السخونة الغريبة

[mr_hamed_s]

يجماعة العربية عندى بتعمل حاجه غريبة جدا هى الاتى

اولا مروحة الريدياتير مابتشتغلش غير لما امبير الحرارة يعدى النص تشتغل يرجع الامبير للنص تانى وتفصل
مش فاهم ده ايه تفسيرة ؟

ثانيا والاهم بقى النهارده وانا على المحور فى الحر القاتل شغلت التكييف طبيعى مروحة الريدياتير تفضل شغالة على طول مش تشتغل وتفصل

فبالتالى العربية بتفضل بارده الامبير بيكون اقل من النص بعد بقى ماقفلت التكييف وانا لسه برده فى الزحمة لاقيت موشر الحرارة ضرب عالالى على الاحمر طفيت العربية وبدورها لاقيته على نص الامبير قلت العداد بيهيس

المهم عملتها 3 او اربع مرات لحد مامرة واحده لاقيت بخار طالع من ناحية قربة الميه وشى ضرب الوان ركنت العربية على اليمين ونزلت طبعا المياه كانت بتغلى فى القربة استنين نص ساعة كده على ماهديت وفتحت القربة بدور لاقيت المياه لسه بتغلى وبتفور من القربة اعمل ايه اعمل ايه استنيت شوية لما هديت وفتحت خرطوم الفايز المرة ديه نفست هوا تانى بس دورت مافيش غليان ولا حاجه زودت ميه وسحبت هوا ومشيت مشيت 100% زى القردة بس مشغلتش التكييف والمروحة برده بتاخر تشتغل بعد النص

هتجنن عايز اعرف المشكلة مشكلة ايه ؟

[a.one_1]

انا عندى نفش المشكلة فى تويوتا ستارليت ومؤقتا خليت المروحه شغالة مع الكونتاك عالطول لحد ما اشوف حل مع العلم انا غيرت ترموستات واكيد العداد سليم على فكرة

ارجو حد يفيدنا فى الموضوع ده

[alswafy]

بص يا سيدي انا برضه كان عندي نفس المشكله الحل بقى بعد ما طلع عيني العربيه عاوزة ارضي عشان العداد بتاع الحرارة بيهيس وكمان العربيه عندك واخده هواه نظف الريداتير وخد هواه واعمل طرف ارضي من البطريه لجسم العربيه هتلاقي المشكله راحت بعون الله بس لازم تاخد هواه وارضي ولو ما ظبتطش تبقى على طول مقومة المروحه تغيرها هي 25 جنيه من عند بتوع غيار فيات ومش هتخرج من 3 دوا انا كنت بعاني لحد لما عرفت السبب من كهريائي في التوكيل اسمه ايمن وفاتح في فيصل

[mr_hamed_s]

بص يا سيدي انا برضه كان عندي نفس المشكله الحل بقى بعد ما طلع عيني العربيه عاوزة ارضي عشان العداد بتاع الحرارة بيهيس وكمان العربيه عندك واخده هواه نظف الريداتير وخد هواه واعمل طرف ارضي من البطريه لجسم العربيه هتلاقي المشكله راحت بعون الله بس لازم تاخد هواه وارضي ولو ما ظبتطش تبقى على طول مقومة المروحه تغيرها هي 25 جنيه من عند بتوع غيار فيات ومش هتخرج من 3 دوا انا كنت بعاني لحد لما عرفت السبب من كهريائي في التوكيل اسمه ايمن وفاتح في فيصل

الارضى متراجع علية 100 مرة وسليم
واخدت هوا ومتاكد انها مش محتاجه هوا
المروحة عندى سرعتين بس كل سرعة ليها كابل لوحده معتقدش ليها مقتومة كهرباء

وبعدين انا متابعها دلوقتى هيه المروحة بتشتغل متاخر ومش عارف ده ممكن يكون ايه سببة

هتجنن من الحوار ده