أجيب اية فيات 128 ولا 127

[hulkyehia]

السلام عليكم ورحمة الله وبركاته
انا عايز أشترى عربية بس محتار بين 128 و 127 ياريت الإفادة و اى عربية تستحمل الطرق بتعتنا و السفر
سبحانك اللهم وبحمدك ، أشهد أن لا إله إلا أنت أستغفرك وأتوب إليك

[emad_2020]

انا كان معايا 28 من قبل ما اشتريها كنت زيك كدا محتار
سئلت ناس قالو 28 اوسع من جوه وكمان بتجرى عن 27 وكمان فى البيع اسرع لكن عن الطرق واى واحد بتستحمل اكتر انسا الطرق عندنا تكسر اجدع عربية بس 27 تستحمل العفشة بتعتها وقت اكبر من 28
وبردو استنا رد باقى الاعضاء

[hulkyehia]

مشكوووووور و جزاك الله خيراً

[Muahmmad Honda]

هاتلك بيتلز .. هتستحمل معاك اكتر من دول مليون مرة و ثبات و جراية و تسافر و تروح و تيجى مبتقولش لأ .. لكن ولا 28 ولا 27 هتنفع للاسف فى شوارعنا :/

تحياتى

[Dr.hanysamy]

حالة العربية اهم حاجة وطبعا عربية1300ال28 اكيد تستحمل عن 900 ال27 بس عن خبرة الاتنين مش وحشيين ولو بتهتم بعربيتك عمرها ما هتزعلك حتي لو في السفر او الشوارع الزفت بتعتنا بس اعمل حسابك مهما كانت العربية حالتها كويسة هتحتاج شوية مصاريف في الاول غير المصاريف المعتادة.نسيت اقولك عافشة ال27 ماتفرقش كتير عن28 لكن شاسية ال28 بيشرخ بسرعة و ممكن يفتح منك اما ال27 عيبها في البرومة بتاكل العربية

[hulkyehia]

هاتلك بيتلز .. هتستحمل معاك اكتر من دول مليون مرة و ثبات و جراية و تسافر و تروح و تيجى مبتقولش لأ .. لكن ولا 28 ولا 27 هتنفع للاسف فى شوارعنا :/

تحياتى

البيتلز موديل كام وهل قطع غيرها متوفرة وشكراً لحضرتك

[hulkyehia]

حالة العربية اهم حاجة وطبعا عربية1300ال28 اكيد تستحمل عن 900 ال27 بس عن خبرة الاتنين مش وحشيين ولو بتهتم بعربيتك عمرها ما هتزعلك حتي لو في السفر او الشوارع الزفت بتعتنا بس اعمل حسابك مهما كانت العربية حالتها كويسة هتحتاج شوية مصاريف في الاول غير المصاريف المعتادة.نسيت اقولك عافشة ال27 ماتفرقش كتير عن28 لكن شاسية ال28 بيشرخ بسرعة و ممكن يفتح منك اما ال27 عيبها في البرومة بتاكل العربية

مشكوووووور و جزاك الله خيراً

[Ahmed_selmy]

بص يا باشا , عن تجربه ال127 رهيبه......انت بس فعلا تهتم بيها وحتاخد منها احلا شغل .....ومبتقولش لا ولا بتقف, خصوصا لو فهمتها , اعطالها ثابته و لو عرفتها ممكن تبقى تصلحها انت , قطع غيرها رخيصه بس للاسف مبقتش منتشرة زى الاول , يعنى فى حاجات لازم تجيبها من عزبة شلبى ومتلاقيش منها جديد , والكشافات بردوا بقت صناعتها صينى وتعبانه اوى...
بس كعربيه واستهلاك بنزين حلوة وتعيش معاك.
وربنا يوفقك

[hulkyehia]

بص يا باشا , عن تجربه ال127 رهيبه......انت بس فعلا تهتم بيها وحتاخد منها احلا شغل .....ومبتقولش لا ولا بتقف, خصوصا لو فهمتها , اعطالها ثابته و لو عرفتها ممكن تبقى تصلحها انت , قطع غيرها رخيصه بس للاسف مبقتش منتشرة زى الاول , يعنى فى حاجات لازم تجيبها من عزبة شلبى ومتلاقيش منها جديد , والكشافات بردوا بقت صناعتها صينى وتعبانه اوى...
بس كعربيه واستهلاك بنزين حلوة وتعيش معاك.
وربنا يوفقك

مشكور وجزاك الله خيراً

[إبراهيم المصرى]

لو عائلى وسفر يبقى 28 بس حالة سليمة ولو 1300 يبقى افضل ولو شبابى و سفر محدود يبقى 27