فيات سيينا موديل 2000 ارجو المساعدة للاهمية

[engzoom2012]

مساء الخير علي افضل منتدي و اجدع شباب
عندي كام سؤال بخصوص فيات سيينا موديل 2000 1400ccعلشان عايز اشتريها و قلقان منها مع العلم اني معنديش اي خبرة في السيارات و اول مرة مرة اشتري عربية و بسوق علي قدي حبتين و كمان انا من اسكندرية فياريت الاسكندرانية يساعدوني
1- عايز مركز او مكان متخصص في السيينا في اسكندرية علشان اكشف علي العربية من كل حاجة (ميكانيكا - سمكرة - عفشة- كشف كمبيوتر - كهرباء)و التكلفة هتكون قد اية
2- لو مفيش مركز بالمواصفات دي ممكن اروح لمين (ميكانيكي و سمكري) بس يكون شاطر اوي و يجبلي من الاخر و هياخد كام
3- قطع الغيار اسعارها اية و ممكن اجيبها منين و اية الاصلي و اعرفة ازاي
4- لو العربية طلعت كويسة يبقي سعرها حوالي كام مع العلم انها ماشية 130000 كلم وهل دة كويس ولا ماشية كتير
و الف شكر و اسف اني طولت عليكم

[aldesha989]

لو موديل 2000 وماشيه 130 يعنى صاحبها مش بيمشى بيها كتير وده لو ماكنش لاعب فى العداد

تانى حاجه ليه تجيب فيات سيينا 1400 لما تقدر تجيب ال 1600 وهتبقى انجكشين كامل وده افضل وكمان ماتور افضل وشغلها احسن وابعد عن الهاف انجكشين لانه مش عاجبى وشكل الحوض بتاعها كمان وحش

المهم انتا محتاج ميكانيكى وسمكرى والاتنين مع بعض

والاهم ان سعر العربيه يوم ما يضربه الدم ما هيعلى عن 35 الف وده لما تكون الحاله فابريكه

وانتا وشطارتك بقى

انا عارف اسعارها لانى كنت هجيبها بس قدر الله وما شاء فعل ما حصلش نصيب وجيبت المازدا اللى مطلعه عينى ورجلى بوقوى وايدى :d

[el diesel]

بلاش يا حاج انا كنت زيك وربنا العالم ودورت ورا مواضيع السيينا بالايام خصوصا انها كانت افضل صفقة فى رينج 35 الف جنيه وكانوا كل اللى معايا
وللاسف مع انها ركوبة محترمة و فيها كماليات كتيير وشنطة بحر تتوه فيه لكن مشاكلها كتيييييييير وحاجتها فى اسكندرية قليلة واتذكر موضوع لأخ اسكندرانى قعدت معاه شهرين صرف عليها حوالى 8000 جنيه وقليل من اللى بيشتغلوا فيها فى اسكندرية وخصوصا ال1600 علشان الحوض ضيق على الموتور

[طائر فيت]

اخى الفاضل السياره سيينا 1400 سياره فوق الممتازه قطع غياره رخيصه في كل مكان و توعدل فيها اشئ كثير في الاسكندريه يوجد النونو لقطع الغيار والمهندس وسيار رياضيه لائنه عندى

[engzoom2012]

شكرا علي اهتمامك بس ياريت تقلي النونو دة فين

اخى الفاضل السياره سيينا 1400 سياره فوق الممتازه قطع غياره رخيصه في كل مكان و توعدل فيها اشئ كثير في الاسكندريه يوجد النونو لقطع الغيار والمهندس وسيار رياضيه لائنه عندى

شكرا علي اهتمامك بس ياريت تقلي النونو دة فين و لو تعرف ميكانيكي و سمكري مضمونين و بيفهمو في السيينا تقولي عنوانهم و ارقام تليفونهم علشان الفروض اكشف علي العربية يوم الاربعاء الجاي ولسة معرفش هكشف عليها فين وخايف اروح لميكانيكي و سمكري مبيفهموش و تطلع تعبانة و البسها

[طائر فيت]

السلام عليكم ورحمة الله ؤبركاته كل عام وانت بخير بشهر رمضان الكريم نظرا لعملي فاني لاافتح النت الا قليل النونو في صلاح الدين والفرهده في الاسكندريه يوجد اثنان في نفس الشارع سوف احاول اعرفك اسمهم ان شئ الله وهذا موبيلي 01222432207للمساعده اذا نويت تشتري خد معاك اي ميكانيكي يعرف ربنا معاك