مشكلة سخونة موتور فيات سيينا

[Taghian]

يا جماعة الخييييييير
أنا عندي فيات سيينا موديل 2000 والمشكلة الدائمة فيها مؤشر الحرارة بينط للنص ع طوووول
غيرت الريدياتير وغيرت خراطيم ومشترك المياه اللي عند الصدر ومفيش فايدة
وأرخم حاجة المؤشر بكون رافع قبل النص وانا ع الطريق السريع مع ان المفروض الهوا الخارجي يبردها
دلوني اعمل ايه
ولو حد يعرف ميكانيكي كويس ف فيصل ...... بس يكون متخصص سيينا مش من الهواة
سامحوني طولت عليكم ..... بس دي مشكلة تاعباني أوي ي ي ي ي ي ي

[svneleven]

حضرتك المروحة فيها سرعتين و السرعة التانية بتشتغل مع التكييف أو لو العربية سخنت جامد. يا ريت تتأكد أن المروحة سليمة.

[Gelgel2004]

و تتاكد من كوع الثرموستات اللى فى الكوعه
1/ لازم الثرموستات يكون راكب
2/ السرعات و المقاومه اللى فى المروحه تكون شغاله
3/ ثرموستات اللقط - السويتش - اللى فى الرادياتير مضبوط و الاصلى ان امكن
تحياتى

[mishoooonline]

الخلاصة
لو انت بتحط مياه عادية ف الرداتير
يبق انت عاوز تنضف البلوك نفسه والماسورة بتاعت الميه اللي ف الطرمبة
لانها هتبق مليانة طينة وبتقلل من كفاءة التبريد واعمل حسابك تغير طبب المياه وجوان وش السلندر لو متاكل او غيره احطياطيا