128 الموديل الجديد 2008

[hesham2h]

السلام عليكم

يا جماعه انا بحب ال فيات 128 اوى

المهم انا كنت ناوى اشترى واحده عشان سعرها مناسب للى معايا بس طبعا كانت هاتبقى مستعمله

ناس نصحتنى وقالت لا مش تشتريها عشان طبعا مده الصلاحيه وخلاص الموديلات بدأت تتعب

طيب دلوقتى نزلت موديل 2008

ياترى هى هى نفس العربيه ولا فيها اى حاجه جديده راكبه زى باور او تكيف اى حاجه يعنى

ياريت لو اى حد يعرف اى معلومات عن الموديل الجديد 2008 يشرح ليا او يقولى

علما بانى سعرها الاخير اللى اعرفه 40000 الف جنيه كاش

ودمتم سالمين يارب

[youssefmustang]

والله انا شوفتها فى معرض المصرية للسيارات فرع المعادى جملية جدا ومنورة والناس كانت مستغربة وهى موجودة والله يا اخى العزيز انا بفكر اشتريها بس ما اعتقدش انها معاهش تكييف ولا باور او ممكن تكون هاف باور وسألت عليها بـ 40000 كاش وممكن تقسط تدفع الربع يعنى 10000 وتقسط على 60 شهر (5 سنين) 800 جنيه واى استفسار انا موجود
اخوك يوسف

[NaderNabil]

أعتقد انها وصلت ل 45000!!!

[mohamed2002]

وصلت ل 45000 وشركة يوجو منزلة كمية محدودة وعلي الراغبين سرعة الاتصال قبل نفاذ الكمية دة اللي مكتوب في الاخبار ,مين بس اللي حيدفع 45000الف في 128 زيرو
مع العلم انا شفتها في معرض في الاسكندرية وكنت حاسس انها طالعه من عمره :)
اللي عاوز 128 يجيب استعمال في رينج 25 الي 28 دة اللي تسواه ,انا مش ضد ال 128 لكن اكيد هية مش تسوي45 الف

[CBR]

ب 45000 فعلا

وده سعر حرام فيها بجد

لانها نفسل الشكل واظن بدون باور وممكن يكون فيها تكيف

الافضل تشتري سياره مستعمله بالسعر ده

او لو تقسط وتشتري اسبرانزا a113

افضل بكتير

من ناحية الشكل والاداء

وماخاب من استخار

سلام

[NaderNabil]

لانها نفسل الشكل واظن بدون باور وممكن يكون فيها تكيف

مافهاش الهوا!!!

بس فيها كنبة و كرسيين و دركسيون!

[ows212]

مافهاش الهوا!!!

بس فيها كنبة و كرسيين و دركسيون!

واربع عجلات كمان انت نسيت يا نادر

[ows212]

انا كنت مستحرم فيها 35000 وصلت 45000 طبعا حرام جدا
ال 128 عربية كويسة لو هاشتريها مستعملة حالتها كويسة وبغرض انى اتعلم عليها واخبطها لكن جديدة حرام حرام حرام

[فادى]

و ماله سعرها, يا جماعة اذا كان الموتوسيكل المتحول الى اسمه الكتكوتة باين ب50 الف جنيه,
أعتقد انو ال128 لو كانت ب60 الف يبقى سعرها منطقى جدا جدا بالنسبة للشىء المسمى الكتكوتة ده!
و اذا كانت علبة الكبريت الى اسمها ماروتى قربت من ال40 الف,
كل أسعار العربيات فى مصر لا منطقية اشمعنى ال128 الى عاوزينها تبقى منطقية.

[Nile_Storm]

ايوه فادي باشا
بس كانو حطو فيها اي اوبشنز
او تعديل بسيط انسيابي لشكل علبه الكبريت ده

[فادى]

ايوه فادي باشا
بس كانو حطو فيها اي اوبشنز
او تعديل بسيط انسيابي لشكل علبه الكبريت ده

انا سقت ال128 لفترة لا بأس بها و أقدر اقولك عربية جميلة و ممتعة جدا فى السواقة, لو حالتها كويسة طبعا.
سريعة و ثابتة على الأرض بطريقة مدهشة بالنسبة لسيارة فى حجمها و فئتها, و متنساش انها كانت سابقة عصرها فى التصميم :
المحرك بوضعية عرضية, كامات علوية, تعليق مستقل(لحد النهاردة فيه عربيات لم يصل اليها هذا النوع من التعليق).
و كانت عربية تاريخية فى وقتها.
بالنسبة للشكل فأنا حاسس انو رغم قدم التصميم, الا انها لازالت لحد النهاردة شكلها مقبول جدا.
أنا معاك تماما انى حرام ادفع 40 الف جنيه فى عربية بلا تكييف على الأقل, بس لو كانت الكتكوتة ب50 الف يبقى حلال ادفع 60 الف فى ال128 على الأقل عربية مش مغشوشة, و معروفة من زمان, و أدائها أفضل 200 مرة من الكتكوتة.
بس فعلا السيارة لو اتزودلها تكييف و باور على الأقل, بنفس السعر ده أو اعلى قليلا, هتبقى خيار جيد جدا للكثيرين, خاصة انها محبوبة فى مصر.

[Nile_Storm]

انا مش ببصلها كده
انا ببصلها بشكلتاني
ايه اللي يفرق اللي شاريه ازيرو ب 40 الف من اللي شاريها مستعمله نضيفه ب 23 الف و شاددها تمام

الصفقه من وجهه النظر دي غير مربحه تماما

[mohamed ibiza]

45 الف جنيه و العربية فاضية خالص بدون اي اوبشنز ولا تكييف ولا اي حاجة كتير السعر ده اوي يعني انا مش ضد ال 128 بس كتير رأيي هاتها استعمال احسن

[CBR]

انا مش ببصلها كده
انا ببصلها بشكلتاني
ايه اللي يفرق اللي شاريه ازيرو ب 40 الف من اللي شاريها مستعمله نضيفه ب 23 الف و شاددها تمام

الصفقه من وجهه النظر دي غير مربحه تماما

+100000000

[Mohamed-Saoud]

انا سقت ال128 لفترة لا بأس بها و أقدر اقولك عربية جميلة و ممتعة جدا فى السواقة, لو حالتها كويسة طبعا.
سريعة و ثابتة على الأرض بطريقة مدهشة بالنسبة لسيارة فى حجمها و فئتها, و متنساش انها كانت سابقة عصرها فى التصميم :
المحرك بوضعية عرضية, كامات علوية, تعليق مستقل(لحد النهاردة فيه عربيات لم يصل اليها هذا النوع من التعليق).
و كانت عربية تاريخية فى وقتها.
بالنسبة للشكل فأنا حاسس انو رغم قدم التصميم, الا انها لازالت لحد النهاردة شكلها مقبول جدا.
أنا معاك تماما انى حرام ادفع 40 الف جنيه فى عربية بلا تكييف على الأقل, بس لو كانت الكتكوتة ب50 الف يبقى حلال ادفع 60 الف فى ال128 على الأقل عربية مش مغشوشة, و معروفة من زمان, و أدائها أفضل 200 مرة من الكتكوتة.
بس فعلا السيارة لو اتزودلها تكييف و باور على الأقل, بنفس السعر ده أو اعلى قليلا, هتبقى خيار جيد جدا للكثيرين, خاصة انها محبوبة فى مصر.

كلام سليم و متفق معاه...

رايي انها حل مثالي لأي شاب عايز يركب زيرو و معهوش 60و70 ألف علشان يركب الأشكال الحديثة. بس فعلا هي شكلها جميل بدليل ان بنات كتير بتحب تركبها لهذا السبب.

الميزة هنا أنك بتركب عربية في منها طبق الأصل شغال أكتر من 30 سنة قدامك و بكفاءة عالية و بتمن زهيد للاصلاح بالاضافة لوسع صالونها و شنطتها.