

[ozy2026]

الباور بتاعها مش بيفرق كتير عن العادى
لأن الدركسيون بتاعها مش تقيل اصلا لو علبه الدركسيون سليمه وعفشتها كويسه
والباور بتاعها مش حلو هو كل الفرق هيكون وانت بتلف الدركسيون وانت واقف بس
غير كده مش هتحس بحاجه
وبلاش تركبه انت علشان هتدفع فلوس كتير والشغل مش هيطلع مظبوط
والتكييف بتاعها كان بيبقى كويس لما باكون لوحدى فى العربيه لكن لو حد راكب ورا مش بيوصله حاجه خصوصا فى الحر ده
لو جبتلك اكسنت ولا اى حاجه كده جديده هتكون احسن بكتيير
مش فى الباور والتكييف بس لأ فى كل حاجه كمان