عاوز نصيحه يا شباب البرافو

[mhkorayem]

اولا انا هشكركم على ردودكم مقدماَ
ثانيا مش عاوزكم تتخانقوا يا ولاد وبلاش حد يتوقف عشان محسش بتقنيب الضمير اني فتحت الموضوع من الاول
ندخل في الجد:
قدامي عربيه برافو 2011 اوتوماتيك عفشه وماتور حالتهم كويسه ومن بره عاوزه ترش اكصدام وفيها خبطه مش كبيره في الشنطه وعاوزه فانوس امامي وفانوس خلفي وانا بفكر فيها
انا اكيد عاوز اركب عربيه احس اني راكب حاجه محترمه بجد وده اكيد هيحصل مع البرافو (مع ملاحظه ان انا مش غاوي جري وشد والحاجات دي فالتربو وT-Jet والحاجات الكتير دي مش فارقه معايا اوي) بس في نفس الوقت مش عاوز اتروق في اسعار الصيانه وقطع الغيار ومش عاوز اقعد الف وادور حوالين نفسي عشان الاقي حاجه ناقصه في العربيه
عشان كده انا هسأل كام سؤال كده وعاوزكم تساعدوني بدون تعصب لعربياتكم في ضوء المعطيات اللي انا شرحتها فوق دي
1- اسعار قطع الغيار والصيانه عامله ايه وتقارن بعربيات زي ايه ؟؟؟
2- هل التكنولوجي العاليه والتربو بالتحديد هيزيد مصاريف الصيانه بشكل كبير حتى لو كانت سواقتي هاديه
3- هل في اماكن تانيه خارج التوكيل محترمه وبتثقوا فيها بتعملوا فيها صيانتكم ؟؟؟؟ (عشان الاسعار تكون اقل من ناحيه وعشان لو مش مقتنع بكلام التوكيل في اي حاجه يلاقي مكان تاني يستشيره)
4- نوع البنزين اللي بتستخدموه ايه والمنصوح به في الكتالوج ايه ولو بتستخدموا 92 هل في منه اي مشاكل ؟؟؟؟
5- استهلاك البنزين قد ايه في الاستخدام العادي ؟؟؟؟
6- انا حسيت ان العربيه واطيا شويه هل ده صحيح ولو كده فعلا فده عاملكم مشكله كبيره زي السيفيك كده ولا مش للدرجه دي ؟؟؟؟
7- موديل 2011 اوتوماتيك فيه اي مشاكل عامه ظهرت فيه وخاصه الجيربوكس ولا الواحد يطمن انها تمام ؟؟؟؟

من الاخر كده انا عاوز عربيه محترمه وبرستيج بتكاليف غير مبالغ فيها اوي وميهمنيش التسارع
والثبات على السرعات العاليه والكلام ده عشان انا مبجريش اصلاً اخري لو جريت الـ 120 فهل دي تبقى كويسه ولا الواحد يشوف حاجه تانيه زي المازدا 3 او اللانسر الشارك او حتى الجراند بونتو (بس ارجوكم بلاش تجريح في العربيات التانيه عشان مش عاوزين نزعل حد)
واخيراً عربيه بالحاله اللي انا كتبتها في الاول تساوي كام تقريباً (عشان انا مش لاقي على النت مستعمل غير عربيه واحده وده مش مقياس طبعاً)
معلش طولت عليكم ومستني نصايحكم

[mhkorayem]

اه نسيت اقول ان العربيه package 5
بس كنت عاوز اعرف فرقها ايه عن الـ package 2

[MohammedAladel]

أحب أتكلم بالنيابة عن ملاكها
من كلام ملاكها العربية أسعار قطع غيارها مش بالرخيصة
وأنا مش شايف فيها أى برستيج خالص بس هى عربية شبابية هاتش باك وسحبها شديد زى ما ملاكها بيقولوا بفضل عزم التربو
طالما حضرتك مش بتاع حرق وجرى بلاش منها ممكن تجيب عربية سيدان وهى دى اللى هتلاقى معاها برستيجك ههههه

بالنسبة لتوكيل فيات ملاك فيات بشكل عام مش بيشكروا فيه وبشكل خاص فورميلاتور مش بيشكر فيه نهاااااائى بس أكتر حاجة عجبته الورشة نفسها ( ورشة الصيانة )

أكشف عليها فى التوكيل وكل اللى انت قلته دا ممكن يحصل فى أى عربية أهم حاجة العربية كلها على بعض تكون بحالة كويسة

[zorbe7]

1- قطع الغيار موجوده فى الوكيل تقريبا بنفس اسعار VW
2- التربو عايز معامله كويسه فى السواقه و تنظيف فلتر الهواء والزيت قبل ميعاده و متحرقش قبل متركن
3-فى اماكن تانيه بس انا مجربتش الصراحه أسال Formulator basha :D هو يفيدك فى الموضوع دا
4- بنزين 92 شغال مفيش مشاكل و السحب زى الفل
5-الاستهلاك موفره جدا لو مشيك كلو جوا البلد 180-200 فى الصفيحه و لو سفر تقريبا 240 فى الصفيحه
6-العربيه واطيه سيكا من قدام بس مش بتحك الا لو محمل العربيه 5 افراد وشنط والمطب رزل غير كدا العربيه زى الفل
7- الفتيس زيه زى المانوال Dual logic لو صيانه منتظمه فى الوكيل + مفيش سوء استخدام يعمر معاك من 80000 وانت طالع , بس نصيحه اقرا مواضيع الفتيس من المنتدى و اقرا الكتالوج عشان تتعامل معاه كويس

بنسبه للبرستيج : اللى مش عاجبه العربيه دى كبرستيج و خامات و value for money يبقى ميركبش عربيات اوروبى ويركب هونداى :D :D مع كامل احترامى يعنى للكورى

[MohammedAladel]

العربية تمنها فيها وجميلة جدا ... بس مش برستيج أبدا ( وجهة نظر ) برغم إنى بحب العربيات الهاتش باك لكن مش شايف إنها برستيج خاااااااااااالص

بالنسبة للاستهلاك مش حلو طبعاااااااااااا هى فعلا تربو لكن كدا كتير قوى من غير حرق وكمان موتور 1400 !!

[mhkorayem]

أحب أتكلم بالنيابة عن ملاكها
من كلام ملاكها العربية أسعار قطع غيارها مش بالرخيصة
وأنا مش شايف فيها أى برستيج خالص بس هى عربية شبابية هاتش باك وسحبها شديد زى ما ملاكها بيقولوا بفضل عزم التربو
طالما حضرتك مش بتاع حرق وجرى بلاش منها ممكن تجيب عربية سيدان وهى دى اللى هتلاقى معاها برستيجك ههههه

بالنسبة لتوكيل فيات ملاك فيات بشكل عام مش بيشكروا فيه وبشكل خاص فورميلاتور مش بيشكر فيه نهاااااائى بس أكتر حاجة عجبته الورشة نفسها ( ورشة الصيانة )

أكشف عليها فى التوكيل وكل اللى انت قلته دا ممكن يحصل فى أى عربية أهم حاجة العربية كلها على بعض تكون بحالة كويسة

شكراً على ردك
بس كنت عاوز اعرف في عربيات ايه تبقى اسعار صيانتها اقل وخامتها على نفس مستوى البرافو ومش فارق معايا السحب والجري والكلام ده المهم تبقى شياكه

[mhkorayem]

1- قطع الغيار موجوده فى الوكيل تقريبا بنفس اسعار VW
2- التربو عايز معامله كويسه فى السواقه و تنظيف فلتر الهواء والزيت قبل ميعاده و متحرقش قبل متركن
3-فى اماكن تانيه بس انا مجربتش الصراحه أسال Formulator basha :D هو يفيدك فى الموضوع دا
4- بنزين 92 شغال مفيش مشاكل و السحب زى الفل
5-الاستهلاك موفره جدا لو مشيك كلو جوا البلد 180-200 فى الصفيحه و لو سفر تقريبا 240 فى الصفيحه
6-العربيه واطيه سيكا من قدام بس مش بتحك الا لو محمل العربيه 5 افراد وشنط والمطب رزل غير كدا العربيه زى الفل
7- الفتيس زيه زى المانوال Dual logic لو صيانه منتظمه فى الوكيل + مفيش سوء استخدام يعمر معاك من 80000 وانت طالع , بس نصيحه اقرا مواضيع الفتيس من المنتدى و اقرا الكتالوج عشان تتعامل معاه كويس

بنسبه للبرستيج : اللى مش عاجبه العربيه دى كبرستيج و خامات و value for money يبقى ميركبش عربيات اوروبى ويركب هونداى :D :D مع كامل احترامى يعنى للكورى

ايه يا جماعه هو موضوع البرستيج ده هيقلب خناقه ولا ايه (بلاش منه البرستيج ده ... انسوا انسوا )
بالنسبه لاستهلاك البنزين الارقام دي تبقى عاديه مش موفره جداً ولا حاجه لان انا معايا الاستهلاك بالنسبه للماتريكس زي كده او يمكن الماتريكس احسن حاجه بسيطه

اما موضوع الجير هل التوكيل ممكن يعرف اذا كان الاستخدام قبل كده كويس ولا لأ
ولا مش شرط يبان وانا لما اشتريها تبتدي تظهر مشاكل والبس (عشان موضوع الجير الاستيبترونك ده مقلق شويه بالنسبه ليا)

[MohammedAladel]

بص يا باشا التوكيل هيفصصها حتة حتة وهيبينلك العييوب اللى فيها دا المفروض يعنى

بالنسبة لا ستهلاك البنزين أنا آسف مااخدتش بالى من الأرقام الاستهلاك أنا شايفه كويس وأنا آسف لأنى مخدتش بالى من الأرقام كويس
على حد معلوماتى ان التربو بيشحن هواء أكتر ونسبة حرق الوقود هترتفع بالنسبة لغيرها من العربيات اللى مش مشحونة بالرغم أن مواتير التربو دلوقتى فى تكنولوجيا عالية عشان نقطة توفير الوقود زى محركات فولكس كدا بيقولوا أنها موفرة جدا فى البنزين
غير ان العربيات التربو مش هتاخد أ على أداء غير مع بنزين 95 يعنى أنا سألت يوكو ودا عضو معانا هنا معاه فيات لينيا تربو برضه تقريبا نفس محرك البرافو والله أعلم قال لى لما بحطلها 92 بتسقف

ولو عاجباك توكل على الله هى بشكل عام عربية أكيد جميلة

بالنسبة لاقتراحاتى أنا مش عارف أقول لك إيه بس فيه عربيات كتير حلوة فى السوق حسب احتياجك إنت
أنا شايف هوندا سيفيك vti الشكل القديم جميلة
شارك
فوكاس
ميجان
وفى الآخر دى أذواق وحاجة ترجع لحضرتك

[mhkorayem]

بص يا باشا التوكيل هيفصصها حتة حتة وهيبينلك العييوب اللى فيها دا المفروض يعنى

بالنسبة لا ستهلاك البنزين أنا آسف مااخدتش بالى من الأرقام الاستهلاك أنا شايفه كويس وأنا آسف لأنى مخدتش بالى من الأرقام كويس
على حد معلوماتى ان التربو بيشحن هواء أكتر ونسبة حرق الوقود هترتفع بالنسبة لغيرها من العربيات اللى مش مشحونة بالرغم أن مواتير التربو دلوقتى فى تكنولوجيا عالية عشان نقطة توفير الوقود زى محركات فولكس كدا بيقولوا أنها موفرة جدا فى البنزين
غير ان العربيات التربو مش هتاخد أ على أداء غير مع بنزين 95 يعنى أنا سألت يوكو ودا عضو معانا هنا معاه فيات لينيا تربو برضه تقريبا نفس محرك البرافو والله أعلم قال لى لما بحطلها 92 بتسقف

ولو عاجباك توكل على الله هى بشكل عام عربية أكيد جميلة

بالنسبة لاقتراحاتى أنا مش عارف أقول لك إيه بس فيه عربيات كتير حلوة فى السوق حسب احتياجك إنت
أنا شايف هوندا سيفيك vti الشكل القديم جميلة
شارك
فوكاس
ميجان
وفى الآخر دى أذواق وحاجة ترجع لحضرتك

هو طبعاً التيربو لازم يكون استهلاكه اعلى من الطبيعي
بس في الغالب انا مش هستعمله عشان زي ما بقول مش غاوي جري وشد

بخصوص الشكل هي ازواق طبعاً وانا عجباني الشارك وبتعجبني الميجان 2 جداً
بس البرافو خامتها حاسسها اعلى من الاتنين المازدا 3 حلوه برضوا بس مش عارف قلقان منها

طب انت معاك الميجان 2 رايك فيها ايه من ناحيه قطع الغيار والوكيل وكل الاستفسارات اللي انا استفسرت عليها في البرافو (طبعاً من غير الاسئله الخاصه بالتربو)

[MohammedAladel]

بص يا باشا التربو دا على حد معلوماتى برضه بس مش متأكد مينفعش تفصله بطول ما العربية ماشية هو شغال والله أعلم بس لما بتحرق بيبان أداؤه قوى يعنى كل ما لفات المحرك بتزيد التربو بيبان تأثيره قوى ... على السرعات البطيئة وفى الطلعات تاثيره بيقل طبعا لأنه بيعتمد على ضغط العادم اللى طالع من المحرك

أنا شفت أغلب المشاركات عن فيات برافو .... أنا لو مكنتش جبت ميجان جايز كنت اشترتها بس النصيب ... لأن أنا مش من النوع اللى بيهمنى حكاية قطع ا لغيار قوى يعنى لو ليها محل واحد بيبع غير التوكيل عادى هشترى العربية اللى عاجبانى
بس اللى لاحظته من مشاركات الأعضاء هنا فى قسم فيات ....فيه قطع غيار كتير بتبقى مش موجودة فى التوكيل وبيبعت يجيبها وتستنى سيادتك لحد ما تيجى وطبعا سعرها غالى بس الملاك معتقدين إن السعر دا مناسب على عربية تمنها جديدة معرفش كام بس أنا شايف ان دا مش صح هو موضوع سوق واحتكار لكن قطع الغيار فى جملتها أرخص بكتير

بعد ما ركبت ميجان واتعاملت معاها ينفع يتقال عليها سيارة الشعب بمعنى الكلمة مش زى ما ناس كتير كانت بتقول لى ومش زى ما ناس كتير لسة بتقول عنها كلام مش سليم
توكيلها محترم وبشهادة كل الأعضاء معتقدش إن فيه توكيل أحسن منه
قطع غيارها بقت مرطرة بمعنى الكلمة بس اسعارها بتختلف من مكان لمكان يعنى ممكن تجيب بطاحة المساعد ب 100 وهى نفسها فى مكان تانى ب 150
قطع غيارها بشكل عام مش غالية أنا شايفها رخيصة بس مش هقدر احكم لأن دى أول عربية أركبها فى حياتى دا أنا حتى أتعلمت عليها القيادة
عربية لو اشترتها بحالة نضيفة واهتميت بيها مش هتحتاج تغيرها وهتبقى راكب عربية شكل محترم وبرستيج ولو عايز خامات حلوة يبقى شوف لك حاجة بانوواما فرش جلد تابلوه بيج نص السقف بيفتح حاجة جميلة جدا
هى وال c4 برضه بس ال c4 تابلوها وشاشاتها أجمل

لكن بشكل عام خامات من جوا معقولة مش ممتازة ومش رديئة أنا برضه التابلوه تحس إنه اسفنج مضغوط كدا
وبسيط من جوا يعنى فيه عربية تركبها كدا تحس أنك مرتاح لمنظرها من جوا
بس خد بالك انا مش بقارن بين ميجان و برافو لأن برافو بتتفوق طبعا .... الحاجة الوحيدة اللى ميجان تكسب الشكل فقط ودى أذواق
البرافو موتورها أحسن وفتيسها رينو لسة منزلتش زيه فى مصر :)
وأى استفسار أنا تحت أمر حضرتك


بس أنت اللى لازم تحدد إنت عايز ايه .... لأنى مش معقولة أى حد يقول لك كلمتين تغير رأيك لازم تعرف إيه طلباتك بالظبط

[mhkorayem]

بص يا باشا التربو دا على حد معلوماتى برضه بس مش متأكد مينفعش تفصله بطول ما العربية ماشية هو شغال والله أعلم بس لما بتحرق بيبان أداؤه قوى يعنى كل ما لفات المحرك بتزيد التربو بيبان تأثيره قوى ... على السرعات البطيئة وفى الطلعات تاثيره بيقل طبعا لأنه بيعتمد على ضغط العادم اللى طالع من المحرك

أنا شفت أغلب المشاركات عن فيات برافو .... أنا لو مكنتش جبت ميجان جايز كنت اشترتها بس النصيب ... لأن أنا مش من النوع اللى بيهمنى حكاية قطع ا لغيار قوى يعنى لو ليها محل واحد بيبع غير التوكيل عادى هشترى العربية اللى عاجبانى
بس اللى لاحظته من مشاركات الأعضاء هنا فى قسم فيات ....فيه قطع غيار كتير بتبقى مش موجودة فى التوكيل وبيبعت يجيبها وتستنى سيادتك لحد ما تيجى وطبعا سعرها غالى بس الملاك معتقدين إن السعر دا مناسب على عربية تمنها جديدة معرفش كام بس أنا شايف ان دا مش صح هو موضوع سوق واحتكار لكن قطع الغيار فى جملتها أرخص بكتير

بعد ما ركبت ميجان واتعاملت معاها ينفع يتقال عليها سيارة الشعب بمعنى الكلمة مش زى ما ناس كتير كانت بتقول لى ومش زى ما ناس كتير لسة بتقول عنها كلام مش سليم
توكيلها محترم وبشهادة كل الأعضاء معتقدش إن فيه توكيل أحسن منه
قطع غيارها بقت مرطرة بمعنى الكلمة بس اسعارها بتختلف من مكان لمكان يعنى ممكن تجيب بطاحة المساعد ب 100 وهى نفسها فى مكان تانى ب 150
قطع غيارها بشكل عام مش غالية أنا شايفها رخيصة بس مش هقدر احكم لأن دى أول عربية أركبها فى حياتى دا أنا حتى أتعلمت عليها القيادة
عربية لو اشترتها بحالة نضيفة واهتميت بيها مش هتحتاج تغيرها وهتبقى راكب عربية شكل محترم وبرستيج ولو عايز خامات حلوة يبقى شوف لك حاجة بانوواما فرش جلد تابلوه بيج نص السقف بيفتح حاجة جميلة جدا
هى وال c4 برضه بس ال c4 تابلوها وشاشاتها أجمل

لكن بشكل عام خامات من جوا معقولة مش ممتازة ومش رديئة أنا برضه التابلوه تحس إنه اسفنج مضغوط كدا
وبسيط من جوا يعنى فيه عربية تركبها كدا تحس أنك مرتاح لمنظرها من جوا
بس خد بالك انا مش بقارن بين ميجان و برافو لأن برافو بتتفوق طبعا .... الحاجة الوحيدة اللى ميجان تكسب الشكل فقط ودى أذواق
البرافو موتورها أحسن وفتيسها رينو لسة منزلتش زيه فى مصر :)
وأى استفسار أنا تحت أمر حضرتك


بس أنت اللى لازم تحدد إنت عايز ايه .... لأنى مش معقولة أى حد يقول لك كلمتين تغير رأيك لازم تعرف إيه طلباتك بالظبط

ما انا يا باشا محدد انا عاوز ايه زي ما قلتلك قبل كده
عاوز عربيه محترمه بكوالتي كويسه وشكلها راقي بتكلفه صيانه غير مبالغ فيها (مش شرط تكون رخيصه اخر حاجه بس متبقاش حراقه) وقطع غيار موجوده (مش لازم تكون مغرقه السوق زي الكوري بس تبقى موجوده)
انا كنت بفكر في البرافو من فتره وبعدين ابتديت افكر في حاجات تانيه زي اللانسر الشارك للاسباب اللي قلتها فوق دي
بس من يومين اتعرض عليا برافو كويسه فبدات افكر فيها تاني بس خايف من الحاجات اللي بسال عليها فوق دي فقلت الناس هنا هي اللي هتدلني على الصح
بعد كلامك عن الميجان 2 ممكن الواحد يبدأ يبص عليها لان انا خت بالي انها ارخص شويه من الشارك
المازدا 3 عجباني جداً بس قلقان من نفس النقاط اللي قلقاني من البرافو

[MohammedAladel]

ميجان بشكل عام عربية كويسة ومستعملة ممكن تلاقيها أرخص من شارك ومازدا 3 وبالتأكيد أرخص من سيفيك

بس بجد عربية محترمة بكل المقاييس بس لو حالتها كويسة ودى هتعرفها من كشف التوكيل

دور شوف ميجان بانوراما 2006 أو 2007 بحالة كويسة خد بالك أنا مقلتش 2008 و2009 و 2010 عشان الموديل هيفرق فى سعرها والعربية هى نفسها متغيرش فيها غير حاجات بسيطة ما بين 2005 و 2006
ولو عايز تعرف معلومات اكتر ممكن تدخل قسم رينو شوف المواضيع المثبتة أو اعمل موضوع اسإل فيه عن اللى عايز تعرفه عن العربية

قطع غيارها هتكون بصفة عامة هتكون أرخص من سيفيك وشارك ومازدا وبرافو

وسعرها هيكون حنين برضه

[HOSSAM99]

حضرتك أخترت العربيه الصح
لكن اللي عايز يركب العربيه دي لازم يبقي مبرمج نفسه إنه في أي وقت ممكن العربيه تحتاج قطعة غيار تحيره و يلف عليها شويتين تلاته و هايدفع فيها
أنا كنت هاشتري واحده من حوالي 3 شهور كانت عند الميكانيكي بتاعي بتعمل صيانة و صاحبها عيز يبعها و كان فيها الأتي
كوبلن شمال محتاج تغيير و مقص شمال و فانوس خلفي و هواية مراية يمين و حلية فوج لايت يمين أمامي
رحت طالع علي الحرفين و نزلت عند البيومي و للأسف صدمت بالأسعار (أفتكرتها زي البيجو 307 أو حتي زي ال407 sw) لكن :
الفانوس الخلفي من 1200 إلي 1500
الكوبلن 2000
المقص 1500 إلي 2000 (يمكن المقص الذهبي و أنا مش عارف)
و نفسي أتسدت مسألتش عن باقي الحاجه
و صرفت نظر عن العربيه دي مش البرافو عموما لأ العربيه المعروضه
و للعلم أنا دماغي ناشفه و هاركب البرافو يعني هاركبها (بعون الله) لكن هاركبها تكون كيلو متر قليل و حالة فوق النادره و يا أما بلاش منها
لما أركبها و يحصل فيها حاجه يبقي ده أستعمالي و أتحمل تكلفة أستعمالي إنما مجبش عربيه محتاجه مصاريف و مصاريفها تضرب * 4 من مصاريف الـ307
و كمان أنا هاركبها علشان التيربو و الديوال لوجيك مش علشان الأستخدام اليومي العادي

أخيراً : واضح من كلام حضرتك أن أستخدامك أقتصادي ففكر في عربية أقتصاديه نفس فئة البرافو
عندك البيجو 307 و السيتروين الـc4 العادية و الكوبيه و البانوراما ممكن المازدا 3 و يا سلام لو هاتشباك
فيه عربيات كتير تحقق رغباتك طالما مش عايز تيربو و ديوال لوجيك

[mhkorayem]

ميجان بشكل عام عربية كويسة ومستعملة ممكن تلاقيها أرخص من شارك ومازدا 3 وبالتأكيد أرخص من سيفيك

بس بجد عربية محترمة بكل المقاييس بس لو حالتها كويسة ودى هتعرفها من كشف التوكيل

دور شوف ميجان بانوراما 2006 أو 2007 بحالة كويسة خد بالك أنا مقلتش 2008 و2009 و 2010 عشان الموديل هيفرق فى سعرها والعربية هى نفسها متغيرش فيها غير حاجات بسيطة ما بين 2005 و 2006
ولو عايز تعرف معلومات اكتر ممكن تدخل قسم رينو شوف المواضيع المثبتة أو اعمل موضوع اسإل فيه عن اللى عايز تعرفه عن العربية

قطع غيارها هتكون بصفة عامة هتكون أرخص من سيفيك وشارك ومازدا وبرافو

وسعرها هيكون حنين برضه

اولا انا مش عارف اشكر ازاي انا تاعبك معايا جداً
انت شكلك كده هتزقزقلي الميجان 2 وهتطلعها في دماغي (يعنى هو انا غاوي ارمي فلوس على الارض) طالما هتوفرلي اللي انا محتاجه تبقى تمام جداً
وبصراحه فكره البانوراما دي بالنسبه ليا اهم من التيربو اللي مش هحتاجه اوي
بالنسبه للسيفيك انا مبفكرش فيها اصلا كفايه انها واطيه اوي ومش هسيب مطب في شوارعنا الحلوه غير لما اكحت فيه ويتحرق دمي فهي مش في دماغي غير انها اغلى من الباقي
بس معلش هو موديل 2006 و 2007 بانوراما لو بحاله نضيف تبقى في رنج كام

شكلك كده هتلطش من رجاله فيات الزبون بتاعهم عشان كده انا هدخل قسم الرينو وهقرا كلام الاعضاء هناك عشان شكلنا هنطرد من قسم فيات قريب

[mhkorayem]

حضرتك أخترت العربيه الصح
لكن اللي عايز يركب العربيه دي لازم يبقي مبرمج نفسه إنه في أي وقت ممكن العربيه تحتاج قطعة غيار تحيره و يلف عليها شويتين تلاته و هايدفع فيها
أنا كنت هاشتري واحده من حوالي 3 شهور كانت عند الميكانيكي بتاعي بتعمل صيانة و صاحبها عيز يبعها و كان فيها الأتي
كوبلن شمال محتاج تغيير و مقص شمال و فانوس خلفي و هواية مراية يمين و حلية فوج لايت يمين أمامي
رحت طالع علي الحرفين و نزلت عند البيومي و للأسف صدمت بالأسعار (أفتكرتها زي البيجو 307 أو حتي زي ال407 sw) لكن :
الفانوس الخلفي من 1200 إلي 1500
الكوبلن 2000
المقص 1500 إلي 2000 (يمكن المقص الذهبي و أنا مش عارف)
و نفسي أتسدت مسألتش عن باقي الحاجه
و صرفت نظر عن العربيه دي مش البرافو عموما لأ العربيه المعروضه
و للعلم أنا دماغي ناشفه و هاركب البرافو يعني هاركبها (بعون الله) لكن هاركبها تكون كيلو متر قليل و حالة فوق النادره و يا أما بلاش منها
لما أركبها و يحصل فيها حاجه يبقي ده أستعمالي و أتحمل تكلفة أستعمالي إنما مجبش عربيه محتاجه مصاريف و مصاريفها تضرب * 4 من مصاريف الـ307
و كمان أنا هاركبها علشان التيربو و الديوال لوجيك مش علشان الأستخدام اليومي العادي

أخيراً : واضح من كلام حضرتك أن أستخدامك أقتصادي ففكر في عربية أقتصاديه نفس فئة البرافو
عندك البيجو 307 و السيتروين الـc4 العادية و الكوبيه و البانوراما ممكن المازدا 3 و يا سلام لو هاتشباك
فيه عربيات كتير تحقق رغباتك طالما مش عايز تيربو و ديوال لوجيك

هو في الحقيقه انا مش عارف اسعار القطع اللي حضرتك كاتبها دي في العربيات التانيه بكام عشان اقدر اقارن بس لو هي 4 اضعاف البيجو تبقى كتيير اوي
بس هو السعر ده سعر قطع جديده أصلى ولا استيراد عشان لو استيراد ده يبقى اسمه هبل
وعلى العموم انا بشكرك على المساعده

بس انا ملاحظ ان رجاله فيات بشكل عام وملاك البرافو بشكل خاص مختفيين في ظروف غامضه مفيش غير zorbe7 بس اللي عبرني (هو انا دخلت قسم غلط )